ايتا كەتەلىك, ارىس قالاسىندا ايتىپ كەلمەيتىن اپات ورىن العاننان كەيىن بارشا ەلىمىز بولىپ, اۋىرتپالىققا يىقتارىن توسقان بولاتىن. سونىڭ ءبىر پاراسى بالالاردىڭ دەمالىسى, العاشقى لەكتە 150 بالا كەلىپ بۋراباي باۋرايىنداعى «زۆەزدنىي» جانە «سامۇرىق» بالالار دەمالىس لاگەرلەرىنە ورنالاستىرىلدى. بۇل جاقتاعى اۋا رايىنىڭ ەرەكشەلىكتەرىنە وراي, ولار جىلى كيىم, باسقا دا كەرەك-جاراقتارمەن تولىق قامتاماسىز ەتىلدى. دەم الۋلارىنا بارلىق جاعداي جاسالدى. ەكىنشى لەكتە, شىلدەنىڭ 12-ءسى كۇنى كەلگەن 112 بالا شالقارداعى كوكشەتاۋ قالالىقا ءبىلىم بولىمىنە قاراستى «سوكول» جانە «چايكا» بالالاردى ساۋىقتىرۋ ورتالىقتارىندا دەمالدى.
بۇگىن كەلگەن 145 بالا «چايكا» بالالاردى ساۋىقتىرۋ ورتالىعى مەن زەرەندىدەگى «اۆرورا-گاردەن» دەمالىس ورتالىعىنا باراتىن بولادى. جاس مەيمانداردى ەجەلگى قوناقجايلىق سالتىمەن قارسى العان كوكشەتاۋلىقتار تەمىرجول ۆوكزالىندا سالتاناتتى جيىن وتكىزىلدى. الىستاعى ارىستان جەتكەن جەتكىنشەكتەردىڭ الدىندا وبلىستىق ءبىلىم بەرۋ باسقارماسى باسشىسىنىڭ ورىنباسارى بوتاگوز دۇيسەنوۆا مەن وبلىستىق «قازاق ءتىلى مەن مادەنيەتى» قوعامدىق بىرلەستىگىنىڭ توراعاسى مەيرامبەك قيىقوۆ اقجارما تىلەكتەرىن ايتىپ, دەمالىس مەرزىمىن ءتيىمدى وتكىزۋلەرىنە تىلەكتەستىكتەرىن ءبىلدىردى.
