ءىس-شاراعا ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ جانە سۋديالار, قۇقىق قورعاۋ ورگانىنىڭ وكىلدەرى قاتىستى.
قازاقستان رەسپۋبليكاسى پرەزيدەنتىنىڭ جارلىعىمەن اقتاۋ قالاسىنىڭ مامانداندىرىلعان اكىمشىلىك سوتىنىڭ توراعاسى لاۋازىمىنا وسى سوتتىڭ سۋدياسى قىزمەتىنەن بوساتىلا وتىرىپ قارجاۋ بوزشاعۇلوۆ, ماڭعىستاۋ وبلىسىنىڭ قىلمىستىق ىستەرى جونىندەگى مامانداندىرىلعان اۋدانارالىق سوتىنىڭ توراعاسى لاۋازىمىنا بەينەۋ اۋداندىق سوتىنىڭ توراعاسى قىزمەتىنەن بوساتىلا وتىرىپ ينياتۋللا دوسەتوۆ تاعايىندالدى. سونداي-اق, اتالعان جارلىقپەن اقتاۋ قالاسىنىڭ №2 سوتىنىڭ سۋدياسى لاۋازىمىنا بەينەۋ اۋداندىق سوتىنىڭ سۋدياسى قىزمەتىنەن بوساتىلا وتىرىپ قۋاندىق اكەروۆ جانە اتىراۋ قالالىق سوتىنىڭ سۋدياسى قىزمەتى لاۋازىمىنان بوساتىلا وتىرىپ التىناي بازاروۆا تاعايىندالدى. ال, مۇنايلى اۋداندىق سوتىنىڭ سۋدياسى بەرتاي سەرىك ارال اۋداندىق سوتىنا سۋديالىق لاۋازىمعا اۋىستى.
ەرجان قاراباەۆ جاڭا قىزمەتكە كىرىسكەن توراعالار مەن سۋديالارعا اقيقات جولىندا ادال قىزمەت ەتىپ, ەلىمىزدىڭ سوت تورەلىگىن جۇزەگە اسىرۋعا بەلسەندى ۇلەس قوساتىندارىنا سەنىپ ءبىلدىرىپ, قىزمەتتەرىنە تابىس پەن ساتتىلىك تىلەدى.
ماڭعىستاۋ وبلىسى
