وسى يگى شاراعا وراي ۇيىمداستىرۋشىلار بالالاردى ۆوكزالدان سالتاناتتى تۇردە ءان-كۇيمەن, انيماتورلاردىڭ ونەرىمەن, ارنايى سىيلىقتارمەن قارسى الىپ, «ورنەك» ساۋىقتىرۋ لاگەرىنە ورنالاستىرۋدى جازعى جۇمىستارىنىڭ ماڭىزدى بولىگىنە اينالدىرعان.
«ورنەك» لاگەرىندە بالالار ءۇشىن تانىمدىق بايقاۋلار, اعىلشىن ءتىلى كۋرسى, سپورتتىق ويىندار, دۇرىس تاماقتانۋ جانە جاڭا دوستارمەن تانىسۋ سياقتى قىزىقتى كۇندەر باستالىپ كەتتى. بۇگىندە «ورنەك» لاگەرىندە 75 وقۋشى, 7 پەداگوگ دەمالۋدا.
كەلەسى 150 وقۋشى, 14 پەداگوگ اعىمداعى جىلعى 23 شىلدە-6 تامىز كۇندەرى دەمالاتىن بولادى. بالالار ءۇشىن مادەني جانە ويىن-ساۋىق باعدارلامالارى ۇيىمداستىرىلعان. بالالارمەن بىلىكتى پەداگوگتار مەن پسيحولوگتار جۇمىس ىستەۋدە.
دەمالىس بارىسىندا وقۋشىلار مەن پەداگوگتاردى الماتى قالاسىنىڭ تاريحي جانە كورىكتى جەرلەرىمەن تانىستىرۋ ەكسكۋرسيالارى جوسپارلانعان. العاشى دەمالۋشىلار كەلگەن كەزدە لاگەر اۋماعىندا الماتى قالاسى اكىمدىگى مەن «كازلەگپروم-الماتى» جشس وكىلدەرى دەمالىپ جاتقان بالالاردىڭ ارقايسىسىنا مەكتەپ فورماسىن سىيعا تارتقان بولاتىن.
