بۇل شارا تۇڭعىش پرەزيدەنت - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قولعا الىنىپ وتىر. اتالعان قالاشىق ءVىى-ءحىV عاسىرلاردا جانكەنت, يانگيكەنت دەپ اتالعان. تۇرىكمەن تاريحشىسى ابىلعازى ءباھادۇردىڭ ايتۋىنشا, وعىز ەلىنە جۇزدەگەن جىلدار بويى استانا بولىپ كەلگەن. جانكەنت شاھارى سىر وزەنىنىڭ سول جاق بەتىندە ورنالاسقان.
دالالىق ەكسپەديتسيا جۇمىستارىن قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ عالىمدارى قولعا الىپ وتىر. وعان ۋنيۆەرسيتەتتىڭ ارحەولوگيا جانە ەتنوگرافيا عىلىمي-زەرتتەۋ ورتالىعىنىڭ جەتەكشىسى, PhD دوكتور ءازىلحان تاجەكەەۆ جەتەكشىلىك ەتەدى.
«بيىلعى قازبا جۇمىسىندا قالاشىقتىڭ شاحريستان بولىگىندە ورنالاسقان تۇرعىن ءۇي كەشەنىنە زەرتتەۋ جۇرگىزىلدى. ەسكەرتكىش تسيتادەلىنىڭ سولتۇستىك قابىرعاسىنان ارشىلعان مۇنارالار مەن وعان جالعاسىپ جاتقان قابىرعالارعا نازار اۋدارىلدى. سونداي-اق قالاشىقتىڭ شىعىس قابىرعاسىنىڭ ورتاڭعى بولىگىنە قازبا سالىنىپ, تولىق ارشىلدى», دەدى ءازىلحان تاجەكەەۆ.
بۇگىندە قالاشىقتىڭ عالىمدار زەرتتەگەن بولىگى تولىقتاي كونسەرۆاتسيالاندى.
