ايماقتار • 24 شىلدە، 2019

«Open Qyzylorda» جوباسى حالىق پەن بيلىكتى جاقىنداتادى

116 رەت كورسەتىلدى

قالا اكىمىنىڭ تاپسىرماسىمەن باستاۋ العان «اشىق قىزىلوردا» جوباسىنىڭ ماقساتى حالىق پەن بيلىك اراسىندا تىعىز بايلانىس ورناتۋ. قىزىلوردا قالاسى اكىمدىگىنىڭ ءباسپاسوز قىزمەتى وسىلاي دەيدى.

جاقىندا قالا اكىمى نۇرلىبەك نالىباەۆ اتالعان جوبا اياسىندا قاراۋىلتوبە اۋىلدىق وكرۋگىنىڭ تۇرعىندارىن قابىلدادى.

ەڭ الدىمەن قالا اكىمى اۋىلدىق وكرۋگىندەگى ورتاشا جوندەۋدەن وتكەن، ۇزىندىعى 1،6 شاقىرىم بولاتىن سارى بايسەيتوۆ كوشەسىن اشتى.

سونىمەن قاتار شاھار باسشىسى «قازترانسگاز ايماق» اق-نىڭ دەمەۋشىلىگىمەن قاراۋىلتوبە اۋىلدىق وكرۋگىندەگى ا.يمانوۆ كوشەسىنىڭ بويىندا ورنالاسقان بارلىعى 104 تۇرعىن ۇيلەرگە تارتىلعان گاز قۇبىرلارىمەن تانىستى. اعىمداعى جىلدىڭ 20 تامىزىنا دەيىن اتالعان كوشەدەگى تۇرعىن ۇيلەر تولىعىمەن كوگىلدىر وتىنمەن قامتاماسىز ەتىلەتىن بولاتىندىعىن جەتكىزدى.

«اشىق قىزىلوردا» جوباسى اياسىندا قاراۋىلتوبەگە ارنايى كەلگەن قالا اكىمىنە تۇرعىندار تاراپىنان اتقارىلىپ جاتقان جۇمىستارعا جوعارى باعا بەرىلىپ، العىستارىن ايتتى.

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۇقساس جاڭالىقتار