ايماقتار • 23 شىلدە، 2019

اتىراۋدا ستاتسيونارلى پوليتسيا بەكەتى اشىلدى

135 رەتكورسەتىلدى

جاڭا بەكەتتەر ارقىلى ۋچاسكەلىك پوليتسيا ينسپەكتورلارى وزدەرىنە بەكىتىلگەن اۋماقتاردا حالىقپەن تىعىز قارىم-قاتىناستا بولادى. پوليتسيانىڭ حالىققا قاجەت جاعدايدا دەرەۋ كومەككە كەلۋىنە، قۇقىقبۇزۋشىلىقتارعا دەرەۋ ارەكەت ەتۋىنە مۇمكىندىك بەرەتىن نىساننىڭ اشىلۋ سالتاناتىنا وبلىس اكىمىنىڭ ءبىرىنشى ورىنباسارى سەرىك شاپكەنوۆ قاتىستى،-دەپ حابارلايدى وڭىرلىك كوممۋنيكاتسيالار قىزمەتى.

- كەز كەلگەن ايماقتىڭ دامۋ دەڭگەيى ونىڭ قوعامدىق ءتارتىبىنىڭ تۇراقتىلىعىمەن جانە ازاماتتاردىڭ قۇقىعىن قامتاماسىز ەتۋىمەن انىقتالادى. جەرگىلىكتى اكىمدىك تاراپىنان بۇل باعىتتاعى ەل پرەزيدەنتىنىڭ تاپسىرماسى تولىقتاي ورىندالىپ جاتىر جانە ورگانداردىڭ مارتەبەسىن ارتتىرۋ باعىتىندا ءبىراز شارۋا اتقارىلۋدا. بۇگىنگى كورسەتىلگەن قولداۋ ولاردىڭ حالىق الدىنداعى مىندەتتەرىن ەش كەدەرگىسىز، ادال ورىنداۋلارىنا وڭ اسەرىن تيگىزەدى دەگەن سەنىمدەمىن، - دەيدى سەرىك شاپكەنوۆ.

وبلىس پروكۋرورى حاليدۋللا داۋەشوۆتىڭ ايتۋىنشا، جوبا اياسىندا وسىنداي ستاتسيونارلى پوليتسيا بەكەتتەرى اشىق، حالىققا كورىنەتىن جانە ىڭعايلى ورىنداردا، ەركىن تۇردە كىرۋگە مۇمكىندىك بەرەتىن، حالىق پەن پوليتسيا قىزمەتكەرلەرىنىڭ قاۋىپسىزدىك تالاپتارىنا ساي جەرلەردە ورناتىلادى.

- جوبا جەرگىلىكتى اتقارۋشى جانە پروكۋراتۋرا ورگاندارىمەن بىرلەسىپ ازىرلەنگەن. بەكەت قىلمىستىلىق كارتامەن، زامانعا ساي جابدىقتارمەن، كومپيۋتەرمەن جانە قر ءىىم-ءنىڭ ارنايى بازاسىمەن قامتاماسىز ەتىلەدى. بولاشاقتا وسى بەكەتتەردىڭ تاۋلىك بويىنا جۇمىس ىستەۋى قىلمىستىلىقتى تەجەيتىن فاكتورلاردىڭ ءبىرى بولماق، كەز كەلگەن قۇقىق بۇزۋشىلىققا جەدەل ارەكەت ەتىپ، وبلىس ورتالىعىنداعى قوعامدىق ءتارتىپتى ساقتاۋدى قامتاماسىز ەتەدى، -  دەيدى اتىراۋ قالاسىنىڭ پروكۋرورى ارشات تايتۋللين.

 

اتىراۋ

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار