كەزدەسۋ بارىسىندا ينۆەستيتسيالىق سالادا, مۇناي سالاسىندا, اگروونەركاسىپتىك سەكتوردا ىنتىماقتاستىقتى ودان ءارى دامىتۋ ماسەلەلەرى تالقىلاندى.
«قۇراما شتاتتار قازاقستاننىڭ باستى سەرىكتەستەرى مەن ينۆەستورلارىنىڭ ءبىرى بولىپ قالا بەرمەك», — دەپ قر پرەمەر-ءمينيسترى, 2018 جىلعى قاڭتارداعى قر تۇڭعىش پرەزيدەنتى ن. ءا. نازارباەۆ پەن اقش پرەزيدەنتى د. ترامپ قول جەتكىزگەن ۋاعدالاستىقتاردى ىسكە اسىرۋدىڭ, سونداي-اق, ءوزارا ءتيىمدى ءوزارا ءىس-قيمىل كوكجيەگىن كەڭەيتۋدىڭ ماڭىزدىلىعىن اتاپ ءوتتى.
2018 جىلدىڭ قورىتىندىسى بويىنشا قر مەن اقش اراسىنداعى تاۋار اينالىمى 37,3%-عا $2,2 ملرد دەيىن ءوستى. امەريكالىق ينۆەستيتسيالاردىڭ قازاقستان ەكونوميكاسىنا اعىمى 44,7%-عا ءوستى جانە $5,3 ملرد جەتىپ, جاڭا ءابسوليۋتتى رەكورد ورناتتى.
«ينۆەستيتسيالار تارتىپ, ستراتەگيالىق ينۆەستيتسيالىق جوبالاردى ىسكە اسىرۋ ءۇشىن ينۆەستورلارعا اسا قولايلى جاعداي جاساۋعا ەرەكشە نازار اۋدارىلادى. جاڭا تاسىلدەر امەريكالىق سەرىكتەستەر ءۇشىن نەعۇرلىم قولايلى جاعداي جاسايدى», — دەدى ا. مامين.
پەرسپەكتيۆالى ەكسپورتقا باعدارلانعان سالالاردا ينۆەستيتسيالىق جوبالاردى ىسكە اسىرۋ ماسەلەلەرىن ءتيىمدى شەشۋ ءۇشىن تىكەلەي شەتەلدىك ينۆەستيتسيالار بويىنشا ۇيلەستىرۋ كەڭەسى جانە تىكەلەي شەتەلدىك ينۆەستيتسيالار قورى قۇرىلدى.
قر پرەمەر-ءمينيسترى ءىرى امەريكالىق كومپانيالاردىڭ اگروونەركاسىپتىك سەكتورداعى جوبالارىن جۇزەگە اسىرۋدىڭ پەرسپەكتيۆالىعىن اتاپ ءوتتى جانە ءوڭىر نارىقتارىنا شىعۋمەن قازاقستان اۋماعىندا ءوندىرىستى ۇيىمداستىرۋدىڭ مۇمكىندىگىنە توقتالدى.
ءوز كەزەگىندە, ۋ. موزەر ينۆەستيتسيالىق احۋالدى جاقسارتۋ تاسىلدەرىن جوعارى باعالاپ, امەريكالىق تاراپتىڭ ىنتىماقتاستىقتى قولدانىستاعى فورماتتا جالعاستىرۋعا دايىن ەكەنىن جەتكىزدى.
