اسىق اتۋدان قازاقستاننىڭ ەڭبەك سىڭىرگەن باپكەرى جومارت سابىرجانوۆتىڭ ايتۋىنشا, ەرتەدەن كەلە جاتقان ۇلتتىق ويىن بويىنشا 2010 جىلى سپورت جانە دەنە شىنىقتىرۋ ىستەرى كوميتەتى جانىنان «اسىق اتۋ» رەسپۋبليكالىق فەدەراتسياسى قۇرىلىپ, يۋنەسكو تىزىمىنە ەنگىزىلگەن. بۇگىنگى چەمپيوناتتا ەر ازاماتتار اسىق اتۋدان, ال قىزدار بولسا بەس اسىق ويىنى بويىنشا باق سىناستى. ۇيىمداستىرۋشىلاردىڭ سوزىنشە, جاسوسپىرىمدەر اراسىندا اتالمىش سپورت ءتۇرى كەڭىنەن تانىمال.
«سوڭعى جىلدارى اسىق اتۋ ويىنى جاقسى دامىپ كەلەدى. اسىرەسە, جاستار قىزىعۋشىلىعى جاقسى. بۇرىن مەكتەپتەردە وڭىرلەردە دوپ تەبەتىن بولسا, قازىر اسىق اتادى», دەيدى ج. سابىرجانوۆ.
شىمكەنت قالاسىنىڭ نامىسىن قورعاپ كەلگەن احمەتراۋاني ساپاربەك العاشقى كەزەڭدە سولتۇستىكقازاقستاندىق قارسىلاسىن 2-1 ەسەبىمەن تىزە بۇكتىردى. ول 1,5 جىلدان بەرى وسى ويىن تۇرىمەن جاتتىعادى ەكەن.
قوستانايلىق مەرەكە شاناباي– بەس اسىق ويىنىنان قازاقستاننىڭ چەمپيونى. ويىن ەرەجەسى بويىنشا 12 جاتتىعۋ جاساپ, 15 مينۋت ىشىندە 150 ۇپاي جيناۋ كەرەك بولسا, ول دىتتەگەن ماقساتىن 12 مينۋتتا ورىنداپ, جەڭىمپاز اتاندى.
جارىس قورىتىندىسى بويىنشا ۇلدار اراسىنداعى باسەكەدە نۇر-سۇلتان قالاسىنىڭ كومانداسى ءبىرىنشى ورىندى يەلەندى. ەكىنشى, ءۇشىنشى ورىنداردى قاراعاندىلىقتار مەن جامبىلدىقتار ءبولىستى.
قىزدار اراسىندا جەڭىستىڭ ەڭ بيىك تۇعىرىنا قوستانايلىقتار كوتەرىلدى. الاڭ يەلەرى ەكىنشى, شىمكەنتتىكتەر ءۇشىنشى ورىندى قاناعات تۇتتى.
چەمپيونات قورىتىندىسى بويىنشا جەڭىمپازدار ارنايى مەدالدارمەن ماراپاتتالىپ, ەڭ ۇزدىكتەر ەل قۇراماسىنا قابىلدانادى.
سولتۇستىك قازاقستان وبلىسى
