وتىرىستا قارجىلىق ناتيجەلەرگە قول جەتكىزۋ, كاپيتال نارىقتارىندا قاراجات تارتۋ, كاسىپكەرلىكتى قولداۋ, تۇرعىن ءۇي قولجەتىمدىلىگىن ارتتىرۋ, كليەنتكە باعدارلانعان پراكتيكالاردى دامىتۋ تۇرعىسىنان حولدينگ قىزمەتىنىڭ نەگىزگى كورسەتكىشتەرى قارالدى.
2018 جىلدىڭ قورىتىندىسى بويىنشا دامۋ جوسپارىن ورىنداۋ بويىنشا ەسەپتە ۇسىنىلعان اقپاراتقا سايكەس, كىرىستەر جوسپارداعى 346,6 ملرد تەڭگە كەزىندە 107,6%-عا ورىندالدى جانە 372,9 ملرد تەڭگەنى قۇرادى, تازا پايدا 174%-عا ورىندالدى جانە 34,72 ملرد تەڭگەنى قۇرادى (جوسپار – 19,98 ملرد تەڭگە). «بايتەرەك» حولدينگىنىڭ اكتيۆتەرى جىل سوڭىنا 4 719 ملرد تەڭگەنى قۇرادى (جوسپاردان 103%).
وتىرىس بارىسىندا 2018 جىلعى جىلدىق ەسەپ, دامۋ جوسپارى مەن دامۋ ينستيتۋتىنىڭ جىلدىق بيۋدجەتىنىڭ ورىندالۋى تۋرالى ەسەپتەر بەكىتىلدى.
بۇدان وزگە, ديرەكتورلار كەڭەسى حولدينگتىڭ كورپوراتيۆتىك باسقارۋدى جەتىلدىرۋ جونىندەگى 2019–2020 جىلدارعا ارنالعان ءىس-شارالار جوسپارىن بەكىتتى, وندا كورپوراتيۆتىك باسقارۋدى ودان ءارى دامىتۋعا باعىتتالعان 47 ءىس-شارا بار. سونداي-اق كەيىننەن جالعىز اكتسيونەردىڭ بەكىتۋى ءۇشىن كومپانيانىڭ كورپوراتيۆتىك باسقارۋ كودەكسىنە وزگەرىستەر مەن تولىقتىرۋلار الدىن الا قارالدى.
ديرەكتورلار كەڭەسىنىڭ مۇشەلەرى حولدينگتىڭ ىشكى اۋديت قىزمەتىنىڭ 2019 جىلعى II توقسانداعى ەسەبىن بەكىتتى جانە تاۋارلاردى, دامۋ ينستيتۋتىنىڭ جۇمىستاردى جانە كورسەتىلەتىن قىزمەتتەردى ساتىپ الۋدى جۇزەگە اسىرۋ قاعيدالارىنا وزگەرىستەر ەنگىزىلدى.
