قازاقستان پرەزيدەنتى قاسىم-جومارت توقاەۆ قازاقستان حالقىنىڭ جانە جەكە ءوزىنىڭ اتىنان ماگاتە-ءنىڭ باس ديرەكتورى يۋكيا امانونىڭ قايتىس بولۋىنا بايلانىستى كوڭىل ايتتى.
جەدەلحاتتا يۋ.امانونىڭ ومىردەن ءوتۋى بارلىق حالىقارالىق قوعامداستىق جانە بۇكىل الەمدەگى كوپتەگەن ادام ءۇشىن اۋىر قازا ەكەنى اتاپ ءوتىلدى.
قازاقستان پرەزيدەنتى ماگاتە باسشىسىنىڭ يادرولىق قارۋدى تاراتپاۋ جانە يادرولىق ەنەرگيانى جاھاندىق دەڭگەيدە بەيبىت ماقساتقا پايدالانۋ ءۇشىن اتقارعان ءرولى زور ەكەنىن ايتتى.
«ءبىز قازاقستاننىڭ اينىماس دوسى جانە جاھاندىق الەمدەگى قاۋىپسىزدىكتىڭ قورعاۋشىسى يۋكيا امانو مىرزانىڭ جارقىن بەينەسىن ەشقاشان ۇمىتپايمىز» – دەپ جازدى قاسىم-جومارت توقاەۆ.
