اتالعان ءىس-شاراعا قالامىزداعى بارلىق مەكەمەلەر مەن ۇيىمدار قاتىسىپ, ءوز ۇلەستەرىن قوسىپ جاتىر. وسى ءىس-شارادان سەمەي قالالىق پوليتسيا باسقارماسىنا قاراستى اۋەزوۆ پوليتسيا ءبولىمىنىڭ قىزمەتكەرلەرى دە قالىس قالماي, ءبىر كىسىدەي اتسالىستى.
- «دوستىق» ۇيىندە «ارىس, ءبىز بىرگەمىز!» اكتسياسى ءوتىپ, سونىڭ اياسىندا اياسىندا بالالارعا ارنالعان قايىرىمدىلىق ويىن-ساۋىق باعدارلاماسى ۇيىمداستىرىلدى,-دەدى سەمەي قالالىق پوليتسيا باسقارماسى ءباسپساوزى قىزمەتىنىڭ جەتەكشىسى ەلۋبەك وسپانوۆ,-قازىرگى ۋاقىتتا ارىس قالاسىنان كەلگەن 60-قا جۋىق بالا جازعى دەمالىستارىن قالا شەتىندە ورنالاسقان «قاراعايلى» شيپاجايىندا وتكىزىپ جاتىر.
م. اۋەزوۆ اتىنداعى پوليتسيا ءبولىمى كادر ساياساتى ءبولىمىنىڭ ينسپەكتورى پوليتسيا لەيتەنانتى ءاليا جۇماحانوۆا بىلاي دەيدى:
-ءبىز جەرگىلىكتى اتقارۋشى بيلىك ۇيىمداستىرعان قايىرىمدىلىق, ءىس-شاراسىنا قاتىسىپ, ارىستىق بالالارعا سىيلىقتار جاساپ, كىشكەنتاي بالالاردىڭ قۋانىشىنا بولەنىپ جاتىرمىز. ء يا, بوبەكتەردىڭ رياسىز قۋانىشىنا سەبەپكەر بولۋدان ارتىق ەشتەڭە جوق. سەبەبى, بالالار – كەلەشەك تۇتقاسى. بالالاردىڭ قامىن ءبىر كۇن ەمەس, ءاردايىم ويلاۋ اسا ماڭىزدى. بۇگىنگى ءىس-شارانىڭ ماقساتى – بالالارعا قۋانىش سىيلاۋ. بالا ءومىردىڭ قۋانىشى. بۇگىنگى ۇرپاق – ەرتەڭگى بولاشاعىمىز. ەل تۇتقاسىن ۇستايتىن قانشاما بالا ءوسىپ كەلە جاتىر. ءوزىڭىز قاراڭىزشى, ولار بۇگىنگى ءىس-شاراعا قانداي قۋانىشتى. ولاردىڭ جۇزدەرىنەن باقىتتىڭ شۋاعى توگىلىپ تۇر.
كەش بويىنا دەيىن سوزىلعان مەيىرىمدى ءىس-شارا شىنىندا دا بالالاردىڭ جان سارايىن اشىپ, جۇزدەرىنە كۇلكى ءۇيىرىلتتى. ۇيىمداستىرۋشىلاردىڭ ماقساتى دا وسى ەدى.
راۋشان نۇعمانبەكوۆا
«ەgemen Qazaqstan»
سەمەي
