«بيىلعى جىلى ءبىلىم بەرۋ گرانتتارى ۇبت سەرتيفيكاتىنىڭ بالدارىنا سايكەس ءبىلىم بەرۋ باعدارلامالارىنىڭ توپتارى بويىنشا كونكۋرستىق نەگىزدە بەرىلەتىن بولادى. 13 شىلدە كۇنى ءبىلىم بەرۋ گرانتتارىن تاعايىنداۋ كونكۋرسىنا وتىنىشتەر قابىلداۋ باستالدى. العاشقى 4 كۇن ىشىندە كونكۋرسقا قاتىسۋ ءۇشىن ۇمىتكەرلەردەن 28 430 ءوتىنىش قابىلدانعان, ونىڭ ىشىندە 26 202 ءوتىنىش تولىق باعدارلاما بويىنشا وقۋعا بەرىلسە, 2 228 – تەحنيكالىق جانە كاسىبي ءبىلىم بەرۋ ۇيىمدارىن بىتىرۋشىلەرىنەن قىسقارتىلعان مەرزىمدە وقۋ ءۇشىن نيەت بىلدىرگەندەر. كونكۋرسقا وتىنىشتەردى قابىلداۋ جالعاسۋدا جانە 20 شىلدە كۇنى اياقتالادى», - دەدى ا. ايماعامبەتوۆ.
سونىمەن قاتار, كادرلاردى دايارلاۋعا ارنالعان ءبىلىم بەرۋ گرانتتارىن بەرۋ «باكالاۆر» نەمەسە «ماگيستر» دارەجەسى بەرىلە وتىرىپ, جوعارى نەمەسە جوعارى وقۋ ورنىنان كەيىنگى ءبىلىم الۋعا اقى تولەۋ ءۇشىن ءبىلىم بەرۋ گرانتىن بەرۋ ەرەجەسى نەگىزىندە جۇزەگە اسىرىلادى.
«بارلىعى جوعارى ءبىلىمدى كادرلاردى دايارلاۋعا 53 785 گرانت ءبولىندى. بۇدان باسقا, بيىلعى جىلى قوسىمشا 5 مىڭ گرانت ءبولىنىپ وتىر, ولاردى جەرگىلىكتى اتقارۋشى ورگاندار دا كونكۋرستىق نەگىزدە بەرەدى», - دەدى ءبىلىم جانە عىلىم ءمينيسترى.
ايتا كەتسەك, 28 ماۋسىمدا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كونفەرەنتس-زالىندا قازاقستان رەسپۋبليكاسى ءبىلىم جانە عىلىم ءمينيسترى اسحات ايماعامبەتوۆتىڭ حالىققا ەسەپ بەرۋ كەزدەسۋى بولدى.
