ءماسليحاتتىڭ تۇراقتى كوميسسياسى وتىرىسىن VI شاقىرىلىم حاتشىسى قالدىباي قازانباەۆ اشتى. باسىمدىقتى قالاداعى الەۋمەتتىك ماسەلەلەردىڭ شەشىلۋى بارىسىمەن بايلانىستىرعان قالا اكىمى تۇراقتى ەكونوميكالىق احۋالعا نازار سالدى. بۇگىندە قالا بويىنشا بارلىق ەكونوميكالىق كورسەتكىشتەر تۇراقتى. نەگىزى باسىمدىقتى سالالار – ونەركاسىپ, اۋىل شارۋاشىلىعى, قۇرىلىس, ساۋدا, كولىك, بايلانىس جۇيەسىندە 6 اي قورىتىندىسى بويىنشا ەكونوميكالىق ينديكاتور 104 پايىزدى, ياعني ينۆەستيتسيا كولەمى 8, ونەركاسىپ ءوندىرىسى 5,2, قۇرىلىس 3,9, تۇرعىن ءۇي 2 پايىزعا وسكەن. سالىق ەسەبىنەن 1 ترلن تەڭگە جينالىپ, 10 پايىز ءوسىمدى كورسەتىپ وتىر. شاعىن جانە ورتا بيزنەس نىساندارىنىڭ ءونىمى 9,8 پايىزعا ارتقان.
قالا اكىمى باستى نازاردا تۇرعان جۇمىسسىزدىق ماسەلەسىنە نازار اۋداردى. ازىق-ت ۇلىك باعاسىنىڭ قىمباتتىعى, كوممۋنالدىق تولەمدەردى جوعارىلىعى, باسپانا تاپشىلىعى, مەديتسينا ساپاسىنىڭ تومەندىگى, ەكولوگيا سياقتى ادام ءومىرى ءۇشىن ماڭىزدى ماسەلەلەرگە نازار اۋداردى. وسى ورايدا جۇرتشىلىق الدىندا جاۋاپكەرشىلىكتى سەزىنە وتىرىپ جۇمىس ىستەۋدىڭ تيىمدىلىگى مەن ادەلەتتى جۇزەگە اسۋىنا كوڭىل بولگەن مەگاپوليس باسشىسى الداعى جۇمىستىڭ قالاي ءوربيتىنىن اتاپ ءوتتى. باقىتجان ساعىنتاەۆ اتقارىلاتىن جۇمىستار قالا تۇرعىندارىنىڭ ءومىر ساپاسى, تابىسىنىڭ جورعارى بولۋىنا باعىتتالاتىندىعىن ايتىپ, شەكسىز قالا نەگىزىندە جۇمىس ىستەيمىز دەپ اتاپ ءوتتى. ياعني, قالانى ورتالىعى مەن شەت اۋداندارىنان بولە-جارا قاراۋعا بولمايدى. قالا شەتىندەگى تۇرعىندارعا ورتالىقتاعى مۇمكىندىكتەر قولجەتىمدى بولۋى ءتيىس.
الماتى
