ەكى اپتاعا سوزىلاتىن شارا بارىسىندا قيىرداعى قانداستار بالالارىنا انا ءتىلىن دامىتۋ, قازاقستان تاريحىن وقىتۋ, قازاق حالقىنىڭ ادەت-عۇرىپ داستۇرىمەن تانىستىرۋ, تاريحي ورىنداردى كورسەتۋ, استانامىزداعى الدىڭعى قاتارلى جوعارى وقۋ ورىندارىن ارالاتۋ, ۇلتتىق اسپاپتاردا ويناۋدى ءۇيرەتۋ, قولدانبالى جانە بي ونەرىنە باۋلۋ, ۇلتتىق تاعام دايىنداۋ, ت.ب. شەبەرلىك ساباقتارىن ۇيرەتۋ قاراستىرىلعان.
اتالمىش شارانىڭ اشىلۋىندا ءسوز سويلەگەن دۇنيەجۇزى قازاقتارىنىڭ قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ, ەلباسى تاپسىرماسىنا سايكەس شەتەلدەردە تۇراتىن قازاق دياسپوراسى بالالارىنىڭ انا تىلىندە وقۋىنا, ءبىلىم الۋىنا, تاريحي وتانىمەن مادەني-گۋمانيتارلىق قارىم-قاتىناستارىن ارتتىرۋىنا قاتىستى كوپتەگەن جوبالار قولعا الىنىپ جاتقانىن ايتىپ, سونىڭ ءبىرى – الداعى تامىز ايىندا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا ءدۇنيەجۇزى قازاقتارى بالالارىنىڭ قۇرىلتايىن وتكىزۋ جوسپارلانىپ وتىرعانىن جەتكىزدى.
