ۇكىمەت بەكىتكەن ءتىزىم بويىنشا وتەماقى بەرىلەدى. اتاپ ايتقاندا, ارىس قالاسى بويىنشا – 44 994 ادام, اقدالا اۋىل وكرۋگىندە – 4 324 ادام, قوجاتوعاي اۋىل وكرۋگى بويىنشا – 4 232 ادام, دەرمەنە اۋىل وكرۋگىندە – 2 052 ادام. جالپى ءبىرىنشى كەزەكتە 55 602 تۇرعىنعا 100 مىڭ تەڭگەدەن 5,6 ملرد تەڭگە كولەمىندە وتەماقى تولەۋ جوسپارلانىپ وتىر. وتەماقى تولەۋگە قر ۇكىمەتىنىڭ رەزەرۆى ەسەبىنەن 3 ملرد تەڭگە, وبلىستىق بيۋدجەتتەن 1 ملرد تەڭگە جانە ارنايى قۇرىلعان «تۇركىستان» الەۋمەتتىك قورىنا تۇسكەن قارجىدان 1,6 ملرد تەڭگە بولىنەدى دەپ كۇتىلۋدە.
جەرگىلىكتى تۇرعىنداردان قۇجاتتاردى قىسقا مەرزىمدە جيناۋعا ارىس قالاسىنداعى 17 سەكتوردا بەكىتىلگەن ءتيىستى ماماندار جانە اۋدان, قالا اكىمدىكتەرىنىڭ قىزمەتكەرلەرى جۇمىلدىرىلعان. ولار 2019 جىلدىڭ 3 شىلدەسىنەن باستاپ وتەماقى الۋعا وتىنىشتەر جيناقتاۋدا.
