شىمكەنتتەگى ادەت-عۇرىپ جانە سالت-ءداستۇر ورتالىعىندا «ءداستۇرىم – اسىل قازىنام» ەنتسيكلوپەديالىق جيناعى مەن «ۇلتتىق كيىمدەر» اتتى (البوم) كىتاپتاردىڭ تۇساۋكەسەر ءراسىمى ءوتتى.
كىتاپتىڭ تۇساۋكەسەر كەشىنە «نۇر وتان» پارتياسى شىمكەنت قالالىق فيليالى توراعاسىنىڭ ورىنباسارى باۋىرجان قۋانىشبەكوۆ, شىمكەنت قالالىق مادەنيەت, تىلدەردى دامىتۋ جانە ارحيۆتەر باسقارماسى باسشىسىنىڭ م.ۋ.ا. ءابدىجاپپار ساكەن, «وتىرار» عىلىمي-امبەباپ كىتاپحاناسىنىڭ ديرەكتورى كۇليا ايداربەكوۆا, شىمكەنت قالاسى بويىنشا «رۋحاني جاڭعىرۋ» جوبالىق كەڭسەسىنىڭ مەڭگەرۋشىسى زاۋرە ورالباەۆا, زيالى قاۋىم وكىلدەرى قاتىستى.
اتالعان تۋىندىعا ۇلتىمىزدىڭ ۇمىت بولا باستاعان سالت-داستۇرلەرى, ءجون-جورالعىلارى, ۇلتتىق ويىنداردى, رۋحاني مۇرالارى ەنگەن. وسى رۋحاني قازىنا ارقىلى قازىرگى جاھاندانۋ ۋاقىتىندا تاريح قويناۋىندا جاتقان اسىل قۇندىلىقتارىمىزدى وسكەلەڭ ۇرپاقتىڭ ساناسىنا ءسىڭىرۋ كوزدەلگەن.
