جيىنعا ەڭبەك جانە الەۋمەتتىك قورعاۋ ۆيتسە-ءمينيسترى ناريمان مۇقىشەۆ, سپورت جانە دەنە شىنىقتىرۋ كوميتەتىنىڭ توراعاسى سەرىك ساپيەۆ, «قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسى ءلاززات يبراگيموۆا, بۇۇ بالالار قورى قازاقستانداعى وكىلى (يۋنيسەف) ارتۋر ۆان ديزەن جانە ت.ب. قاتىستى.
ۇيىمداستىرۋشىلاردىڭ ايتۋىنشا, «شاحمات بارلىعى ءۇشىن» جوباسىن قۇرۋ – گروسسمەيستەردىڭ قازاقستاندا شاحمات ويىندارىن دامىتۋعا جاساعان ۇلكەن قادامدارىنىڭ ءبىرى. شاحماتتىڭ قولجەتىمدىلىگىن ارتتىرۋ ەلىمىزدەگى باسەكەگە قابىلەتتى تالانتتى جاستار قاتارىن ارتتىرۋمەن تەڭ. شاحمات - كەيدە جەڭىسكە جەتىپ, كەيدە جەڭىلىپ نەمەسە ۋاقىتشا مامىلەگە قول جەتكىزۋگە بولاتىن ءومىردىڭ قىسقاشا ءبىر ۇلگىسى سەكىلدى. ءاربىر جەڭىس پەن جەڭىلىستەن قورىتىندى شىعارا ءبىلۋ – ءاربىر ادامنىڭ بويىندا ساتسىزدىكتى دۇرىس قابىلداپ, بولاشاق مىندەتتەردى دۇرىس قۇرۋعا كومەكتەسەدى.
وسى ماقساتتا دينارا سادۋاقاسوۆانىڭ شاحمات اكادەمياسى قازاقستان اۋماعى بويىنشا ۇلكەن الەۋمەتتىك جۇمىستاردى جۇرگىزىپ كەلەدى. شاحماتشى ارۋ ءبىر مەزگىلدىك ويىن سەانستارىن, شەبەرلىك سىنىپتارى مەن تۋرنيرلەردى تەك ەلوردادا عانا ەمەس, اتىراۋ, اتىراۋ, پاۆلودار, اقتاۋ, قىزىلوردا, شىمكەنت جانە وزگە دە وڭىرلەردە وتكىزدى.
