اقمولا وبلىسىنىڭ سوتى اسا ءىرى مولشەردە اقشا تارتۋ ارقىلى الدىن الا ءسوز بايلاسقان ادامدار توبىنىڭ قارجى پيراميداسىن قۇرۋى جانە باسقارۋى فاكتىسى بويىنشا ءۇش ادامعا قاتىستى قىلمىستىق ءىستى قارادى. سونداي-اق ءبىر قاتىسۋشىعا بۇقارالىق اقپارات قۇرالدارى مەن ەلەكتروندىق رەسۋرستاردى پايدالانىپ قارجى پيراميداسىن جارنامالاۋ, سونىڭ سالدارىنان ازاماتتاردى تارتۋ جانە ولارعا ەلەۋلى زيان كەلتىرۋ, سونداي-اق اسا ءىرى مولشەردە الاياقتىق جاساۋ ايىپتارى تاعىلدى.
ءىس ماتەريالدارىنا سايكەس, ايىپتالۋشىلاردىڭ ءبىرى 2020 جىلدىڭ اقپان ايىنان باستاپ S-Group قارجى پيراميداسىنا سالىمشى رەتىندە قاتىسىپ, ودان زاڭسىز تابىس الىپ جۇرگەن. كەيىن ول كوكشەتاۋ قالاسىندا وسى ۇيىمنىڭ بولىمشەسىن اشىپ, ونى باسقارعان.
2020 جىلدىڭ قازان ايىندا ول بۇعان دەيىن باسقا قارجى پيراميدالارىنا بەلسەندى قاتىسقان تاعى ءبىر ايەلدى تارتقان. ولار ازاماتتارعا بەلگىلى ءبىر قارجى سالعان جاعدايدا تابىس تابۋعا بولادى دەپ ۋادە بەرگەن.
ۇيىمداستىرۋشىلار قاتىسۋشىلارعا S-Pharmaceutical برەندىمەن مەديتسينالىق كاننابيس ءوندىرۋ جانە تاراتۋ جوباسىنا, سونداي-اق باسقا جوبالارعا ينۆەستيتسيا سالۋدى ۇسىنعان. سونىمەن قاتار ءاربىر جاڭا قاتىسۋشىنى تارتقان ادامعا ونىڭ سالىمىنان 5% سىياقى بەرىلەتىنى ايتىلعان. قاتىسۋ ءۇشىن سايتقا تىركەلىپ, كەمىندە 100 دوللار سالۋ قاجەت بولعان.
بۇل قاتىسۋشى بۇعان دەيىن Life Is Good جانە Finiko قارجى پيراميدالارىنا قاتىسىپ, سول سحەمانى قايتا قولدانۋدى شەشكەن. ناتيجەسىندە 59 ادام S-Group جۇيەسىنە تارتىلىپ, 136 ملن تەڭگەدەن استام قاراجات جينالعان.
جابىرلەنۋشىلەرگە 300 ملن تەڭگە قايتارىلدى: «HAS» پيراميداسىنىڭ قۇرباندارى كىمدەر؟
سالىمشىلاردىڭ اقشاسىنا استانا قالاسىنان اۆتوتۇراق ورىندارى بار ەكى پاتەر ساتىپ الىنعان, كەيىن سوت بۇل جىلجىمايتىن م ۇلىككە تۇتقىن سالدى.
2021 جىلدىڭ مامىر ايىندا بۇل ىسكە ءۇشىنشى قاتىسۋشى قوسىلىپ, الەۋمەتتىك جەلىلەر ارقىلى سالىمشىلاردى بەلسەندى تۇردە ىزدەگەن. جىلدام تابىسقا ۇمىتتەنگەن ازاماتتار اقشا سالىپ, ول قاراجات پيراميدا جەتەكشىلەرى مەن بۇرىن تارتىلعان قاتىسۋشىلار اراسىندا بولىنگەن. جالپى جينالعان قارجى كولەمى 136,5 ملن تەڭگەنى قۇراعان.
سونىمەن قاتار وسى قاتىسۋشى Equitix كومپانياسىنىڭ قىزمەتىنە دە قاتىسىپ, 2024 جىلدىڭ ماۋسىم ايىندا ءبىر ازاماتتى الداپ, ينۆەستيتسيا سالۋعا كوندىرىپ, ونىڭ اقشاسىن يەمدەنگەن. جابىرلەنۋشى بانك ارقىلى 30 ملن تەڭگە نەسيە الىپ, ونى وسى ايەلگە بەرگەن.
سوت شەشىمى بويىنشا:
-
ەكى ايىپتالۋشى 6 جىلعا باس بوستاندىعىنان ايىرىلدى;
-
ولاردىڭ بىرەۋىنىڭ جازاسىن وتەۋى 1 جىلعا كەيىنگە قالدىرىلدى جانە ونىڭ مىنەز-قۇلقى باقىلاۋعا الىنادى;
-
ءۇشىنشى قاتىسۋشى 6 جىل 6 ايعا سوتتالدى.
سوت سوتتالعانداردىڭ مۇلكىن – پاتەرلەردى, اۆتوتۇراق ورىندارىن, كولىكتەردى, گاراجدى, جەر تەلىمىن جانە ۇيالى تەلەفونداردى – تاركىلەپ, ونى جابىرلەنۋشىلەرگە ماتەريالدىق شىعىندى وتەۋ ءۇشىن بەردى.
سونىمەن قاتار مەملەكەت پايداسىنا قىلمىستىق جولمەن الىنعان 136,5 ملن تەڭگە تاركىلەندى.
6,8 ملرد تەڭگە شىعىن كەلتىرگەن: اباي وبلىسىندا قارجى پيراميداسى اشكەرە بولدى
سوتتالعانداردان جابىرلەنۋشىلەردىڭ ازاماتتىق تالاپتارى بويىنشا 1,6 ملن تەڭگە كولەمىندەگى وكىلدىك شىعىندار ءوندىرىلدى. بۇدان بولەك, ءبىر سوتتالعاننان جابىرلەنۋشىنىڭ پايداسىنا 30 ملن تەڭگە قوسىمشا ءوندىرىلدى.
سوت ۇكىمى ازىرگە زاڭدى كۇشىنە ەنگەن جوق.
