ونىڭ ايتۋىنشا, كوپتەگەن ازاماتتار ءوز قۇقىقتارىن بىلمەيدى, سونىڭ سالدارىنان تۇرعىنداردىڭ شامامەن جارتىسى ونكولوگيالىق سكرينينگتەن وتپەيدى.
سكرينينگتەن ءوتۋ ءۇشىن 3 كۇنگە دەيىن ارنايى دەمالىس الۋعا بولاتىنى تۋرالى نورما بار. الايدا بۇل تەتىك تولىققاندى جۇمىس ىستەمەي وتىر. كوپتەگەن ازاماتتار بۇل قۇقىق تۋرالى دا, سكرينينگتەن ءوتۋ ۋاقىتى تۋرالى دا بىلمەيدى. مۇنى ازاماتتاردىڭ جارتىسىنا جۋىعىنىڭ, مىسالى, ونكولوگيالىق سكرينينگتەن وتپەيتىنى كورسەتىپ وتىر», دەپ جازدى اسحات ايماعامبەتوۆ.
استانالىقتار بىرنەشە مەديتسينالىق سكرينينگتەن تەگىن وتە الادى
وسى ورايدا ءماجىلىس دەپۋتاتى ەڭبەك كودەكسىنە ءتيىستى تۇزەتۋلەر ۇسىنعانىن مالىمدەدى.
«جۇمىس بەرۋشى قىزمەتكەرلەردىڭ سكرينينگتەن وتۋىنە جاعداي جاساۋى ءتيىس. كادر قىزمەتى بۇل پروتسەستى ۇيىمداستىرىپ, قىزمەتكەرلەرگە كومەكتەسۋى قاجەت. ال دسم سكرينينگتەن وتەتىن ازاماتتاردىڭ ءتىزىمىن كادرلىق اقپاراتتىق جۇيەلەرمەن بىرىكتىرىپ, ازاماتتارعا eGov ارقىلى push-حابارلاما نەمەسە SMS جىبەرۋدى ەنگىزۋ قاجەت», دەدى دەپۋتات.
