«حح عاسىرداعى قازاق ادەبيەتىنىڭ ىرگەلى جانرلارىن قالىپتاستىرۋعا مول ۇلەس قوسقان اسا كورنەكتى سۋرەتكەر بەيىمبەت مايلين 15 پوۆەست, «ازامات ازاماتىچ» دەگەن رومان جازدى, ەكى رومانى اياقتالماي قالدى. ونىڭ سىرتىندا ءىرى-ۋاقتى 25 پەساسى, ليبرەتتو, ستسەناريلەرى تاعى بار.1923-1937 جىلدار ارالىعىندا 55 كىتاپ شىعارىپ قالدىرعان. قازىر وبلىستا بي-اعانىڭ اتىمەن 22 كوشە, ءتورت مەكتەپ, ءبىر مۋزەي, ءبىر اۋىل, ءبىر ستانسا بار. بەيىمبەت ءمايليننىڭ تۋعانىنا 125 جىل تولۋ قۇرمەتىنە وراي بيىلعى 24 ماۋسىمدا قازاقستان پرەزيدەنتى قاسىم-جومارت توقاەۆ تاران اۋدانىنا بەيىمبەت مايلين ەسىمىن بەرۋ تۋرالى جارلىققا قول قويدى. بۇل كوپتىڭ قالاۋى بولاتىن» دەدى گۇلجان ەرماشقىزى.
بي-اعاعا ارنالعان مۇشايراعا قاتىسۋ ءۇشىن تالاپتانعاندار قاراسى بارشىلىق بولدى. بىراق اقىندار ولەڭى الدىمەن العاشقى ىرىكتەۋدەن ءوتتى.
«ءوزىمىزدىڭ بي-اعا» اتتى جىر ءمۇشايراسىنا 30-دان استام جۇمىس تۇسكەن ەدى. ىرىكتەۋدەن مۇشايراعا 13 اقىن ءوتتى, بەلگىلى سەبەپتەرگە بايلانىستى ءبىر اقىن كەلە الماي قالدى» دەيدى ءمۇشايرانى ۇيىمداستىرعان وبلىستىق تىلدەردى دامىتۋ باسقارماسىنىڭ ءبولىم باسشىسى باقىتگۇل سۇلەيمەنوۆا.
ءى.وماروۆ اتىنداعى وبلىستىق قازاق دراما تەاترىنىڭ زالىندا قوستانايلىقتار ءمۇشايرانى تاماشالاپ, جىر بۇلاعىنان سۋسىندادى. جازۋشى عۇمار احمەتچين باستاعان قازىلار القاسى اقىندار ولەڭدەرىن سارالاي كەلە, ءۇشىنشى ورىندى نۇر-سۇلتان قالاسىنان كەلگەن جۇلدىزاي ىسقاقوۆاعا, ەكىنشى ورىندى اقتوبەلىك گ ۇلىماي قۋانىشەۆاعا, ءۇشىنشى ورىندى رۋدنىي قالاسىنان قاتىسقان عالىمكەرەي كەنجەبوزينگە بەردى. ال ءمۇشايرانىڭ باس جۇلدەسىن نۇر-سۇلتان قالاسىنان كەلگەن اقىن ءابىلماجين سەرىكباي جەڭىپ الدى. سونىمەن قاتار مۇشايراعا ليساكوۆ قالاسىنان بەيىمبەت مايلين تۋرالى ولەڭىن جولداعان 84 جاستاعى ءمور تىلەۋباەۆا قارياعا دا قۇرمەت كورسەتىلدى.
قوستاناي
