ايماقتار • 04 شىلدە، 2019

سۋعا كەتۋ وقيعالارى جيىلەپ بارادى

137 رەت كورسەتىلدى

وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا «وڭتۇستىك وڭىرلىك اەروۇتقىر جەدەل قۇتقارۋ جاساعى» مەملەكەتتىك مەكەمەسىنىڭ باسشىسى باقىت ەمبەرگەنوۆ كەيىنگى كەزدەرى سۋعا تۇسۋدەن جيىلەگەن قايعىلى قازالار جايىندا ايتتى. بيىلدىڭ وزىندە 17 ادام سۋعا كەتىپتى.

«وبلىستىڭ سۋ ايدىندارىندا، اسىرەسە، سىرداريا وزەنىندە جىلدا ازاماتتاردىڭ ءارتۇرلى سەبەپتەرمەن قايعىلى جاعدايلارعا ۇشىراۋى، ونىڭ ىشىندە سۋعا شومىلۋ ماۋسىمىندا سۋداعى ادام قازاسى وزەكتى ماسەلە بولىپ وتىر. وتكەن جىلى سۋعا 22 ادام كەتكەن. ايتار بولساق، 3 – بالىق اۋلاۋ كەزىندە، 9 – سۋعا تۇسۋگە ارنالماعان جەردە، باقىتسىز جاعدايدايدا – 2 ەرەسەك، 2 بالا، بەلگىسىز جاعدايدا – 1 كوز جۇمدى.

سۋدا ادامداردىڭ قازا بولۋىنىڭ نەگىزگى سەبەبى قاۋىپسىزدىك ەرەجەلەرىن ورەسكەل بۇزۋى بولىپ تابىلادى. اتاپ ايتساق، وزەن نەمەسە كانالداردىڭ كەز-كەلگەن، ءارى زەرتتەلمەگەن اعىسى جىلدام، تەرەڭ، جاعالارى تىك جار جەرلەرىنە سۋعا ءتۇسۋى، بالالاردىڭ ەرەسەكتەردىڭ باقىلاۋسىز سۋ جاعاسىنا بارۋى مەن سۋعا ءتۇسۋى جانە ولاردىڭ جۇزە بىلمەگەندىگى قايعىلى وقيعالارعا اكەلىپ سوقتىرۋدا. بۇلارعا قوسا، سۋعا تۇسۋگە قاۋىپتى ايماقتاردا ازاماتتاردىڭ رۇقسات ەتىلمەگەن ءجۇزۋ قۇرالدارىن قولدانۋى جانە العاشقى كومەك كورسەتۋ تاسىلدەرىن بىلمەيتىندىگى دە سۋ ايدىندارىندا باقىتسىز جاعدايلاردىڭ سانىنىڭ كوبەيۋىنە تەرىس ىقپالىن تيگىزىپ وتىر. دەپارتامەنتتىڭ جانە ونىڭ بولىمشەلەرىمەن 2019 جىلدىڭ باسىنان ازاماتتاردىڭ سۋدا قاۋىپسىزدىك شارالارىن ساقتاۋ باعىتىندا جۇمىستار جۇيەلى تۇردە جۇرگىزىلىپ جاتىر»،- دەدى باقىت ەمبەرگەنوۆ.


سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار