اكىمشىلىك ورتالىقتا بولىپ, اۋداندى دامىتۋدىڭ بولاشاق جوسپارىمەن جانە نەگىزگى الەۋمەتتىك-ەكونوميكالىق كورسەتكىشتەرمەن تانىسقان قالا باسشىسى حالىققا قىزمەت ورتالىعىنا كەلگەن جۇرتشىلىقپەن مەملەكەتتىك قىزمەت كورسەتۋدىڭ ساپاسىن ارتتىرۋ ماسەلەسىن تالقىلادى.
وسى ساپارى بارىسىندا الماتى اكىمى شۇعىلا مولتەك اۋدانىندا سالىنىپ جاتقان تۇرعىن ءۇي كەشەنىن ارالاپ كوردى, دەپ حابارلايدى قالانىڭ ءباسپاسوز قىزمەتىنەن. اۋلالاردى ارالاپ, تۇرعىندارمەن تىلدەسكەن اكىم الداعى بولاتىن اپپارات وتىرىسىندا مولتەك اۋداندى اباتتاندىرۋ ماسەلەسىنىڭ قارالاتىنىن اتاپ ءوتتى.
باقىتجان ساعىنتاەۆتىڭ ايتۋىنشا, ناقتىلى جوسپار ازىرلەپ, جاۋاپتىلاردى بەلگىلەنەتىن بولادى. ولاردىڭ تەلەفوندارى مەن اتى-جوندەرى جازىلعان تاقتايشالاردى ءىلىپ, سول ارقىلى تۇرعىندار كىمنىڭ قاي ۋچاسكەگە تىكەلەي جاۋاپتى ەكەنىن بىلەتىن بولادى. «اقساي» فيلتر ستانساسىنىڭ دا جۇمىسىمەن تانىسقان قالا باسشىسى مۇندا ول سۋمەن قامتۋدىڭ اعىمداعى جاعدايى مەن جوسپارى تۋرالى ەسەپتى تىڭدادى. تاۋسامالى, اقجار, قۇرامىس مولتەك اۋداندارىندا سۋ تاسىمالىن ۇلعايتۋدى تاپسىردى.
جاڭا قۇرىلعان اۋدانداعى جۇمىستى جاقسارتۋ ءۇشىن قالا ستاندارتىنىڭ دامۋى باعىتىنداعى جۇمىستاردىڭ كۇشەيتىلەتىندىگىن جەتكىزگەن قالا باسشىسى اۋدان اكىمى س.توعايعا بۇگىن بەرىلگەن تاپسىرمالاردىڭ ورىنداۋ بارىسىن كۇندەلىكتى تەكسەرۋدى جانە جۇمىس ءجۇرىپ جاتقان ۋچاسكەلەردە ۇنەمى بولۋدى تاپسىردى. قالا اكىمى سونىمەن قاتار اباي داڭعىلى بويىن ياسساۋي كوشەسىنەن قالا شەكاراسىنا دەيىن ۇڭگىلەۋ جۇمىسىنىڭ جانە ءاشىموۆ كوشەسىنىڭ قيىلىسىنا سالىنىپ جاتقان جولايرىعى قۇرىلىسىنىڭ بارىسىمەن دە تانىستى.
الماتى
