باسقارما تاراپىنان 2019 جىلدىڭ العاشقى جارتى جىلدىعىندا اكىمشىلىك جاۋاپقا تارتىلعان 214 تۇلعاعا 62,7 ملن تەڭگە ايىپپۇل سالىنعان. باسقارما باسشىسى شىمكەنت قالاسىنىڭ ساۋلەتىنە سىن كەلمەس ءۇشىن كەز كەلگەن قۇرىلىستى باستاۋ الدىن حابارلاما جىبەرۋدى ەسكەرتتى, دەپ جازادى ءتىلشىمىز اقمارال مولديارقىزى.
«شىمكەنت - رەسپۋبليكالىق ماڭىزى بار ءىرى مەگاپوليس. قالا ساۋلەتتى, قۇرىلىس زاڭدى بولۋى شارت. جىل باسىنان بەرى ءوز بەتىمەن قۇرىلىس جۇرگىزگەن جەكە جانە زاڭدى تۇلعالارعا باسقارما تاراپىنان 9 قۇرىلىس نىسانىنا شارا كورۋ تۋرالى سوتقا ارىز جولداندى. سوت شەشىمىمەن بۇگىندە ونىڭ 4-ءى بۇزىلدى. وسىنداي كەلەڭسىزدىك ورىن الماسىن دەسە, ءاربىر جەكە نەمەسە زاڭدى تۇلعا قۇرىلىس-مونتاج جۇمىستارىنىڭ باستالعانى تۋرالى باسقارماعا حابارلاما جىبەرۋى ءتيىس», دەدى بەرىك تاستانبەك ۇلى.
جىل باسىنان بەرى شىمكەنت قالاسىنىڭ مەملەكەتتىك ساۋلەت-قۇرىلىس باقىلاۋ باسقارماسىنا قۇرىلىستى باستاعانى تۋرالى 126 حابارلاما تۇسكەن. ونىڭ 108-ءى جەكەمەنشىك, 18-ءى بيۋدجەتتىك قۇرىلىس نىساندارى.
