بۇگىندە اۋدانداعى 11 019 گەكتار سۋارمالى جەرگە ەگىلگەن كوپجىلدىق شوپكە وراق ءتۇستى. قازىرگى دەيىن وراقشىلار 9 164 گەكتار جەردىڭ ءشوبىن باۋلاپ, پىشەن شاۋىپ جاتىر. وسى بالقاش اۋدانىنداعى ءشوپ دايىنداۋ ناۋقانىنا الدىمەن كىرىسكەندەردىڭ ءبىرى – ميالى اۋىلدىق وكرۋگىنە قاراستى «دينارا» وندىرىستىك كووپەراتيۆىنىڭ ديقاندارى. شارۋاشىلىق يەلىگىندەگى 1447 گەكتارعا ەگىلگەن كوپجىلدىق ءشوپ قىسقى مال ازىعىن رەتىندە دايىندالدى.
– شارۋاشىلىققا تيەسىلى 1447 گەكتار ەگىستىك القاپقا كوپجىلدىق ءشوپ ەككەن ەدىك, شىعىمدىلىعى جامان ەمەس. ەندىگى وسى القاپتىڭ 930 گەكتارىن شاۋىپ بولدىق, 895 گەكتارى باۋلانىپ, باستىرىلدى. ودان بولەك, 425 گەكتار جەردەن 5900 توننا پىشەندەمە دايىنداۋدامىز, – دەيدى «دينارا» وندىرىستىك كووپەراتيۆىنىڭ ديرەكتورى مىرزاقاسىم ايمەنوۆ.
الماتى وبلىسى
