يمان ءھام «ينتەرنەت-كارتا»

اتىراۋ وبلىستىق ءدىن ىستەرى باس­قار­ماسىنىڭ ءۇش مامانى الەۋ­مەت­تىك جەلىلەردە تاراتىلا­تىن دەس­ترۋكتيۆتىك باعىتتاعى ماتەريال­دارعا مونيتورينگ جۇرگىزىپ وتىرادى. وسى ماقساتتا ارنايى دايىن­دال­عان «ينتەرنەت-كارتا» جوباسى ار­قىلى قاۋىپتى ءدىني اقپاراتتار اۆتو­مات­­تاندىرىلعان تۇردە جينالىپ, ساراپ­تالادى. «ينتەرنەت-كارتا» پسەۆ­­دوسالافيزم يدەولوگياسى تارالۋىن باقىلاۋعا, قاۋىپتى اككاۋنتتار­دى, دەسترۋكتيۆتى ءدىني اعىم ۇستانۋشىلار تاراتقان ۋاعىزداردارى انىقتاۋعا, جاۋاپكەرشىلىككە تارتۋعا مۇمكىندىك بەرەدى», دەيدى وبلىستىق ءدىن ءىس­تەرى باسقارماسىنىڭ باسشىسى قاي­رول­لا كوشقاليەۆ. وتكەن جىلى ەكسترە­ميس­تىك مازمۇنداعى 301 سايت پەن اك­كاۋنت انىقتالسا, بيىلعى التى ايدا الەۋمەتتىك جەلىنى تەرىس باعىتتا پاي­دالانعان 24 تۇلعاعا اكىمشىلىك ايىپپۇل سالىنعان.

ءدىن سالاسىندا بىلىكتى مامان­دار­دىڭ تاپشىلىعى ءالى دە بار. قازىر وب­لىس­تا 79 يمام قىزمەت ەتەدى, ونىڭ 26,6 پا­­يىزى عانا جوعارى ءبىلىمدى. وسى ول­قى­لىقتىڭ ورنىن تولتىرۋ ماق­ساتىن­دا وبلىس اكىمدىگى ارنايى جوبانى ىسكە اسىرىپ كەلەدى. 2017 جى­لى جەرگىلىكتى مەتسەناتتاردىڭ قول­داۋى­مەن ءدىني باعىتتا ءبىلىم الاتىن اتىراۋلىق 18 ستۋدەنتكە وقۋ گرانتى تاعايىندالدى. وتكەن جىلى 44 ستۋدەنت گرانتپەن قامتىلدى. بۇل با­عىت­تاعى جۇ­مىستار بيىل دا جال­عا­سا­دى. جوبا ناتيجەسىندە جوعارى ءبىلىم­دى يمامداردىڭ كورسەتكىشى ءبىراز ارتقان. 

وڭىرلىك كوممۋنيكاتسيالار قىز­مەتىندە وتكەن بريفينگتە وبلىستىق ءدىن ىستەرى باسقارماسىنىڭ باسشىسى «جۋسان» وپەراتسياسى كەزىندە سيريا جەرىنەن ەلىمىزگە ورالعان 51 اتىراۋلىق تۋرالى دا ايتتى. ونىڭ ىشىندە 26 بالا بار. «وتتى نۇكتەگە» كەتكەندەردىڭ قاتارىندا ايەل ازاماتتاردىڭ سانى باسىم ەكەنى ويلانتادى. قازىر ولار اقتاۋداعى وڭالتۋ ورتالىعىندا.

تەرىس اعىمنىڭ قاعيدالارىن سانا­لارىنا قۇيىپ العاندارمەن ءجۇر­­گىزىلىپ جاتقان جۇمىستاردى ءناتي­جەسىز دەي المايمىز. اتىراۋدا ءدىن باس­قارماسى, اقپاراتتىق تالداۋ ور­تالىعى, «شاپاعات» وڭالتۋ ورتا­لىعى, قازاقستان مۇسىلماندارى ءدىني باس­قارماسىنىڭ وكىلدىگى بىرلەسىپ اتقار­عان شارالاردىڭ ارقاسىندا جىل باسىنان بەرى 35 ادام جات اعىم­نان ءداستۇرلى ءدىني باعىتقا ورالدى. شەتەلدەردە كۇماندى جوعارى وقۋ ورىندارىندا وقىعان ءۇش ستۋدەنت ەلگە قايتارىلدى. بىراق ءالى 25 جاس شەكارانىڭ ارعى جاعىندا «كۇماندى» ءبىلىم الىپ ءجۇر...