«ەندى ءبىز زاڭدى تۇلعالاردىڭ قۇجاتتارىن قابىلداپ قانا قويماي, وڭدەپ, مەملەكەتتىك تىركەۋگە قوياتىن بولامىز. بۇل قىزمەتتى اتقارۋ ءۇشىن ادىلەت مينيسترلىگىنىڭ ايماقتىق ءبولىمشەلەرىنەن 98 قىزمەتكەر بىزگە اۋىستى, وعان قوسا ءبىز 197 قىزمەتكەرىمىزدى وقىتۋدان وتكىزدىك», دەلىنگەن حابارلامادا.
جاڭادان ەنگەن وزگەرىستەرگە سايكەس زاڭدى تۇلعالاردى, اتاپ ايتقاندا اكتسيونەرلىك قوعامداردى, مەملەكەتتىك كاسىپورىنداردى, بارلىق كوممەرتسيالىق ۇيىمداردى مەملەكەتتىك قايتا تىركەۋ, تاراتۋ, فيليالدار مەن وكىلدىكتەردى ەسەپتىك (قايتا تىركەۋ) تىركەۋ قىزمەتتەرى, قۇجاتتاردىڭ قولدانىستاعى زاڭناماعا ءسايكەستىگى تۋرالى قۇقىقتىق ساراپتامانى مەملەكەتتىك كورپوراتسيا قىزمەتكەرلەرى جۇرگىزەدى.
سونىمەن قاتار مەملەكەتتىك كورپوراتسيانىڭ مامانداندىرىلعان حقو-لار قىزمەتىنە وزگەرىستەر ەندى. 1 شىلدەدەن باستاپ ونداعى ءىىم قىزمەتكەرلەرىن «ازاماتتارعا ارنالعان ۇكىمەتتىڭ» ماماندارى الماستىرادى. كولىكتى تىركەۋگە قويۋ نەمەسە الۋ, جۇرگىزۋشى كۋالىگىنە ءوتىنىشتەردى كورپوراتسيا ماماندارى قابىلدايدى, وندا جۇرگىزىلەتىن ەمتيحانداردى دا اۆتو حقو قىزمەتكەرلەرى وتكىزەدى. ءوز كەزەگىندە, بارلىق قابىلدانعان ءوتىنىشتەر ءىىم-ءنىڭ ارنايى قۇرىلعان كەڭسەلەرىنە وڭدەۋ ءۇشىن ونلاين تۇردە ءجىبەرىلىپ وتىرادى. بۇل وسى سالاداعى جەمقورلىق ارەكەتىن تىيىپ, مەملەكەتتىك قىزمەتتەردىڭ ساپالى ءارى جىلدام كورسەتىلۋىنە اسەر ەتۋى ءتيىس.
«بۇل اۋقىمدى وزگەرىستەر مەملەكەتتىك قىزمەتتەردىڭ ساپالى كورسەتىلۋىنە وڭ ىقپال ەتۋى ءتيىس. كورپوراتسيامىزدىڭ قۇزىرىنا وتكەن ءمىندەتتەردىڭ ءوسۋى – بىزگە دەگەن سەنىمنىڭ ارتقانى دەپ بىلەمىن», دەپ اتاپ ءوتتى ءوز پاراقشاسىندا اسەمگۇل بالتاشەۆا.
