«قازاقستان رەسپۋبليكاسى ۇلتتىق ۆاليۋتاسىنىڭ شەتەل ۆاليۋتالارىنا رەسمي باعامىن بەلگىلەۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى №242 قاۋلىسىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, قازاقستان رەسپۋبليكاسى ۇلتتىق ۆاليۋتاسىنىڭ شەتەل ۆاليۋتالارىنا قاتىستى رەسمي باعامىن بەلگىلەۋ ءتارتىبىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. «قازاقستان رەسپۋبليكاسى ۇلتتىق ۆاليۋتاسىنىڭ شەتەل ۆاليۋتالارىنا رەسمي باعامىن بەلگىلەۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى №242 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №7977 بولىپ تىركەلگەن, 2012 جىلعى 27 جەلتوقساندا «ەگەمەن قازاقستان» گازەتىندە № 852-856 (27927) جاريالانعان) مىناداي وزگەرىستەر ەنگىزىلسىن:
1 جانە 2-تاراۋلاردىڭ تاقىرىپتارى مىناداي رەداكتسيادا جازىلسىن:
«1-تاراۋ. قاعيدالاردا پايدالانىلاتىن ۇعىمدار»;
«2-تاراۋ. ۇلتتىق ۆاليۋتانىڭ شەتەل ۆاليۋتالارىنا رەسمي باعامىن بەلگىلەۋ»;
3 جانە 4-تارماقتار مىناداي رەداكتسيادا جازىلسىن:
«3. ۇلتتىق ۆاليۋتانىڭ اقش دوللارىنا قاتىستى نۇر-سۇلتان قالاسىنىڭ ۋاقىتىمەن ساعات 15-30-داعى جاعداي بويىنشا قالىپتاسقان ورتاشا الىنعان بيرجالىق باعامى ۇلتتىق ۆاليۋتانىڭ اقش دوللارىنا قاتىستى ساۋدا-ساتتىق جۇرگىزىلگەن كۇننەن كەيىنگى كەلەسى جۇمىس كۇنىندەگى رەسمي باعامى رەتىندە بەلگىلەنەدى.
4. قاعيدالارعا قوسىمشادا كورسەتىلگەن باسقا شەتەل ۆاليۋتالارى بويىنشا ۇلتتىق ۆاليۋتانىڭ شەتەل ۆاليۋتاسىنا باعامىن ۇلتتىق بانك قور بيرجاسىندا ساۋدا-ساتتىق جۇرگىزىلگەن كۇنى نۇر-سۇلتان قالاسىنىڭ ۋاقىتىمەن ساعات 16-00-دەگى جاعداي بويىنشا اقپاراتتىق اگەنتتىكتىڭ ارنالارى بويىنشا الىنعان سۇرانىستىڭ باعا بەلگىلەنىمدەرىنە سايكەس قالىپتاسقان اقش دوللارىنا كروسس-باعامدى پايدالانا وتىرىپ ەسەپتەيدى جانە ول كەلەسى جۇمىس كۇنىنە ارنالعان رەسمي باعام رەتىندە بەلگىلەنەدى.»;
3-تاراۋدىڭ تاقىرىبى مىناداي رەداكتسيادا جازىلسىن:
«3-تاراۋ. ۇلتتىق ۆاليۋتانىڭ شەتەل ۆاليۋتالارىنا قاتىستى باعامىن بەلگىلەۋدى قامتاماسىز ەتەتىن ءراسىمدەر»;
10 جانە 11-تارماقتار مىناداي رەداكتسيادا جازىلسىن:
«10. شەتەل ۆاليۋتالارىنىڭ ۇلتتىق ۆاليۋتاعا رەسمي باعامدارى تۋرالى قۇجات قول قويىلعان كۇنى نۇر-سۇلتان قالاسىنىڭ ۋاقىتىمەن ساعات 18.00-گە دەيىن ۇلتتىق بانكتىڭ بولىمشەلەرىنە, ەكىنشى دەڭگەيدەگى بانكتەرگە جانە باسقا دا ءمۇددەلى ۇيىمدارعا دەرەكتەردى رەسمي بايلانىس ارنالارى (ورتالىق تەلەتايپ, تەلەكس, اقپارات بەرۋدىڭ جانە تولەمدەر جاساۋدىڭ حالىقارالىق بانكارالىق جۇيەسى (SWIFT)) جانە ەلەكتروندىق پوشتا ارقىلى جىبەرۋ جولىمەن جەتكىزىلەدى.
11. ۇلتتىق ۆاليۋتانىڭ شەتەل ۆاليۋتالارىنا رەسمي باعامدارى (شەتەل ۆاليۋتالارىنىڭ ۇلتتىق ۆاليۋتاعا رەسمي باعامدارى) تۋرالى اقپارات بەلگىلەنگەن كۇنى نۇر-سۇلتان قالاسىنىڭ ۋاقىتىمەن ساعات 24.00-گە دەيىن ااج-عا ەنگىزىلەدى.».
2. مونەتارلىق وپەراتسيالار دەپارتامەنتى (مولدابەكوۆا ءا.م.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) زاڭ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلى مەملەكەتتىك تىركەلگەن كۇننەن باستاپ كۇنتىزبەلىك ون كۇن ىشىندە ونى قازاق جانە ورىس ءتىلدەرىندە قازاقستان رەسپۋبليكاسى ءادىلەت مينيسترلىگىنىڭ «قازاقستان رەسپۋبليكاسىنىڭ زاڭناما جانە قۇقىقتىق اقپارات ينستيتۋتى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا رەسمي جاريالاۋ جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن جىبەرۋدى;
3) وسى قاۋلى رەسمي جاريالانعاننان كەيىن قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى;
4) وسى قاۋلى مەملەكەتتىك تىركەلگەننەن كەيىن ون جۇمىس كۇنى ىشىندە زاڭ دەپارتامەنتىنە وسى قاۋلىنىڭ وسى تارماعىنىڭ 2), 3) تارماقشالارىندا جانە 3-تارماعىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3 سىرتقى كوممۋنيكاتسيالار دەپارتامەنتى - ۇلتتىق بانكتىڭ ءباسپاسوز قىزمەتى وسى قاۋلى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ە.ا.بىرتانوۆقا جۇكتەلسىن.
