«الماتى قاشاندا ۇزدىك پراكتيكانى, جاڭاشىلدىق جوبالار مەن ازاماتتىق قوعام سالاسى كەيستەرىن جۇزەگە اسىرۋدىڭ باستى تۇعىرناماسى بولىپ كەلەدى. بۇگىن ءبىز ۇەۇ دامىتۋ مەن ولاردىڭ تيىمدىگىلىن ارتتىرۋدىڭ «جول كارتاسىن» جاساۋ ءۇشىن جينالىپ وتىرمىز. ماعان قوعامنىڭ اكتۋالدى ماسەلەلەرىن بىرىگىپ شەشۋدە سىزدەر ۇسىناتىن پىكىرلەر مەن تىلەكتەردى ەستۋ وتە ماڭىزدى. ءبىز اشىقپىز, قولجەتىمدىمىز, قالانىڭ بارلىق ۇەۇ جۇمىس ىستەۋگە دايىنبىز. سوندىقتان شەشىمىن كۇتكەن باستى مىندەتتەرگە, ستراتەگياعا, پروبلەمالى ماسەلەلەرگە مەن ۇنەمى ايرىشقا نازار اۋدارامىن», - دەپ اتاپ ءوتتى الماتى اكىمى.
كەزدەسۋ بارىسىندا ب.ساعىنتاەۆ ۇەۇ مەن قالا باسشىلىعىنىڭ بىرىككەن ءىس-قيمىلدارىنىڭ پەرسپەكتيۆالىق باعىتتارىنىڭ بىرقاتارىن اتاپ ءوتتى. وسى رەتتە قالا باسشىسى ەكولوگيا مەن اۋا ساپاسى تاقىرىبىن كوتەردى.
«بۇلاردىڭ قالانىڭ بارلىق تۇرعىندارىن تولعاندىراتىنىن بىلەمىن. سوندىقتان قالالىق جەو-2 گازعا كوشىرۋ ماسەلەسىن ءجىتى زەرتتەۋدى جوسپارلاۋدامىن. وسىعان وراي ەكولوگيا سالاسىندا قورشاعان ورتانىڭ زالالدانۋىمەن كۇرەسۋدە جانە قالانى جاسىلداندىرۋدا سىزدەردىڭ قولداۋلارىڭىز ماڭىزدى», - دەدى اكىم.
بۇلاردان وزگە, قوعام قاۋىپسىزدىگىن جانە تارتىپسىزدىك پەن قۇقىق بۇزۋشىلىققا نولدىك توزىمدىلىكتى كۇشەيتۋدىڭ, جەرگىلىكتى ءوزىن-ءوزى باسقارۋدى دامىتۋدىڭ ونىڭ ىشىندە پيك-تەردىڭ جۇمىستارىن جولعا قويۋدىڭ, سونىمەن قاتار قالا بيۋدجەتى شىعىندارىنىڭ جاريالىلىعىنىڭ, كوپبالالى وتباسىلارعا الەۋمەتتىك كومەك كورسەتۋدىڭ, ەڭبەكپەن قامتۋدىڭ, جاستاردىڭ دەمالىسىن ۇيىمداستىرۋدىڭ جانە باسقالارىنىڭ اكتۋالدى ماسەلەلەرى ءسوز بولدى.
قازىرگى كەزدە مەگاپوليستە 4 مىڭنان استام ۇەۇ بار, ولاردىڭ 1 مىڭعا جۋىعى عانا بەلسەندىلىك تانىتۋدا. سونىمەن قاتار قالادا 45 جاستار ۇيىمدارى, 170 ءدىني بىرلەستىكتەر جانە باسقالارى بار.
