«بيۋدجەتتىڭ شىعىس بولىگىن ناقتىلاۋ ءۇش باعىت بويىنشا جۇزەگە اسىرىلادى. ءبىرىنشى باعىت - حالىقتىڭ تۇتىنۋشىلىق كرەديتتەرى بويىنشا بورىش جۇكتەمەسىن ازايتۋ. ومىرلىك قيىن جاعدايدا قالعان ازاماتتار ساناتىنا جاتقىزىلاتىن ءار قارىز الۋشى ءۇشىن تىكەلەي جانە اتاۋلى قارجىلىق كومەك تۇرىندە مەملەكەت 300 مىڭ تەڭگەگە دەيىن جالپى مولشەردە نەگىزگى بورىشى جانە ول بويىنشا ەسەپتەلگەن ءوسىمپۇلدى وتەيدى. وسى ماقساتتارعا جوبا 88,5 ملرد سوماسىندا شىعىستاردى قاراستىرىپ وتىر. ەكىنشى باعىت - جۇمىسپەن قامتۋ, از قامتىلعان كوپبالالى وتباسىلار مەن جاستاردى قولداۋ بويىنشا پارمەندى شارالاردى كەڭەيتۋ جانە كۇشەيتۋ. بۇل ماقساتتارعا 138,6 ملرد تەڭگە باعىتتالاتىن بولادى», دەدى ءبىرىنشى ۆيتسە-پرەمەر.
ءا. سمايىلوۆتىڭ ايتۋىنشا, ونىڭ ىشىندە 1,5 ملرد تەڭگە اعىمداعى جىلدىڭ 1 قىركۇيەگىنەن باستاپ از قامتىلعان جانە كوپبالالى وتباسىلاردان شىققان بالالار ءۇشىن جوعارى وقۋ ورىندارىنا قوسىمشا 5 مىڭ ءبىلىم بەرۋ گرانتىن بولۋگە, 2,4 ملرد تەڭگە بيىلعى جىلدىڭ 1 قىركۇيەگىنەن باستاپ تەحنيكالىق جانە كاسىپتىك ءبىلىم بەرۋدە جۇمىسشى ماماندىعى بويىنشا وقىپ جۇرگەن ستۋدەنتتەردىڭ شاكىرتاقىسىن 30 پايىزعا ۇلعايتۋعا (122 مىڭ ستۋدەنتتى قامتتيدى), 49,2 ملرد تەڭگە, «باستاۋ بيزنەس» قىسقا مەرزىمدى كاسىپتىك ءبىلىم بەرۋ تەتىكتەرى ارقىلى جۇمىسسسىزدار مەن ءوزىن ءوزى جۇمىسپەن قامتىعانداردى جۇمىسپەن قامتاماسىز ەتۋگە, سونداي-اق «ەڭبەك» باعدارلاماسى بويىنشا اۋىلداردا كرەديتتەۋ كولەمىن جانە ستارتاپ جوبالارعا بەرىلەتىن گرانتتار سانىن ۇلعايتۋعا, 14,4 ملرد تەڭگە نۇرسۇلتان, الماتى, شىمكەنت قالالارىندا 10 مىڭ ادامدى قامتي وتىرىپ, جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن پاتەرلەر كولەمىن 1 مىڭنان 3 مىڭ پاتەرگە دەيىن ۇلعايتۋعا, 70 ملرد تەڭگە اتاۋلى الەۋمەتتىك كومەك كولەمدەرىن وسى جىلدىڭ 1 شىلدەسىنەن 1 ساۋىرگە كوشىرۋگە بايلانىستى قاجەتتى قاراجاتتى جابۋعا, 1,1 ملرد تەڭگە, تەحنيكالىق جانە كاسىپتىك ءبىلىم بەرۋ مەكەمەلەرىندە, جوو-لاردا ستۋدەنتتەردى كاسىپكەرلىككە وقىتۋعا جۇمسالادى.
«ءۇشىنشى باعىتتا جوبادا ۇكىمەت رەزەرۆىن 72,9 ملرد تەڭگەگە ۇلعايتۋ ۇسىنىلادى. اتالعان قاراجاتتىڭ ءبىر بولىگى ارىس قالاسىنداعى توتەنشە جاعدايلاردىڭ سالدارىن جويۋعا باعىتتالاتىن بولادى. مۇنان باسقا سوماسى 15,9 ملرد تەڭگە قاراجاتتى ىشكى نارىققا ءبولۋ ەسەبىنەن شۇعىل شەشۋدى قاجەت ەتەتىن مىندەتتەمەلەر قارجىلاندىرىلادى», دەدى ول.
