م.اۋەزوۆ ادەبيەت جانە ونەر ينستيتۋتىنىڭ ديرەكتورى, فيلولوگيا عىلىمىنىڭ دوكتورى ك.ماتىجانوۆ, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى تۇركىتانۋ كافەدراسىنىڭ پروفەسسورى, فيلولوگيا عىلىمىنىڭ دوكتورى ش.ىبىراەۆ, قازاق ۇلتتىق قىزدار پەداگوگيكالىق ۋنيۆەرسيتەتى مۋزىكالىق ءبىلىم بەرۋدىڭ تەورياسى مەن ادىستەمەسى كافەدراسىنىڭ مەڭگەرۋشىسى, فيلولوگيا ع.د., پروفەسسور ت.قوڭىراتباەۆ, م.و.اۋەزوۆ اتىنداعى ادەبيەت جانە ونەر ينستيتۋتىنىڭ باس عىلىمي قىزمەتكەرى, فيلول.ع.د., پروفەسسور ب.ازىباەۆا, نۇر-مۇباراك ۋنيۆەرسيتەتىنىڭ پروفەسسورى, فيلول.ع.د. ش.كەرىم, قىرعىز-قازاق ۋنيۆەرسيتەتىنىڭ رەكتورى, فيلول.ع.ك., پروفەسسور ا.بۇلدىباي, م.و. اۋەزوۆ اتىنداعى ادەبيەت جانە ونەر ينستيتۋتى, «قولجازبا جانە تەكستولوگيا» عىلىمي-يننوۆاتسيا ءبولىمىنىڭ مەڭگەرۋشىسى, فيلول.ع.ك. ت.البەكوۆ جانە ت.ب. فولكلورتانۋشى عالىمدار قاتىستى. ءىس-شارا بارىسىندا عالىمدار مەن ماماندار «دالا فولكلورىنىڭ انتولوگياسى» ون تومدىعىنىڭ 2019 جىلى جارىق كورەتىن العاشقى 5 تومىنىڭ مازمۇنىنا, قۇرىلىمىنا, باسپاعا دايىندالۋ جۇيەسىنە بايلانىستى ۇسىنىس, پىكىرلەرىمەن ءبولىستى.
م.اۋەزوۆ ادەبيەت جانە ونەر ينستيتۋتىنىڭ ديرەكتورى, فيلولوگيا عىلىمىنىڭ دوكتورى كەنجەحان ماتىجانوۆتىڭ ايتۋىنشا, ۇلتتىق ەپوستىڭ تاڭداۋلى ۇلگىلەرىن قامتيتىن تومداردىڭ اتاۋى, ياعني ءتۇرلى ۇلگىدە پايدالانىلىپ كەلگەن ەپوسقا قاتىستى تەرميندەردى بىرىزدىلىككە كەلتىرۋ ماسەلەسى قوزعالىپ, فولكلورتانۋشى عالىمداردىڭ پىكىرلەرى تىڭدالدى. تالقىلاۋ بارىسىندا ارقيلى وي-تۇجىمدار ايتىلدى. ناتيجەسىندە انتولوگيانىڭ ءبىرىنشى جانە ەكىنشى تومدارى باتىرلار جىرىنا ارنالىپ, العاشقى تومعا كونە ەپوس پەن باتىرلىق ەپوس, ال ەكىنشى تومىنا «قىرىمنىڭ قىرىق باتىرى» توپتاماسى ەنەدى. عالىمدار ءۇشىنشى تومعا تاريحي جىرلاردى, ال ءتورتىنشى تومعا عاشىقتىق جىرلار, بەسىنشى تومعا داستانداردى ەنگىزۋدى ءجون سانادى.
انتولوگيالىق جۇيەدە باسىلىم كورەتىن كىتاپتاردىڭ فورماتى, كوركەمدەلۋى الەم جۇرتشىلىعى رۋحانياتىنىڭ ورتاسىنان وزىندىك ورنىن يلەنەتىن قازىرگى زامانعا ساي وزىق ۇلگىدە شىعارۋ ماسەلەسى دە عالىمداردىڭ نازارىندا بولدى. جيناقتاردىڭ ءپىشىمى, مۇقاباسىنىڭ ۇلتتىق ناقىشتا بەزەندىرىلۋى, ىشكى بەتتەرىنىڭ, ماتىندەردىڭ ايشىقتالۋى, ءار تومعا ەنگىزىلەتىن سۋرەتتەردىڭ, يلليۋستراتسيالاردىڭ ماڭىزى وي ەلەگىنەن وتكىزىلىپ, باسپاعا دايىنداۋ بارىسىندا ۇلتتىق رۋحانياتتان مول حابارى بار, تاجىريبەلى, بىلىكتى-ىسكەر ديزاينەر-باسپاگەر, سۋرەتشى, حالىق مۋزىكاسىن تەرەڭ تۇسىنەتىن زەرتتەۋشى, ت.ب. مامانداردى تارتىپ, شىعارماشىلىق بىرلىكتە جۇمىس ىستەۋ قاجەتتىلىگى ءسوز بولدى. تومدارعا ەنەتىن ەپوستىق ماتىندەردىڭ ماسەلەسى دە وزەكتى. جىر ماتىندەرىن ەلىمىزدىڭ سيرەك قورلارىنىڭ, سونداي-اق بۇرىن جاريالانعان جيناقتاردىڭ, الىس-جاقىن شەتەلدەردە تۇراتىن قازاق ەتنوستارىنىڭ مۇرالارىنىڭ نەگىزىندە ىزدەستىرۋ, ولاردىڭ ءتۇرلى نۇسقالارى مەن جاريالانىمدارىن ءبىر-بىرىمەن تەكستولوگيالىق تۇرعىدا سالعاستىرۋ ارقىلى ءتىلى كوركەم, سيۋجەتتەرى تولىق, مازمۇنعا باي, جىرلاۋعا, حالىق مۋزىكاسىمەن سۇيەمەلدەۋگە ىڭعايلى وزىق ۇلگىلەرى تاڭدالۋعا ءتيىس.
جيناقتارعا بەرىلەتىن قوسىمشالارعا دا اسا ءمان بەرىلدى. اتاپ ايتقاندا, ماتىندەردە كەزدەسەتىن كونەرگەن, كىرمە, كونەتۇركى ت.ب. جالپى وقىرماندارعا تۇسىنىكسىز سوزدەردىڭ, ەتنوگرافيالىق ۇعىمداردىڭ سوزدىكتەرى, جەر-سۋ اتاۋلارى, عىلىمي تۇسىنىكتەر, نوتالار, بيبليوگرافيالىق كورسەتكىشتەر, تومداردىڭ ورىس, اعىلشىن تىلدەرىندەگى تۇيىندەمەلەرى ت.ب. جەكە-جەكە تالقىلانىپ, تۇششىمدى وي-پىكىرلەر ايتىلدى.
عالىمدار جيناقتارعا ەنگەن جىرلاردىڭ اۋديونۇسقاسىنا دا كوڭىل ءبولىندى. ەڭ الدىمەن, جوعارى دەڭگەيدە قالىپتاسقان, رەسپۋبليكا, الىس-جاقىن شەتەلدەردە تانىلعان, بەدەلدى, ءداستۇرلى حالىق مۋزىكاسىن, ءان-جىرىن تۇسىرۋگە قاۋقارلى, زامانعا لايىق مۋزىكالىق, ەلەكتروندى قوندىرعىلارمەن جابدىقتالعان, بىلىكتى ماماندارمەن (پروديۋسەر, مۋزىكا رەجيسسەرى, حالىق مۋزىكاتانۋشىسى ت.ب.) قامتىلعان اۋديوجازۋ ستۋدياسى بار كومپانيالارمەن كەلىسسوزدەردە جۇرگىزىلىپ, ولاردىڭ تاڭداۋلىسىمەن شارت جاسالىپ, جۇمىس جوسپارلى بەلگىلەنۋگە ءتيىس. جۇمىس بارىسىندا قۇرمانعازى اتىنداعى ۇلتتىق كونسەرۆاتوريانىڭ ءداستۇرلى حالىق مۋزىكاسى كافەدراسىنىڭ, ت.جۇرگەنوۆ اتىنداعى ونەر اكادەمياسىنىڭ ءداستۇرلى ونەر فاكۋلتەتىنىڭ ۇستاز-وقىتۋشىلارىمەن, ءتۇرلى ونەر وشاقتارىنداعى ءانشى-جىرشىلارمەن بايلانىس جاسالىپ, كەلىسىمدەر جۇرگىزىلىپ, جىرشى-ورىنداۋشى جەتىسپەگەن جاعدايدا وڭىرلەردەن ارنايى شاقىرتۋ قاجەتتىگى ايتىلدى. ولاردى ىرىكتەۋدە جىرشىلاردىڭ ورىنداۋشىلىعىنان وزگە مۋزىكاشى رەتىندەگى قابىلەتتەرى دە نازارعا الىناتىن بولادى (قوبىزشىلىعى, دومبىراشىلىعى, سىرنايشىلىعى, جەتىگەنشىلىگى ت.ب.).
بەستومدىق انتولوگيانىڭ كىتابي, ەلەكتروندى, اۋديو نۇسقالارى قاتار ورىندالادى. دايىندالعان ءونىم ينستيتۋتتىڭ ارنايى سايتىنا جۇكتەلەدى جانە ونىڭ جەكە كودى تومدا كورسەتىلەدى. بۇل سىلتەمە كىتاپتىڭ اۋديونۇسقاسىن كومپيۋتەر, پلانشەت, قالتا تەلەفون (سمارتفون) ارقىلى پايدالانۋعا, جۇكتەپ الۋعا مۇمكىندىك تۋدىرادى.
بۇل ءىس-شارا قاجىرلى ەڭبەكتى, مول ۋاقىتتى جانە ونى بىلىكتى ماماننىڭ قاداعالاپ وتىرۋىن تالاپ ەتەدى. سوندىقتان بۇل جۇمىستارعا باعىت-باعدار بەرىپ, ءار سالانىڭ ساپاسىن قاداعالاۋ ءۇشىن ارنايى ساراپشىلار, كوركەمدىك كەڭەستەر بەكىتىلىپ, ىستەلگەن جۇمىستارعا قاتىستى عىلىمي پىكىرلەر, حاتتامالار جازىلعان ءجون دەگەن ءتۇيىندى قورىتىندىعا كەلدى فولكلورتانۋشى عالىمدار. عىلىمي جيىننىڭ ناتيجەسىندە جيناقتارعا ەنگىزىلەتىن ەپوستىق جىرلاردىڭ ءتىزىمى, ناقتى نۇسقالارى انىقتالدى. العاشقى بەس توم بويىنشا عىلىمي ساراپشىلارعا ۇسىنىلعان جىر ماتىندەرىنە ناقتى عىلىمي ساراپتاما-پىكىرلەر الىندى. جيناقتاردى باسپاعا ازىرلەۋ بارىسىندا كوررەكتورلىق, رەداكتورلىق جۇمىستار قامتىلىپ, ساۋاتتى ءارى ساپالى دايىندالۋىنا جاعدايلار جاسالادى.
جيناق 10000 دانامەن شىعارىلىپ, قازاقستاننىڭ بارلىق جوو مەن كىتاپحانالارىنا تاراتىلاتىن بولادى.
