30 ماۋسىم، 2019

دانيال احمەتوۆ بەسقاراعاي اكىمىن دەمالىستا جۇرگەن جەرىنەن جۇمىسقا شاقىردى. نەگە؟

3222 رەت كورسەتىلدى

«مەن اۋدان اكىمدەرىنە: «ەڭ كەم دەگەندە ءۇش كوپبالالى انا كوميسسياعا كىرسىن» دەپ تاپسىرما بەرگەنمىن. بىردە بىرەۋى جوق» دەدى اشۋعا بۋلىققان دانيال احمەتوۆ.


26 ماۋسىمدا وسكەمەندە كوپبالالى وتباسىلاردى تۇرعىن ۇيمەن قامتاماسىز ەتۋ ماسەلەسىن شەشۋ جونىندەگى قوعامدىق كوميسسيانىڭ كەزەكتى وتىرىسى وتكەن بولاتىن. وبلىس اكىمى دانيال احمەتوۆتىڭ ءوزى جەتەكشىلىك ەتەتىن كوميسسيا قۇرامىنا كوپبالالى انالار، باق جانە قوعامدىق بىرلەستىك وكىلدەرى ەنگەن-ءدى. قوعامدىق كوميسسيانىڭ بۇل جولعى وتىرىسىندا وڭىردەگى 26 مىڭنان استام كوپبالالى وتباسىلارعا قاتىستى بىرنەشە ماسەلە قارالدى. جيىندا وبلىستىق ءبىلىم باسقارماسى باسشىسىنىڭ ورىنباسارى ايگۇل بايجانوۆا الداعى جاڭا وقۋ جىلىندا ايماقتاعى بارلىق كوپبالالى جانە تۇرمىسى تومەن وتباسىنىڭ بالالارىنا (ولاردىڭ سانى - 33 583، ونىڭ 23 مىڭى كوپبالالى، 10 مىڭى الەۋمەتتىك جاعىنان از قامتىلعان وتباسىلاردىڭ وقۋشىلارى) مەكتەپ فورماسى تەگىن، ياعني مەملەكەت ەسەبىنەن ساتىپ اپەرىلەتىنىن ايتتى. قازىر وسى ماقساتقا وبلىس، قالا جانە اۋدان بيۋدجەتتەرىنەن 626 ملن. تەڭگە قارجى ءبولىنىپ، شىعىس قازاقستانداعى مەكتەپ فورمالارىن تىگەتىن 5 تاۋار ءوندىرۋشى («اقتۇمار»، «ۋك يۋنيس»، «سەمسپەتسسناب»، «اقماڭداي»، «Instar») انىقتالىپتى. باسقارما باسشىسىنىڭ ورىنباسارىنىڭ ايتۋىنشا، ءدال قازىرگى ۋاقىتتا (26 ماۋسىمداعى جاعداي بويىنشا) وڭىردەگى 580 مەكتەپتىڭ 260-سى فورما ساتىپ الۋ جونىندە كەلىسىمشارت جاساسىپتى، 299 مەكتەپ كەلىسىمشارتتى 1 شىلدەگە دەيىن اياقتاۋعا ۋادە بەرىپتى. اباي، اياگوز، بورودۋليحا، كۇرشىم، تارباعاتاي جانە ءۇرجار اۋداندارى بۇل جۇمىستى 100 پروتسەنتكە جەتكىزىپتى. ال بەسقاراعاي اۋدانىنداعى 21 مەكتەپ جەرگىلىكتى تاۋار وندىرۋشىلەرمەن ءالى كۇنگە دەيىن كەلىسىمشارت جاساسپاپتى. «بۇل ماسەلەنى اقپان ايىندا ايتقانبىز. ەكى ايدان كەيىن ساباق باستالادى. ال سىزدەر ءالى جۇرسىزدەر! قاراجات بار، تاۋار وندىرۋشىلەر بەلگىلى. نەگە ىسكە كىرىسپەيسىزدەر؟ ءبىر اپتا ۋاقىت بەرەمىن. ماسەلە شەشىلمەسە، كوميسسيا وتىرىسىندا قارايمىز» دەدى دانيال احمەتوۆ.

ايتپاقشى، وسى جيىندا بەسقاراعاي اۋدانى اكىمدىگىنىڭ كوپبالالى وتباسىلاردى باسپانامەن قامتۋ جونىندەگى اۋداندىق كوميسسيا جۇمىسىنا سالعىرت قاراعاندىعى دا بەلگىلى بولدى. قوعامدىق كوميسسيا وتىرىسىن جۋرناليستەردىڭ، وڭىردەگى بۇكىل اۋدان اكىمدەرىنىڭ قاتىسۋىمەن بەينە رەجيمدە وتكىزگەن وبلىس اكىمى دانيال احمەتوۆ جيىن بارىسىندا اۋدان اكىمىنەن كەيىن اۋدانداعى كوميسسيا قۇرامىنا ەنگەن كوپبالالى انالاردىڭ بىرىمەن مىندەتتى تۇردە سويلەسىپ، قولىنداعى تىزىمگە قاراپ، اتى-ءجونىن ايتىپ، باسپانا ماسەلەسىنىڭ جەرگىلىكتى جەردە قالاي شەشىلىپ جاتقانىنا كوز جەتكىزۋگە تىرىستى. ءبىر قىزىعى، بەسقاراعاي اۋدانى اكىمدىگى جيىنعا كوميسسيا قۇرامىنا ەنگەن كوپبالالى وتباسىلاردىڭ بىردە-ءبىرىن شاقىرماپتى. «كوميسسيا مۇشەسى تاتيانا ۆلاسوۆا بار ما؟» دەگەن وبلىس اكىمىنىڭ سۇراعىنا: «ونىڭ بالاسى اۋىرىپ قالىپ، كەلە المادى» دەسە، ال ايماق باسشىسىنىڭ «ليۋبوۆ يۆانوۆنا قايدا؟» دەگەن ساۋالىن جاۋاپسىز قالدىردى. «مەن اۋدان اكىمدەرىنە: «ەڭ كەم دەگەندە ءۇش كوپبالالى انا كوميسسياعا كىرسىن» دەپ تاپسىرما بەرگەنمىن. بىردە بىرەۋى جوق» دەپ اشۋعا بۋلىققان دانيال احمەتوۆ اۋدان اكىمىنىڭ ورىنباسارى نۇرلان مۇحامەتراقىم ۇلىنا ەڭبەك دەمالىسىندا جۇرگەن بەسقاراعاي اكىمىن شۇعىل جۇمىسقا شاقىرىپ، وسى ماسەلەمەن شۇعىلدانۋدى جانە «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى انۋاربەك مۇحتارحانوۆقا پارتيالىق كوميسسيا قۇرىپ، اۋدانداعى كوپ بالالى انالارمەن كەزدەسۋدى تاپسىردى.

وسكەمەن

سۋرەتتى تۇسىرگەن ۆ.پەتۋحوۆ

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار