سۋرەتتى تۇسىرگەن تەمىربولات توقمامبەتوۆ
ءوڭىر باسشىسى قازاقستان رەسپۋبليكاسى بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى بيىل پرەزيدەنت قاسىم-جومارت توقاەۆتىڭ جارلىعىمەن دەربەس مەرەكەگە اينالعانىن, دەموكراتيا جولىنا بەت العان قوعامدا جۋرناليستەردىڭ ورنى ەرەكشە ەكەنىن اتاپ ءوتتى. باتىس قازاقستان وبلىسى اۋماعىندا قىزمەت ەتىپ جاتقان 74 باق نىسانى بولسا, ولاردىڭ ارقايسىسى حالىق پەن بيلىك اراسىن جالعاپ, جەدەل اقپارات تاراتىپ, كوپشىلىكتىڭ العىسىن الىپ ءجۇر.
بۇل كۇنى باتىس قازاقستان وبلىستىق «Aqjayiq» تەلەارناسىنىڭ ديرەكتورى اسىلانبەك عۇباشەۆ پەن «جايىق پرەسس» مەدياحولدينگىنىڭ باسشىسى راۋان ءسابيتوۆ ەلىمىزدىڭ بۇقارالىق اقپارات قۇرالدارى سالاسىن دامىتۋعا ەلەۋلى ۇلەس قوسقانى ءۇشىن قازاقستان رەسپۋبليكاسى پرەزيدەنتى قاسىم-جومارت توقاەۆتىڭ العىس حاتىنا يە بولدى.
ال ۇزاق جىل جۋرناليستيكا سالاسىندا ابىرويلى ەڭبەك ەتكەن ارداگەر ءتىلشى, قازاقستان جازۋشىلار وداعىنىڭ مۇشەسى, اقىن ايتقالي نارىكوۆ «قازاقستاننىڭ قۇرمەتتى ءجۋرناليسى» اتاندى.
سونداي-اق بۇل كۇنى وڭىردەگى جۋرناليستيكا سالاسىن دامىتۋعا ۇلەس قوسىپ جۇرگەن بىرقاتار ءتىلشى-جۋرناليست باتىس قازاقستان وبلىسى اكىمىنىڭ العىس حاتى مەن ارنايى سىياقىعا يە بولدى.
