اتالعان كلۋبتىڭ وتىرىسىنا قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ, پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو, پارلامەنت دەپۋتاتتارى, اقپارات جانە قوعامدىق دامۋ مينيسترلىگىنىڭ جانە باسقا مەملەكەتتىك ورگانداردىڭ وكىلدەرى, قحا مۇشەلەرى, رەسپۋبليكالىق جانە ايماقتىق باق باس رەداكتورلارى, ەتنوسارالىق قاتىناستار سالاسىنداعى ساراپشىلار, عىلىمي جانە شىعارماشىلىق قاۋىم مەن بلوگەرلەر قاتىستى.
القالى جيىننىڭ كۇن ءتارتىبىندە مەملەكەت باسشىسىنىڭ «ساباقتاستىق. ادىلدىك. ورلەۋ» سايلاۋالدى باعدارلاماسىنداعى تاپسىرمالاردىڭ ورىندالۋ بارىسىندا جۋرناليستەر قاۋىمى الدىندا تۇرعان مىندەتتەر تالقىلاندى. سونداي-اق قوعامنىڭ بىرلىگىن نىعايتۋ ءجونىندەگى جۇمىستار, سونىڭ ىشىندە قازاقستان حالقى اسسامبلەياسىنىڭ تۇركىستان وبلىسى ارىس قالاسىنداعى توتەنشە جاعدايعا بايلانىستى كورسەتىپ جاتقان كومەگى جان-جاقتى باياندالدى.
الدىمەن ءسوز باستاعان جانسەيىت تۇيمەباەۆ جينالعان قاۋىمدى 28 ماۋسىم – بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتاپ, شىعارماشىلىق تابىس تىلەدى. ءسويتىپ ارىستاعى توسىننان كەلگەن اپاتتان زارداپ شەككەن تۇرعىندارعا كورسەتىلىپ جاتقان گۋمانيتارلىق كومەك جايىندا جان-جاقتى ايتىپ بەردى.
– قازاقستان حالقى قيىن-قىستاۋ ساتتەرى جۇدىرىقتاي جۇمىلىپ, ەلدىك پەن بىرلىكتىڭ ۇلگىسىن كورسەتتى. قازاقستان حالقى اسسامبلەياسى دا 24 ماۋسىمدا جەدەل تۇردە شىمكەنت قالاسىنداعى تۇركىستان وبلىستىق دوستىق ۇيىندە زارداپ شەككەندەر مەن ارىس قالاسىنان كوشىرىلگەندەرگە كومەك كورسەتۋ ماقساتىندا شتاب قۇردى. بارلىق وڭىردەگى دوستىق ۇيلەرىندە كومەك قابىلداۋ پۋنكتتەرى ىسكە قوسىلدى. 27 ماۋسىمعا دەيىن اسسامبلەيا كورسەتكەن كومەكتىڭ جالپى سوماسى 51 ملن 331 مىڭ تەڭگەنى قۇراپ وتىر. سونداي-اق قحا مەن «قوعامدىق كەلىسىم» مەملەكەتتىك مەكەمەلەرى ءبىر كۇندىك جالاقىلارىن تۇركىستان الەۋمەتتىك-كورپوراتيۆتىك دامۋ قورىنا اۋداردى. قحا «جاڭعىرۋ جولى» رەسپۋبليكالىق جاستار قوزعالىسى «جاقسىلىق جاسا» جوباسى اياسىندا تۇركىستانعا كومەككە اتتانۋ ماقساتىندا ۆولونتەرلىك توپ قۇردى, – دەدى ج.ءتۇيمەباەۆ
بۇعان قوسا قحا توراعاسىنىڭ ورىنباسارى اعىمداعى جىل ساياسي وقيعالارعا تولى بولعانىن, سونداي ساتتەردە جاعدايدى جان-جاقتى ساراپتاپ, حالىققا شىنايى اقپارات جەتكىزگەن ءتورتىنشى بيلىك وكىلدەرىنىڭ ەڭبەگىن اتاپ ءوتتى. بۇل رەتتە ەلىمىزدەگى ەتنوستاردىڭ باسىلىمدارى دا سۇبەلى ۇلەس قوسۋدا. قازاقستاندا قازىر 50-دەن اسا ەتنوستىق باق رەسمي تىركەلگەن. جىل باسىنان بەرى تەلەراديو مەن باسپاسوزدەردە, اقپاراتتىق سايتتاردا ەتنوسارالىق تاتۋلىق پەن كەلىسىمگە قاتىستى رەسپۋبليكالىق جانە ايماقتىق دەڭگەيدە 7218 ماتەريال جاريالانعان ەكەن.
جۋرناليستەر كلۋبىنىڭ كەڭەيتىلگەن وتىرىسىندا پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ, «Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى, «حابار» اگەنتتىگى» اق «ەل ارنا» تەلەارناسىنىڭ ديرەكتورى ارمان سەيىتمامىت, «وگني الاتاۋ» الماتى وبلىستىق گازەتىنىڭ باس رەداكتورى اتساليم يديگوۆ, «قازاقپارات» حاا باس ديرەكتورى اسقار وماروۆ, «كورە يلبو» كورەي رەسپۋبليكالىق گازەتىنىڭ باس رەداكتورى كونستانتين كيم تۇراقتىلىق پەن كەلىسىمدى ساقتاۋداعى باق-تىڭ ماڭىزدى ءرولى تۋرالى وي-پىكىرلەرىن ورتاعا سالدى.
شارا سوڭىندا مەملەكەت ساياساتىن اقپاراتتىق تۇرعىدان قولداۋعا, قوعامدىق كەلىسىم مەن جالپىۇلتتىق بىرلىكتى نىعايتۋعا, قازاقستان حالقى اسسامبلەياسىنىڭ قىزمەتىن ناسيحاتتاۋعا ۇلەس قوسقان جۋرناليستەر مەن ساراپشىلاردى ماراپاتتاۋ ءراسىمى ءوتتى.
سونىمەن قاتار ءدال وسى كۇنى دوستىق ۇيىندە نۇر-سۇلتان قالاسى قازاقستان حالقى اسسامبلەياسىنىڭ XVIII سەسسياسى ءوتىپ, وندا ءبىرىنشى جارتىجىلدىقتا اتقارىلعان جۇمىستاردىڭ ءناتيجەلەرى جاريالاندى. «حالىق ءال-اۋقاتىنىڭ ارتۋى – بىرلىك پەن تۇراقتىلىق كەپىلى» دەپ اتالعان سەسسيا بارىسىندا پرەزيدەنتتىڭ «ساباقتاستىق. ءادىلدىك. ورلەۋ» اتتى سايلاۋالدى باعدارلاماسىنا ارنالعان جوسپاردى ىسكە اسىرۋ ماسەلەسى, سونداي-اق تۇركىستان وبلىسىنىڭ ارىس قالاسىنا كومەك كورسەتۋ شارالارىنىڭ جاي-جاپسارى تالقىلاندى.
