ايماقتار • 26 ماۋسىم، 2019

ارىستان كەلەتىن 130 بالا باياناۋىلدا دەمالادى

196 رەتكورسەتىلدى

وبلىس اكىمى بولات باقاۋوۆتىڭ تاپسىرماسىمەن وڭىردە ارىس قالاسىنان كەلەتىن 300 بالانى دەمالىس ورىندارىنا ورنالاستىرۋ تۋرالى شەشىم قابىلداندى.

ياعني، بۇل ماقسات ء ۇشىن بارلىق جاعداي جاسالدى. ەرتەڭ  27 ماۋسىم كۇنى ارىس قالاسىنان بالالاردىڭ العاشقى لەگى پاۆلودارعا كەلەدى. جالپى سانى 130 بالا جانە 10 جەتەكشىسى بار.ولار باياناۋىلداعى دەمالىس ورىندارىنا ورنالاستىرىلادى.ال، ەكىنشى كەزەڭدە 170 بالا كەلەدى. بۇل كەزەڭگە ستۋدەنتتەر جانە تالىمگەر جانە تاربيەشى قىزمەتىن اتاقارادى.

وبلىستىق ءبىلىم باسقارماسىنىڭ  مالىمەتىنشە، ەكىنشى كەزەڭ ءۇشىن بالالاردى قابىلداۋ جانە ۇيىمداستىرۋ بويىنشا جەدەل ءىس-قيمىل جوسپارى ازىرلەنگەن.  بالالاردى ورنالاستىرۋ ءۇشىن  «قازحروم»  اق فەرروقورىتپا زاۋىتىنىڭ،  باسقارمانىڭ «جاس داۋرەن»، «بالداۋرەن» وقۋ-ساۋىقتىرۋ ورتالىعى، شارباقتى اۋدانى «چايكا» بالالار  لاگەرى  قازىر دايىندالۋدا.

جەدەل ءىس-قيمىل جوسپارىنا سايكەس وبلىستىڭ ءبىلىم باسقارماسى پوليتسيا دەپارتامەنتى، تاۋارلار مەن قىزمەتتەردىڭ ساپاسى جانە قاۋىپسىزدىگىن باقىلاۋ دەپارتامەنتى، توتەنشە جاعدايلار جانە دەنساۋلىق ساقتاۋ باسقارماسىمەن بىرلەسىپ، اتالعان ورتالىقتاردا بالالاردىڭ  قاۋىپسىزدىگىن قامتاماسىز ەتۋ بويىنشا بارلىق شارالاردى قابىلداۋ بويىنشا جۇمىس جۇرگىزۋدە.

سونداي-اق،بالالارعا مەديتسينالىق جاردەم كورسەتىلەدى. مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى دە بىرلەسە  جۇمىس جاسايدى.

بالالاردى مۋزەيلەرگە، باسقا دا مادەني-دەمالىس ورىندارىنا بارۋ ارقىلى وبلىس  ورتالىعىنا ەكسكۋرسيالىق تۋرلار ۇيىمداستىرىلادى.

ال، بۇل ماقساتتى  قارجىلاندىرۋ بيۋدجەتتىك جانە بيۋدجەتتەن تىس قاراجات ەسەبىنەن قامتاماسىز ەتىلەدى.

پاۆلودار وبلىسى



سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار