يندۋستريا جانە ينفراقۇرىلىمدىق دامۋ مينيسترلىگى, الماتى قالاسىنىڭ اكىمدىگى مەن «اتامەكەن» ۇكپ, اۆتوكولىك قاۋىمداستىعىنىڭ ۇيىمداستىرۋىمەن وتكەن كورمە بارىسىندا قالا اكىمى باۋىرجان بايبەك وڭتۇستىك استانادا اۆتوكولىك سانىن ءتورت ەسەگە دەيىن ارتتىرۋ جوسپارلانىپ وتىرعاندىعىن جەتكىزدى. بۇگىندە كولىك جۇيەسىن جەتىلدىرۋگە اسا نازار اۋدارىپ وتىرعان قالا باسشىلىعى بۇل سالادا حالىقارالىق تاجىربيەنىڭ ماڭىزدى دەپ سانايدى.
قالا تۇرعىندارىنىڭ ءتيىستى ورىندارعا جىلدام جەتۋى ۇلكەن قالالارداعى ماڭىزدى ماسەلە. قازىرگى كەزدە سۋبسيديالاۋدىڭ ارقاسىندا تاسىمالداۋ جۇيەسى 80 پايىزعا جاڭارىپ, 1300 جۋىق جاڭا اۆتوبۋس ساتىپ الىنعان. جىل اياعىنا دەيىن كولىكتەردى جاڭارتۋ ءجۇز پايىزعا دەيىن جۇزەگە اساتىن بولادى. كەيىننەن قالاداعى اۆتوبۋس پاركتەرى دە جاڭارتىلاتىن بولادى. بۇل ميللياردتاعان تەڭگەلەردى كولەڭكەدەن شىعارۋ مەن كولىك سالاسىنداعى اشىقتىقتى قامتاماسىز ەتۋمەن بايلانىستى بولىپ وتىر. جاقىن ارادا قالا باعىتتارىندا Made in Almaty ەلەكتروبۋستارى جۇرەتىن بولادى. ەلەكتروبۋستاردىڭ ءۇشىنشى بۋىنىن جانىندا 300 ورىندى اۆتوپاركى بار FalconEurobus زاۋىتىجاساپ شىعارعان. اۆتوبۋستار قوزعالىسىن رەتتەۋ ءۇشىن ديسپەتچەرلىك باسقارۋ جۇمىسى دا كۇشەيتىلىپ, تاسىمالداۋشىلارعا ايىپپۇل سانكتسياسى سالىنعان. تەك وتكەن جىلدىڭ وزىندە عانا تاسىمالداۋشىلاردان 560 ملن تەڭگەدەن استام سۋبسيديا ۇستالعان.
