قازاقستان • 26 ماۋسىم، 2019

ازاماتتىق قوعامدى دامىتۋ – باستى نازاردا

193 رەتكورسەتىلدى

نۇر-سۇلتان قالاسىنداعى قازمەديا ورتالىعىندا اقپارات جانە قوعامدىق دامۋ ءمينيسترى داۋرەن اباەۆ حالىق الدىندا ەسەپ بەردى.

ەسەپتىك كەزدەسۋگە پار­لا­مەنت دەپۋتاتتارى، پرەزي­دەنت اكىمشىلىگىنىڭ، پرەمەر-مي­نيستر كەڭسەسىنىڭ قىزمەت­كەر­لەرى، قوعامدىق كەڭەس مۇشە­لەرى، مەملەكەتتىك جانە جەكە كوم­پا­نيالاردىڭ، ۇكىمەتتىك ەمەس ۇيىمداردىڭ، قاۋىمداستىق­تار­دىڭ، ءدىن جانە جاستار سايا­ساتى سالاسىنىڭ، باق جانە تاعى باسقا ۇيىمداردىڭ وكىلدەرى قاتىستى. بۇعان قوسا، جيىن بارىسىن بەينەكونفەرەنتسيا بايلانىسى ارقىلى وبلىستاردىڭ جانە نۇر-سۇلتان، الماتى، شىمكەنت قالالارىنىڭ اكىمدىكتەرى كورىپ وتىردى. سون­داي-اق الەۋمەتتىك جەلىلەردە دە ون­لاين-رەجىمدە كوپشىلىكتىڭ نا­زارىنا ۇسىنىلدى. جالپى، ءوڭىر­لەردى قوسقاندا بۇل كەزدەسۋگە قاتىسۋشىلاردىڭ سانى شامامەن 500 ادامدى قۇرادى.

اقپارات جانە قوعامدىق دا­­مۋ ءمينيسترى داۋرەن اباەۆ ەسەپ­­تىك بايانداماسىن باستاماس­تان بۇرىن وقىس وقيعاعا بايلا­نىستى ارىستاعى اعايىنعا الاڭ­داۋ­شىلىعىن ءبىلدىرىپ، قازا تاپقان ازاماتتاردىڭ تۋعان-تۋىستارىنا قايعىرا كوڭىل ايتتى، جاراقات العان جۇرتتىڭ تەز ساۋىعىپ كە­تۋىن تىلەدى. بۇل توسىن­نان كەلگەن اپات ارىستىڭ عانا ەمەس، ءبۇ­كىل حالىقتىڭ قابىرعاسىن قايىس­تىرعانىن، وسىنداي سىن ساعاتتا ەلدىگىمىز بەن بىرلىگىمىزدى كورسەتە بىلگەنىمىزدى ايتتى. سون­داي-اق مينيستر وقيعا ورنىنا ءوزى بارعان مەملەكەت باسشىسى قاسىم-جومارت توقاەۆتىڭ جاع­دايدى باقىلاۋعا العانىن ايتىپ، «ارىس، ءبىز بىرگەمىز» اتتى اكتسيا ۇيىمداستىرىلىپ جاتقانىن اتاپ ءوتتى. وسى رەتتە زارداپ شەككەن قالاعا كومەك قولىن سوزعان كوپشىلىكپەن بىرگە مينيسترلىكتىڭ قىزمەتكەرلەرى دە ءبىر كۇندىك ەڭ­­بەك­اقىلارىن اۋداراتىنىن ءما­لىم­دەدى.

بۇدان ءارى د.اباەۆ كەزدەسۋدىڭ نەگىزگى تاقىرىبىنا ويىسىپ، وسى جىلدىڭ التى ايى ارتتا قال­عانىن، وسى ۋاقىت ارالىعى ءتۇرلى ساياسي وقيعالار مەن اۋقىمدى ءىس-شا­رالارعا تولى بولعانىن تىلگە تيەك ەتتى جانە بۇل جيىنعا وتكەن­دى سارالاپ، بولاشاقتى باعامداۋ ماقساتىندا باس قوسىپ وتىرعاندارىن ايتتى.

– اقپارات، ازاماتتىق قو­عام، قوعامدىق كەلىسىم، جاس­تار جانە وتباسى ساياساتىنىڭ نەگىزگى باعىتتارىن پىسىقتاپ الۋ – ماڭىزدى مىندەتتەردىڭ ءبىرى. ەسەپتىك كەزدەسۋدە وسى باعىت­تارعا جەكە-جەكە توقتالىپ ءوت­پەكپىن. قازىر اقپارات سالاسى بويىنشا ءبىزدىڭ مينيسترلىك ءتيىستى زاڭدى جەتىلدىرۋ جۇمىستارىن جالعاستىرىپ جاتىر. قاجەتتى تۇزەتۋلەردى ەنگىزۋ جوسپارىمىزدا بار. اتاپ ايتساق، بۇقارالىق اقپارات قۇرالدارىندا كەيبىر ونىمدەردى جارنامالاۋعا تى­يىم سالۋدى توقتاتۋ، مەملەكەتتىك تاپسىرىستى ايماق دەڭگەيىندەگى مەملەكەتتىك ساتىپ الۋ جۇيەسىنەن شىعارۋ، باق-تى سالىقتان بوساتۋ تۋرالى تۇزەتۋلەر – نازاردا. باق سالاسىن جاڭعىرتۋ مەن ساپالى تەلەۆيزيالىق كونتەنت قالىپتاستىرۋ جۇمىسى ءبىر ءسات تە توقتاعان جوق. مىسالى، Tamasha TV دەپ اتالاتىن ءازىل-سىقاق باعىتىنداعى ءبىرىنشى تەلەارنا ءوز باعدارلامالارىن كورەرمەندەرىنە ۇسىنا باستادى. «ەل ارنا» تەلەارناسى دا دامىپ، بيىل حابار تاراتۋدىڭ جاڭا ساتىسىنا كوتەرىلدى. تاعى ءبىر جاعىمدى جاڭالىق، قازاق تەلەۆيزياسى كورشى ەلدەردە دە كورسەتىلە باس­تادى. بۇل – وزگە مەملەكەتتەردە تۇرىپ جاتقان قانداستارىمىز ءۇشىن قولعا الىنعان شارا. ۇزاق جۇرگىزىلگەن كەلىسسوزدەر ءناتي­جەسىندە رەسەيلىك سپۋتنيكتىك جانە كابەلدىك وپەراتورلار ءوز جەلىلەرى ارقىلى ءبىزدىڭ ارنالاردى كورسەتە باستايدى. بيىل ءساۋىر ايىنان باستاپ رەسەيدىڭ «مۋلت» اتتى بالالار ارناسىندا مەملەكەتتىك تىلدەگى قازاقستاندىق ونىمدەر بەرىلۋدە، – دەدى د.اباەۆ.

بۇدان كەيىن مينيستر وتان­دىق تەلەحيكايالاردى دامىتۋ جۇمىستارىنا توقتالدى. ونىڭ ايتۋىنشا، وتكەن جىلى مەملەكەتتىك تاپسىرىس اياسىندا 46 تەلەسەريال تۇسىرىلسە، بيىل 43 سەريال كورەرمەنگە جول تارتقان. سونداي-اق تسيفرلىق تەلەراديوحابارلاردى تاراتۋعا كوشۋ جۇمىستارى كەزەڭ-كەزەڭىمەن ىسكە اسىرىلىپ، بۇگىندە ماڭعىستاۋ، تۇركىستان، جامبىل وبلىستارى جانە شىمكەنت قالاسى تولىق تسيفرلىق جۇيەدە جۇمىس ىستەپ جاتىر ەكەن. ال بيىل الماتى وبلىسى، پاۆلودار مەن قوستاناي ايماقتارى تسيفرلىق حابار تاراتۋعا اۋىسپاق. جالپى، بۇل باعىتتاعى جۇمىستار جوسپار بويىنشا 2021 جىلى اياقتالادى.

سونىمەن قاتار اقپارات جانە قوعامدىق دامۋ ءمينيسترى «اشىق ۇكىمەت» پورتالىن دامىتۋ مەن قاجەتتى ءنورماتيۆتى-قۇقىقتىق بازاسىن قالىپتاستىرۋ بويىنشا دا ىرگەلى ىستەر اتقارىلعانىن اتاپ ءوتتى. ماسەلەن، وتكەن جىلى وسى جۇمىستاردىڭ ناتيجەسى بويىنشا مەملەكەتتىك ورگانداردىڭ اشىق دەرەكتەرىنىڭ وزەكتىلىگىن تولىق 97 پايىزعا جەتكىزىپتى. مينيسترلىك جەرگىلىكتى اتقارۋشى ورگاندار بويىنشا اشىقتىقتىڭ ۇزدىك ۇلگىسىن دايىنداپ جاتىر ەكەن. بۇل ماسەلەدە ۇكىمەتتىك ەمەس سەكتور ۇلكەن كومەك كورسەتىپ وتىر.

اشىقتىق تۋرالى ءسوز قوز­عالعاندا مينيستر ازاماتتىق قوعام قالىپتاستىرۋ تۋراسىندا ءوز ويىن ءوربىتتى. ونىڭ ايتۋىنشا، مەملەكەت پەن ازاماتتىق قوعام اراسىنداعى ديالوگتى نىعايتۋدا ۇكىمەتتىك ەمەس ۇيىمدارمەن ءوزارا ءىس-قيمىل بويىنشا ۇيلەستىرۋ كەڭەسى قۇرىلعان. وتكەن جىلى قاراشا ايىندا ازاماتتىق فورۋم وتكىزىلدى. بۇگىندە رەسپۋبليكادا 229 قوعامدىق كەڭەس جۇمىس ىستەيدى. بۇلار ەكى جىلدا 12 مىڭنان اسا ۇەۇ جوبالارىن قاراپ، قوعامدىق تىڭداۋلار ۇيىم­داستىردى. بۇعان قوسا، د.اباەۆ مەملەكەت باس­شىسىنىڭ تاپسىر­ماسىنا سايكەس 2025 جىلعا دەيىن ازا­ماتتىق قوعامدىق دامىتۋ تۇجى­رىمداماسى ازىرلەنەتىنىن مالىمدەدى.

سونىمەن قاتار مينيستر 2020 جىلى ەرىكتىلەر جىلىن وتكىزۋگە دايىندىق قىزۋ جۇرگىزىلەتىنىن، ۆولونتەرلىكتى دامىتۋ اياسىندا 2018-2020 جىلدارعا ارنالعان جول كارتاسى جۇزەگە اسىرىلىپ جات­قانىن حابارلادى. بيىل ءساۋىر ايىندا ەرىكتىلەردىڭ قىزمەتىن ءۇي­لەستىرۋگە مۇمكىندىك بەرەتىن qazvolunteer.kz ونلاين-تۇعىرناما ىسكە قوسىلعان.

– ەلباسىنىڭ بەلگىلەپ بەرگەن ستراتەگيالىق باعىتىن جالعاس­تىرىپ، قوعامدىق سانانىڭ جاڭ­عى­رۋىنا جول اشۋ جۇمىسى توقتا­مايدى. بيىل باعدارلاماعا 2 جىل تولدى. وسى ۋاقىت ارالىعىندا ينستيتۋتسيونالدىق نىعايتۋ، ادىستەمەلىك قامتاماسىز ەتۋ، جاڭا جوبالاردىڭ تولىعۋى مەن مازمۇننىڭ ارتۋى باعىتىندا بىرقاتار جۇمىس اتقارىلدى. باعدارلاما اياسىندا 62 مىڭنان اسا ءىس-شارا جۇزەگە اسىرىلدى. 
2 جىلدىڭ ىشىندە «قازاقستانداعى 100 جاڭا ەسىم» جوباسىندا بۇكىلحالىقتىق ونلاين دا­ۋىس بەرۋ ارقىلى 131 جەڭىمپاز انىقتالدى. ول ازاماتتار وسكەلەڭ ۇرپاققا ۇلگى بولا ءبىلدى. بيىل جوبانىڭ ءۇشىنشى كەزەڭى باستالادى. «تۋعان جەر» جوباسىنىڭ اياسىندا 2018 جىلى ەلدەگى 2 مىڭنان اسا مەتسەناتتىڭ جۇمىلۋىمەن 
2 199 جوبا جۇزەگە استى. جالپى سوماسى 109 ملرد تەڭگەنى قۇرايتىن ءىس-شارالار وتكىزىلدى. سونىمەن قاتار 27 مەكتەپ، 115 بالاباقشا، 154 مادەني نىسان، 41 دەنساۋلىق ساقتاۋ جانە 284 سپورت نىسانى سالىندى، – دەدى د.اباەۆ.

مينيستر ءدىني سالاداعى تۇراق­تى­لىقتى قامتاماسىز ەتۋ جانە ەكسترەميزم مەن راديكاليزمنىڭ تارالۋىنىڭ الدىن الۋ ماسەلەلەرى بويىنشا ءسوز قوزعادى. وسى با­عىتتا نۇر-سۇلتان، الماتى جانە اتىراۋ قالالارىندا دەس­ترۋك­تيۆتى ءدىني اعىمداردىڭ ىقپالىنا ۇشىراعان ادامداردى تەرىس جولدان قايتارۋ ءۇشىن جۇمىس ىستەيتىن ءدىني وكىلدەردى دايارلاۋ كۋرستارى ءوتتى. بۇدان 190 يمام مەن تەولوگ وتكەن. بۇل رەتتە ول ۇلتتىق قاۋىپسىزدىك ورگاندارى «جۋسان» گۋمانيتارلىق وپەراتسياسىنىڭ 3 كەزەڭىن ءساتتى وتكىزگەنىن، ونىڭ شەڭبەرىندە قاقتىعىس ايماعىنان قازاقستانعا 524 ازامات (137 ايەل مەن 357 بالا) ورالعانىن ايتتى.

ەتنوسارالىق كەلىسىم مەن دياسپورالىق ساياسات سالاسى بويىنشا 2018 جىلى «قازاقستان حالقى اسسامبلەياسى تۋرالى» زاڭ­عا وزگەرتۋلەر ەنگىزىلىپ، ونىڭ ءجۇ­زەگە اسىرۋدىڭ جوسپارى پى­سىق­تالدى. اسسامبلەيا­نىڭ 2025 جىلعا دەيىن دامى­تۋ­دىڭ تۇجىرىمداماسى بەكىتىلدى. بۇل قۇ­جاتتاعى نە­گىزگى باعىتتاردىڭ ءبىرى – وتان­داستارىمىزبەن قارىم-قاتى­ناسىمىزدى كۇشەيتىپ، شەتەلدەگى قازاق دياسپوراسىن قولداۋعا با­سىمدىق بەرۋ. وسى جۇمىستى ۇيىمداستىرۋ ماقساتىندا ەلبا­سىنىڭ تىكەلەي تاپسىرماسى­مەن 2017 جىلى «وتانداستار قورى» قۇرىلعان. مينيس­تر­لىك اتال­عان قورمەن بىرلە­سىپ، قازاق دياسپورالارىمەن ءما­دە­ني-گۋمانيتارلىق باي­لانىستى نىعايتىپ، ءبىلىم بەرۋ، انا ءتىلىن ەستەن شىعارماۋ با­­عىت­تارى بو­يىنشا كەشەندى جۇمىس­تاردى قولعا العان.

داۋرەن اباەۆ بايانداماسىنىڭ سوڭىندا جاستار جىلىنا ارنايى توقتالىپ، مينيسترلىك جاستارعا ارنالعان ارەندالىق باسپانا بەرۋ ەرەجەلەرىن ازىرلەگەنىن، ول 1 تامىزعا دەيىن بەكىتىلەتىنىن ايتتى. سونداي-اق جاستاردىڭ كاسىپكەرلىك باستامالارىن قولداۋ ءۇشىن «جاس كاسىپكەر» جوباسى دا­يىندالدى.

ەسەپ بەرۋ كەزدەسۋىنەن كەيىن مينيستر باق وكىلدەرىنە ارناپ بريفينگ وتكىزدى.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار