اسقار جۇماعاليەۆ 2018 جىلى Astana Hub حالىقارالىق تەحنوپاركى اشىلعان ساتتەن بەرى اT-ستارتاپتارعا جالپى كولەمى 29 ملرد تەڭگەگە جۋىق ينۆەستيتسيا تارتىلعانىن جەتكىزدى.
Astana Hub تەحنوپاركىندەگى جۇمىس كولەمىنىڭ ارتۋى باعدارلامالاردىڭ ينۆەستيتسيالىق تارتىمدىلىعى مەن جوعارى قىزىعۋشىلىققا يە ەكەنىن دالەلدەيدى. بۇگىنگى كۇنى تەحنوپارك 100%-عا تولىق, 260-تان استام جوبا, ياعني 1000-نان استام ادام ينكۋباتسيا جانە اكسەلەراتسيا باعدارلامالارىنان وتكەن.
ستارتاپتاردى ءارى قاراي زەرتتەۋ جانە ءبىلىم بەرۋ جاعىنان قولداۋ كورسەتۋ ءۇشىن تەحنوپاركتە CISCO, IBM, Huawei, Intellisense سياقتى كومپانيالاردىڭ 16 R&D-ورتالىق اشىلدى. بۇل ورتالىقتاردا كەڭەس بەرۋ, تەحنيكالىق ساراپتاما جۇرگىزۋ, ارنايى جابدىقتار مەن باعدارلامالىق قامتاماسىز ەتۋلەر قولجەتىمدى. جاڭاشىل قىزمەتكەرلەر ءۇشىن تۇراقتى نەگىزدە ءبىلىم بەرۋ ءىس-شارالارى وتكىزىلىپ تۇرادى. ۇيىمداستىرىلعان 122 كەزدەسۋگە 2500-گە جۋىق تىڭداۋشى قاتىسقان.
ەلىمىزدە ىسكە اسىرىلىپ جاتقان يننوۆاتسيالىق ەكوجۇيەنىڭ ماڭىزدى دامۋ قۇراۋىشى - ۆەنچۋرلىق قارجىلاندىرۋ تۋرالى زاڭ. وندا ۆەنچۋرلىق قورلاردى مەملەكەتپەن بىرلەسىپ قارجىلاندىرۋ ارقىلى قولداۋ كورسەتۋ كوزدەلگەن. وسى زاڭ اياسىندا «QazAngels» بيزنەس كلۋبى مەن جاقىندا ەكى ۆەنچۋرلىق قوردى ىسكە قوسۋدى جوسپارلاپ وتىرعان «QazTechVentures» سياقتى قولداۋ ينستيتۋتىن قۇرۋعا مۇمكىندىك بەردى. بۇل رەتتە بۇل ينۆەستيتسيالار بۇگىنگى كۇنى «استانا» حالىقارالىق قارجى ورتالىعىنىڭ يۋريسديكتسياسىندا راسىمدەلە الادى جانە تاۋەكەلدىك ينۆەستيتسيالار سالاسى ءۇشىن «التىن» ستاندارت بولىپ تابىلاتىن اعىلشىن قۇقىعى پرينتسيپتەرىمەن رەتتەلە الادى.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بۇگىنگى تاڭدا جەرگىلىكتى بيلىكتىڭ قولداۋىمەن ەلىمىزدىڭ ايماقتارىندا ات-حابتار اشىلىپ جاتقانىن ايتتى.
«ەلورداداعى ەكوجۇيەنىڭ دامۋ ديناميكاسىن ەسكەرە وتىرىپ, ءبىز قازاقستان وڭىرلەرىنە ستارتاپتارمەن جۇمىس تاجىريبەسىن جەتكىزۋ ءۇشىن جۇمىستار اتقارۋدى جوسپارلاپ وتىرمىز», — دەدى ا. جۇماعاليەۆ.
Astana Hub حالىقارالىق تەحنولوگيالىق پاركىنىڭ باس ديرەكتورى دجوزەف تسيگلەر Astana Hub اشىلعان ساتتەن بەرى start-up ەكوجۇيەلەر سالۋدا بەلگىلى ءبىر تابىسقا قول جەتكىزىلگەنىن اتاپ ءوتتى. وتكەن جىلى Astana Hub بازاسىندا 500-دەن استام ءىس-شارا وتكىزىلگەن, ولارعا 20 000 ادام كەلگەن ەلىمىزدەگى №1 ات-ورتالىق بولدى.
ءوز كەزەگىندە, پاۆلودار وبلىسىنىڭ اكىمى ب. باقاۋوۆ وڭىرلىك يننوۆاتسيالىق جۇيەنى دامىتۋ تۋرالى ايتىپ بەردى. وبلىستا ات سالاداعى ەكوجۇيەنى قۇرۋدىڭ قولايلى جاعدايلارى جاسالعان. س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ حالىقارالىق ستارتاپ اكادەمياسى, پاۆلودار وڭىرلىك عىلىمي-تەحنولوگيالىق ورتالىعى, ات ورتالىق جانە جاستار باستامالارىن دامىتۋ ورتالىعىنىڭ روبوتتى تەحنيكا كابينەتى, س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ات Hub سەكىلدى ءبىلىم بەرۋ الاڭدارىندا كاسىپكەرلىك نەگىزدەرىنە وقىعان جاس ستارتاپشىلار ءوڭىردىڭ يننوۆاتسيالىق بەلسەندىلىگىن ارتتىرۋعا ءوز ۇلەستەرىن قوسۋدا.
