پرەزيدەنت قاسىم-جومارت توقاەۆ ءوزىنىڭ سايلاۋالدى باعدارلاماسىن ىسكە اسىرۋ بويىنشا ءىس-شارالاردىڭ ناقتى جوسپارىن قابىلدادى. ۇكىمەت وزەكتى الەۋمەتتىك ماسەلەلەردى شەشۋ شارالارىن ازىرلەدى. پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ پەن پرەمەر-ءمينيستردىڭ ورىنباسارى ج. قاسىمبەك بايانداما جاسادى.
«ازاماتتاردىڭ ءال-اۋقاتىن ارتتىرۋ – ۇكىمەت جۇمىسىنىڭ ءبىرىنشى كەزەكتى ماقساتى», دەپ اسقار مامين, بارلىق مەملەكەتتىك ورگاندارعا پرەزيدەنتتىڭ سايلاۋالدى باعدارلاماسىنىڭ ءىس-قيمىل جوسپارىنىڭ مىندەتتەرىن شەشۋگە جاۋاپكەرشىلىكپەن قاراۋدى تاپسىردى. ءىس-قيمىل جوسپارىن ۋاقىتىلى ءارى ساپالى ورىنداۋ ازاماتتاردىڭ ءال-اۋقاتىن قامتاماسىز ەتىپ, الەۋمەتتىك ماسەلەلەردى شەشۋگە مۇمكىندىك بەرەدى.
ۇكىمەتتىڭ جوسپاردى ورىنداۋ جونىندەگى جۇمىسى سايلاۋالدى ناۋقانىنىڭ قاعيدالارىنا جاۋاپ بەرەدى: ساباقتاستىق, ادىلدىك, ورلەۋ. «ساباقتاستىق» قاعيداتى اياسىندا ۇكىمەت جۇمىسى ەلىمىزدىڭ دامۋىنىڭ جاڭا كەزەڭىندە ەلباسى باعدارىن ءتيىمدى جالعاستىرۋعا باعىتتالادى, بۇل: 2050 جىلعا دەيىنگى ستراتەگيانى, «100 ناقتى قادام» ۇلت جوسپارىن, ەلباسىنىڭ الەۋمەتتىك باستامالارىن ورىنداۋ, سونداي-اق, قوعامدىق كەلىسىمدى قامتاماسىز ەتۋ جانە جالپىۇلتتىق بىرلىك تەتىكتەرىن نىعايتۋ.
«ادىلدىك» قاعيداسى سوت جۇيەسىن ودان ءارى جەتىلدىرۋ, قوعامدىق قاۋىپسىزدىكتى ارتتىرۋ, بارلىق دەڭگەيدە جەمقورلىقتى ءتۇپ-تامىرىمەن جويۋ ارقىلى قامتاماسىز ەتىلەدى. بۇدان وزگە, الەۋمەتتىك قامسىزداندىرۋدىڭ ءتيىمدى جۇيەسى, حالىققا ءبىلىم بەرۋدىڭ زاماناۋي ستاندارتتارى ەنگىزىلەدى, مەديتسينالىق قىزمەتتەردىڭ ساپاسى مەن قولجەتىمدىلىگى ارتادى, ساپالى جۇمىس ورىندارىن قۇرۋ شارالارى قابىلدانادى.
«ورلەۋ» قاعيداتى اياسىندا حالىقتىڭ ءال-اۋقاتى ودان ءارى جاقسارتىلادى, اۋىلداردى دامىتۋ, بيزنەستى قولداۋ, ەكولوگيالىق جاعدايدى جاقسارتۋ, قارجى جۇيەسىنىڭ تيىمدىلىگىن ارتتىرۋ شارالارى قامتاماسىز ەتىلەدى. ورلەۋدىڭ قوزعاۋشى كۇشىنە اينالۋى ءتيىستى, ەلدىڭ دامۋىنداعى جاستاردىڭ ءرولىن ارتتىرۋعا ەرەكشە كوڭىل بولىنەدى.
«ءبىز, اسىرەسە الەۋمەتتىك سيپاتتاعى ماسەلەلەردى شەشۋدە بەلسەندى پوزيتسيانى ۇستانۋىمىز كەرەك, دەپ ا. مامين, مەملەكەت باسشىسى العا قويعان مىندەتتەردى حالىقپەن بىرلەسە ىسكە اسىرۋدى تاپسىردى. — مەملەكەتتىڭ بارلىق الەۋمەتتىك مىندەتتەمەلەرى مۇلتىكسىز جانە تولىق كولەمدە ورىندالۋى ءتيىس».
ۇكىمەت باسشىسى مەملەكەتتىك ورگاندارعا ساراپشىلار قاۋىمداستىعىن تارتا وتىرىپ, ناقتى ناتيجەگە قول جەتكىزۋگە باعىتتالعان ناقتى شارالار جوسپارىن ازىرلەۋدى تاپسىردى.
