«بۇگىن تۇركىستان وبلىسىنىڭ ارىس قالاسىندا ورنالاسقان اسكەري ءبولىمنىڭ اۋماعىندا جارىلىس بولدى. مەملەكەت باسشىسى قاسىم-جومارت توقاەۆ توتەنشە جاعدايدىڭ زارداپتارىن جويىپ, جارىلىستىڭ سەبەپتەرىن انىقتاۋ جانە تۇرعىنداردىڭ قاۋىپسىزدىگىن قامتاماسىز ەتۋ جونىندە شۇعىل شارالار قابىلداۋدى تاپسىردى. وڭىردە وبلىس اكىمى, پارتيامىزدىڭ ايماقتىق فيليالىنىڭ توراعاسى ومىرزاق شوكەەۆ جەتەكشىلىك ەتەتىن جەدەل شتاب قۇرىلدى», - دەلىنگەن جازبادا.
سونداي-اق ماۋلەن اشىمباەۆ بۇل وقيعا بويىنشا «Nur Otan» پارتياسىنىڭ بەلسەندى ارەكەتىن اتاپ وتكەن. «قازىرگى تاڭدا «Nur Otan» پارتياسىنىڭ ايماقتىق جانە اۋماقتىق فيليالدارىنىڭ وكىلدەرى تۇرعىنداردى قاۋىپسىز جەرگە كوشىرىپ, ورنالاستىرۋ جۇمىستارىنا بەلسەندى قاتىسۋدا. جەرگىلىكتى جەردە پارتيامىزدىڭ وبلىستىق فيليالىنىڭ باسشىلىعى اكىمدىكپەن جانە توتەنشە جاعدايلار دەپارتامەنتىمەن بىرلەسىپ وقيعاعا قاتىستى ماسەلەلەردى شەشۋ جۇمىستارىن جۇرگىزۋدە», - دەيدى پارتيا توراعاسىنىڭ ءبىرىنشى ورىنباسارى.
سونىمەن قاتار ول پارتيانىڭ ارىس تۇرعىندارىنا قاجەتتى بارلىق كومەك شارالارىن قولعا الاتىنىن تىلگە تيەك ەتەدى. «ءبىزدىڭ پارتيا ارىس قالاسىنىڭ تۇرعىندارىنا قاجەتتى بارلىق كومەك شارالارىن قولعا الادى. ازىق-ت ۇلىكپەن جانە كيىم-كەشەكپەن قامتاماسىز ەتۋدەن باستاپ, ولاردىڭ ۋاقىتشا ورنالاسۋلارىنا, الداعى ۋاقىتتا ەلدى مەكەننىڭ ينفراقۇرىلىمىن قالپىنا كەلتىرۋگە دەيىنگى جۇمىستارعا تىكەلەي اتسالىسامىز. بۇگىننەن باستاپ پارتيامىزدىڭ تۇركىستان وبلىستىق فيليالى گۋمانيتارلىق كومەك جيناۋ جۇمىستارىن قولعا الدى. بۇل جۇمىسقا پارتيامىزبەن بىرگە ەلىمىزدەگى بارلىق باستاۋىش پارتيا ۇيىمدارىنىڭ وكىلدەرى دە جۇمىلدىرىلادى. الدىمەن ارىس قالاسىنىڭ ءار تۇرعىنىنىڭ قاۋىپسىزدىگىن قامتاماسىز ەتىپ, كەيىن جەدەل تۇردە ورىن العان وقيعانىڭ سەبەپ-سالدارىن انىقتاۋ قاجەت دەپ ەسەپتەيمىن. ءبىزدىڭ پارتيا بۇل ءىس بويىنشا تەرگەۋدىڭ اشىق ءارى ءادىل جۇرگىزىلۋىن تالاپ ەتەدى», دەدى ماۋلەن اشىمباەۆ.
