ونىڭ ايتۋىنشا, بۇگىنگى تاڭدا ەڭبەك مينيسترلىگىندەگى 38 مەملەكەتتىك قىزمەتتە 12-ءسى ەلەكتروندىق فورماتتا, 3-ەۋى بەلسەندى, 7 قىزمەت كومپوزيتتى, كەشەندى تۇردە كورسەتىلەدى. ماسەلەن, بالا تۋىنا بايلانىستى جاردەماقى تاعايىنداۋ بويىنشا قىزمەتتەر ءوتىنىشسىز نەمەسە بەلسەندى كورسەتىلەدى. بارلىق زەينەتاقى تولەمدەرى ءبىر ءوتىنىش بويىنشا كەشەندى ءارى كومپوزيتتى تاعايىندالادى.
ۆەدومستۆو باسشىسى: «ەلباسى قازاقستان حالقىنا جولداۋىندا ەلەكتروندى مەملەكەتتىك قىزمەتتەردىڭ ۇلەسىن 2019 جىلى 80%-عا, 2020 جىلى 90%-عا جەتكىزۋدى مىندەتتەدى. 2019 جىلى ەلەكتروندىق جانە بەلسەندى فورماتقا الەۋمەتتىك-ەڭبەك سالاسىنىڭ تاعى 22 مەملەكەتتىك قىزمەتى كوشىرىلەدى», دەپ اتاپ ءوتتى.
ەڭبەك سالاسىندا ازاماتتاردىڭ ەڭبەك قۇقىقتارىن قورعاۋعا ىقپال ەتەتىن ەلەكتروندىق ەڭبەك شارتتارى جۇيەسىن ەنگىزۋ جونىندەگى تسيفرلىق جوبانى ىسكە اسىرۋ جالعاسادى.
ساندۋعاش مارالباي,
جۋرناليستيكا فاكۋلتەتىنىڭ ستۋدەنتى
