– «2018 جىلى ەكونوميكالىق ءوسىم 4,1 پايىزدى قۇراپ, الدىڭعى جىلدىڭ دەڭگەيىن قايتالادى. بيىلعى 5 ايدىڭ قورىتىندىسى بويىنشا جالپى ءوسۋ 4 پايىزدى قۇرادى. مينيسترلىكتىڭ بيىلعى العا قويعان ەڭ ماڭىزدى ءۇش باعىتى بار. ولار – ەلدەگى كاسىپكەرلىكتى دامىتۋ, باعالار مەن تاريفتەر جانە وڭىرلەردى دامىتۋ», – دەدى ر.دالەنوۆ.
ء مينيستردىڭ ايتۋىنشا, 2020 جىلعى 1 قاڭتاردان باستاپ 1 334 اۋىلدا جەرگىلىكتى ءوزىن ءوزى باسقارۋ ء(جوب) بيۋدجەتىنىڭ 4-ءشى دەڭگەيىن ەنگىزۋ جوسپارلانعان. ءجوب بيۋدجەتىنىڭ باستى ەرەكشەلىگى – جەرگىلىكتى ماسەلەلەردى شەشۋگە 7,6 ملن ازاماتتىڭ قاتىسۋى.
ەلىمىزدەگى وڭىرلىك ساياسات حالىقتىڭ تۇرىپ جاتقان جەرىنە قاراماستان باسەكەگە قابىلەتتىلىگى مەن تۇرمىس ساپاسىن ارتتىرۋعا باعىتتالعان. وڭىرلەردى دامىتۋ مەملەكەتتىك باعدارلاماسىن 2020 جىلعا دەيىن ىسكە اسىرۋدىڭ قورىتىندىسى بويىنشا ۋربانيزاتسيا دەڭگەيى 58 پايىزعا جەتتى. بۇل 2017 جىلمەن سالىستىرعاندا 0,8 پايىزعا ارتىق. 2018 جىلى قالالارعا سۋ تارتۋ 94,5 پايىزعا, اۋىلدارعا سۋ جەتكىزۋ شامامەن 60 پايىزعا ۇلعايدى, – دەدى مينيستر ءوز سوزىندە.
جيىندا ەلىمىز اۋماعى ارقىلى وتەتىن ينتەرنەت-سالەمدەمە ءترانزيتىن 6 ەسەگە ۇلعايتۋ مۇمكىندىگى بار ەكەندىگى ايتىلدى.
«تاياۋ 5 جىلدىڭ ىشىندە ەلەكتروندى ساۋدا اينالىمىنىڭ كولەمى 1 ترلن دوللارعا ارتۋعا ءتيىس. ءبىز ەۋروپا مەن قىتاي ورتاسىندا – تۇتىنۋشى مەن سالەمدەمەلەردى جونەلتۋشىلەردىڭ اراسىندا وتە ءتيىمدى جەردە ورنالاسقانبىز. سوندىقتان كولىك لەگىن قازاقستان ارقىلى جونەلتۋدىڭ كەلەشەگى ۇلكەن. ول ءۇشىن بارلىق ينفراقۇرىلىم بار. مۇنداي سالەمدەمەلەردى راسىمدەۋ ءۇشىن بارلىق كەدەندىك تۇزەتۋلەر ەنگىزىلگەن. ءبىز تاياۋ جىلدارى قازاقستان ارقىلى ينتەرنەت-سالەمدەمە ءترانزيتىن 6 ەسەگە ۇلعايتۋعا بولادى دەپ ەسەپتەيمىز», دەدى مينيستر.
ءمينيستردىڭ ايتۋىنشا, ونلاين-ساۋدانى ىنتالاندىرۋ ءۇشىن ينتەرنەتتە ەلەكتروندى ءادىس ارقىلى ساۋدا جاسايتىندارعا تابىس سالىعى مەن كورپوراتيۆتىك تابىس سالىعى بىرنەشە جىلعا الىنىپ تاستالعان. ەكسپورتقا ارنالعان تاۋارلاردى دەكلاراتسيالاۋ دا جەڭىلدەتىلگەن. الداعى ۋاقىتتا ينتەرنەت ارقىلى ساتىپ الىناتىن پوشتا قۇجاتتارى نەمەسە سالەمدەمەلەر كوتەرمە راسىمدەلۋى مۇمكىن. ەندى پوشتا قۇجاتتارى دەكلاراتسيا رەتىندە تانىلادى. ەلەكتروندى ساۋدا وتە قارقىندى دامىپ كەلەدى جانە بارىنشا ءتيىمدى سەكتور سانالادى, – دەدى ر.دالەنوۆ.
مينيسترلىكتىڭ مالىمەتىنشە, ەلىمىزدە تۇتىنۋشىلاردىڭ قۇقىعىن قورعاۋ ينستيتۋتى كۇشەيتىلۋدە. ەلەكتروندى ساۋداداعى ساتىپ الۋشى كادىمگى ساۋداداعىداي قورعالادى. سونىڭ ءناتيجەسىندە بىلتىر ونىڭ بولشەك ساۋداداعى ۇلەسى 1,9-دان 2,9 پايىزعا نەمەسە 92 ملرد تەڭگەگە ۇلعايىپتى.
وسى جيىننان كەيىن ورتالىق كوممۋنيكاتسيالار قىزمەتىندە ءباسپاسوز كونفەرەنتسياسى ءوتتى. ۇلتتىق ەكونوميكا ءمينيسترى ءباسپاسوز ءماسليحاتىندا اۋىلداردى دامىتۋعا قاتىستى «ديپلوممەن اۋىلعا!» باعدارلاماسىنا دەگەن سۇرانىس جىل سايىن ارتىپ كەلە جاتقاندىعىن مالىمدەدى.
ءبىزدىڭ مينيسترلىك «ديپلوممەن اۋىلعا!» باعدارلاماسىنىڭ اكىمشىسى بولىپ تابىلادى. جىل سايىن وسى باعدارلاما ارقىلى 5 مىڭ ازامات كومەك الادى, دەدى مينيستر.
ر.دالەنوۆتىڭ ايتۋىنشا, باعدارلاماعا قاتىسۋعا ءوتىنىش ءجيى كەلىپ جاتىر. سوعان سايكەس, بيىلعى جىلى بيۋدجەت قاراجاتى كەپىلگە قويىلىپ, 5 مىڭعا جۋىق ادام «ديپلوممەن اۋىلعا!» باعدارلاماسىن پايدالانا الادى.
مينيستر الداعى حالىق ساناعىنا دا توقتالىپ, ناۋقاندا پايدالانىلاتىن پلانشەتتەر مەكتەپتەرگە بەرىلەتىندىگىن جەتكىزدى.
– حالىق ساناعى كەلەسى جىلى بولادى, وعان جالپى سوماسى 9 ملرد تەڭگە جۇمساۋ جوسپارلانۋدا. ەگەر 10 جىل بۇرىنعى حالىق ساناعىمەن سالىستىرار بولساق, شىعىستار سوماسى ءبىرشاما تومەن. نەگىزگى قاراجات اقپاراتتىق جۇيەگە ءجانە قۇرال-جابدىقتار مەن ساناقتى وتكىزۋگە قاجەتتى پلانشەتتەر ساتىپ الۋعا جۇمسالادى. قاعاز ساتىپ الىنبايدى. ساتىپ الىنسا دا وتە از, بلانكىنىڭ ءوزى ەلەكتروندى تۇردە بولادى, – دەدى ول.
وسى رەتتە مينيستر ساناق جۇرگىزۋگە الىناتىن پلانشەتتەر كىمدەرگە بەرىلەتىنىنە تاعى دا توقتالدى. «پلانشەتتەر كوميتەت (ستاتيستيكا كوميتەتى) جۇمىسىنا پايدالانۋعا بەرىلەدى. سونىمەن قاتار ولاردىڭ باسىم بولىگى ءبىلىم جانە عىلىم مينيسترلىگى جۇيەسىنە, ياعني مەكتەپتەرگە بەرىلەدى. سوندىقتان ساناق جۇرگىزۋگە ساتىپ الىناتىن قۇرال-جابدىقتار كەيىن دە كادەگە جارايدى», دەدى مينيستر.
