كىتاپحاناشىلاردى تولعاندىرعان ماسەلەلەردى تىڭداۋعا قر مادەنيەت جانە سپورت مينيسترلىگى جاۋاپتى حاتشىسىنىڭ مىندەتىن اتقارۋشى, زاڭ دەپارتامەنتىنىڭ ديرەكتورى كۇمىس سەيىتوۆا ارنايى قاتىسىپ, زاماناۋي كىتاپحانالار تالاپتارىن تىڭدادى.
شارانى جۇرگىزگەن ۇلتتىق كىتاپxاناسىنىڭ ديرەكتورى باقىتجامال وسپانوۆا ەلىمىزدەگى كىتاپxانا ءىسىنىڭ جاعدايى تۋرالى بايانداما وقىدى. كوپ سالالى, كوپ دەڭگەيلى الەۋمەتتىك ينستيتۋت رەتىندە قازاقستان كىتاپحانالارىنىڭ مەملەكەت ومىرىندەگى رولىنە توقتالعان ديرەكتور مەملەكەتتىك باعدارلامالاردى جۇزەگە اسىرۋداعى بىرقاتار شارالاردى اتاپ ءوتتى. بۇگىندە رەسپۋبليكا بويىنشا كىتاپحانالاردىڭ سانى 11 مىڭنان اسادى. جالپى كىتاپحانا قورى– 333 ملن. 218 مىڭ 902. وقىرماندار سانى – 8 ملن. 627 مىڭ 524 بولسا, كىتاپحانا ماماندارىنىڭ سانى – 19 مىڭنان اسادى. قازىرگى زامانعى كىتاپحانالارداعى جاعدايدى ساراپتاي كەلە باقىتجامال وسپانوۆا ەلىمىزدىڭ تاريحي-مادەني مۇراسىن ساقتاۋداعى جۇمىستاردىڭ جاندانىپ كەلە جاتقاندىعىن جەتكىزىپ, كىتاپحانالىق-اقپاراتتىق قىزمەتتە يننوۆاتسيالىق ادىستەردى ەنگىزۋ, وقىرمانداردى الەۋمەتتىك ماڭىزدى اقپاراتتارمەن قامتاماسىز ەتۋدىڭ زاماناۋي مۇمكىندىكتەرىنە توقتالدى.
مادەنيەت جانە سپورت مينيسترلىگى جاۋاپتى حاتشىسىنىڭ مىندەتىن اتقارۋشى, زاڭ دەپارتامەنتىنىڭ ديرەكتورى كۇمىس سەيىتوۆا وبلىس پەن جەتەكشى قالالاردان كەلگەن كىتاپxانا باسشىلارىنىڭ كوكەيكەستى سۇراقتارىنا جاۋاپ بەرىپ, الداعى ۋاقىتتا كىتاپxانا سالاسىن دامىتۋ ماقساتىندا قانداي ىستەر اتقارۋ كەرەكتىگىن تالقىلادى.
«كىتاپحاناشىلاردى تولعاندىرعان كوپتەگەن ماسەلەلەردى تالقىلاۋعا جينالىپ وتىرمىز» دەگەن ۇلتتىق كىتاپحانا ديرەكتورىنىڭ ورىنباسارى اجار يۋسۋپوۆا بۇگىندە كىتاپحانالار جۇمىسىن جاڭىرتۋ, بىرىڭعاي كىتاپحانا قاۋىمداستىعىنا بىرىگۋ, ەلەكتروندى كىتاپحانا قورىن تولىقتىرۋ ماقساتىندا تسيفرلاندىرۋدى دامىتۋ ماسەلەسىمەن قاتار بۇگىندە كىتاپحاناشى ماماندىعىنىڭ ەسكىرىپ بارا جاتقاندىعىن نەگىزگە الدى. قازىرگى كەزدە كىتاپحاناشىلاردىڭ دەنى 40-50 جاستان جوعارى ماماندار.سوندىقتان دا كىتاپحاناعا جاستاردى تارتۋ ماسەلەسى وتە وزەكتى. «بۇگىندە «مادەنيەت تۋرالى» زاڭعا وزگەرىستەر مەن تولىقتىرۋلار ەنگىزىلۋدە. سونىمەن قاتار كىتاپحانا ءىسىنىڭ تۇجىرىمداماسى ازىرلەنۋدە. وسى قۇجاتتا كىتاپحاناعا قاتىستى بارلىق ماسەلەلەر قامتىلعان. سالا قالاي داميدى, ستراتەگياسى, ماڭىزى مەن مىندەتتەرى بارلىعى وسى قۇجاتقا ەنگىزىلگەن. وسىعان بايلانىستى بىرقاتار وتىرىستار ءوتتى, كىتاپحانا ماماندارى ءوز ۇسىنىستارىن جەتكىزدى. بۇگىندە زاماناۋي كىتاپحانالاردىڭ تالاپتارى زامان تالابىنا قاراي وزگەرىپ كەلەدى, سوندىقتان دا كىتاپحانا كىتاپ قورى رەتىندە عانا ەمەس, الەۋمەتتىك سيپاتى باسىم ينستيتۋت باعىتىندا دامۋى قاجەت» دەپ اتاپ ءوتتى ءوز سوزىندە اجار حاميتقىزى.
«تسيفرلاندىرۋ قوعامىندا ءومىر ءسۇرىپ وتىرعاندىقتان كىتاپحانالار قاۋىمداستىعىنىڭ بىرىگىپ جۇمىس ىستەۋى ماڭىزدى. ءاربىر ايماق وزىندىك ەرەكشەلىكتەرىن, قۇندىلىقتارىن ساندىق نۇسقاعا اۋدارۋى كەرەك, ۇلى ەسىمدەردى انىقتاۋدا ساندىق جۇيەنىڭ ارتىقشىلىقتارىن پايدالانۋ كەرەك»,- دەيدى شىعىس قازاقستان وبلىستىق پۋشكين اتىنداعى كىتاپحانا ديرەكتورىنىڭ مىندەتىن اتقارۋشى بيبىگۇل شاگيەۆا. كىتاپحانا قىزمەتىن جەتىلدىرۋدە زاماناۋي تەحنولوگيالاردىڭ الەۋەتى زور ەكەندىگىن ايتقان بيبىگۇل شاگيەۆا ايماقتاردا كاسىبي سكانەرلەردىڭ جەتكىلىكسىزدىگىن العا تارتىپ, ۇيالى تەلەفوندار ارقىلى كىتاپحانا قىزمەتىن پايدالانۋ تەتىكتەرىن جەتىلدىرۋدىڭ, ياعني ونلاين كىتاپحانالاردى دامىتۋ ماسەلەسىن, سونىمەن «كىتاپحانا استاناسى» جوباسىن جاڭعىرتۋ جۇمىستارىن جولعا قويۋ تۋرالى ۇسىنىسىن ءبىلدىردى.
ال باتىس قازاقستان وبلىستىق بالالار جانە جاسوسپىرىمدەر كىتاپحاناسىنىڭ ديرەكتورى زىۆايدا وتەشوۆا بۇگىندە بالالارعا قاجەتتى كىتاپتاردىڭ جەتكىلىكسىز ەكەندىگىن ايتادى. اۋدارما كىتاپتاردىڭ ايماقتارعا جەتۋى مەن ساپاسىنا الاڭداۋشىلىعىن بىلدىرگەن كىتاپحانا مامانى بالالار ءۇشىن قازاق تىلىندە قيال-عاجايىپ, عىلىمي-كوپشىلىك كىتاپتارعا سۇرانىس جوعارى دەيدى.
كەزدەسۋدە كىتاپحانا ءىسى سالاسىنداعى قۇقىقتىق ماسەلەلەر, قازاقستاندىق كىتاپحانالىق وداق قىزمەتىن ۇيىمداستىرۋ, كاسىبي كىتاپحانالىق ءبىلىم بەرۋ جانە كىتاپحانا كادرلارىن سەرتيفيكاتتاۋ ورتالىعىن قۇرۋ پروبلەمالارى, «كىتاپ جانە كىتاپحانا» جۋرنالىنىڭ دامۋ پەرسپەكتيۆالارى, بالالار مەن جاسوسپىرىمدەر كىتاپxانالارىنىڭ, ءبىلىم جانە عىلىم كىتاپxانالارىنىڭ, WEB-RABIS جانە قازۇەك ماسەلەلەر بويىنشا باياندامالار وقىلىپ, ءوزارا پىكىر الماستى.
جيىن بارىسىندا قازاقستاندىق كىتاپxانالار وداعىنىڭ ءتورايىمى بولىپ ۇلتتىق كىتاپxاناسىنىڭ ديرەكتورى باقىتجامال وسپانوۆا تاعايىندالىپ, وداق قۇرامىن سايلادى. سونىمەن قاتار, «وقىرمانى وزىق ولكە» بايقاۋىندا 2018 جىلدىڭ قورتىندىسى بويىنشا س.مۇقانوۆ اتىنداعى سولتۇستىك قازاقستان وبلىستىق امبەباپ عىلىمي كىتاپxاناسى ۇزدىك تانىلىپ, ماراپاتتالدى.
شاراعا ۇلتتىق, رەسپۋبليكالىق كىتاپحانالاردىڭ, وبلىستىق امبەباپ, قالالار مەن اۋدانداردىڭ ورتالىقتاندىرىلعان كىتاپحانالار جۇيەلەرىنىڭ, بالالار جانە جاسوسپىرىمدەر كىتاپحانالارىنىڭ, جوو كىتاپحانالارىنىڭ جانە جوو كىتاپحانالارى قاۋىمداستىعىنىڭ, وڭىرلىك مادەنيەت باسقارمالارىنىڭ باسشىلارى, «اتامەكەن» ۇكپ وكىلدەرى جانە باق وكىلدەرى قاتىستى.
الماتى
