تاريح • 20 ماۋسىم، 2019

مۇستافا شوقاي مەن ءناجىپ فازىلعا ارنالعان حالىقارالىق سيمپوزيۋم باستالدى

216 رەتكورسەتىلدى

الماتىدا «رۋحاني جاڭعىرۋ» باعدارلاماسى اياسىندا جانە «جاستار جىلىنا» وراي تۇركى دۇنيەسىن زيالاندىرعاندار: «مۇستافا شوقاي – ءناجىپ فازىل» اتتى YI حالىقارالىق سيمپوزيۋم ءوز جۇمىسىن باستادى. جاس ۇرپاقتى ءتۇبى ءبىر تۇركى حالىقتارىنىڭ تۇتاستىعىن تۋ ەتكەن ءتالىمدى تۇلعالاردىڭ عيبراتتى عۇمىرىنان تاعىلىم الۋعا ۇندەيتىن ايتۋلى شارانى حالىقارالىق تۇركى اكادەمياسى مەن شەت تىلدەر جانە ىسكەرلىك كارەرا ۋنيۆەرسيتەتى بىرلەسە ۇيىمداستىرىپ وتىر.

ءومىرى ونەگەگە اينالعان قايراتكەر مۇستافا شوقاي مەن تانىمال تۇرىك اقىنى ءناجىپ فازىل قىساكۇرەكتى ۇندەستىرەتىن ورتاق مۇرات – تۇركى حالىقتارىنىڭ بىرلىگى. ۇيىمداستىرۋشىلار باسقوسۋدىڭ باستى ماقساتى مۇستافا مەن ءناجىپتىڭ  قايراتكەرلىك جولىن  كەيىنگىگە ۇلگى ەتە وتىرىپ، تامىرلاس جۇرتتاردىڭ عىلىم مەن مادەنيەت سالاسىنداعى ىنتىماقتاستىعىن ارتتىرۋ ەكەنىن ايتادى. كونفەرەنتسيا جۇمىسىنا تۇركيا، قىرعىزستان، ءازىربايجان سەكىلدى  باۋىرلاس مەملەكەتتەردەن كەلگەن عالىمدار مەن زيالى قاۋىم وكىلدەرى قاتىستى.

حالىقارالىق تۇركى اكادەمياسىنىڭ پرەزيدەنتى دارحان قىدىرالى: «مۇستافا شوقاي ۇلى تۇركىستان يدەياسىن تۋ ەتكەن بولسا، ءناجىپ فازىل ۇلى شىعىس يدەياسىنىڭ كەڭگە قانات جايۋىن كوكسەدى. ەكەۋى دە ازاتتىق يدەياسىنا، ويانۋ يدەياسىنا شاقىردى. سول جولدا جان سالا كۇرەستى. ولاردىڭ تاعى ءبىر ۇقساستىعى ەكەۋى دە رۋحانياتتىڭ  جوعىن جوقتاپ،  مادەنيەت پەن عىلىمدى ورىستەتۋدى  مۇرات تۇتتى.  ءماريا شوقايدىڭ ەستەلىگىنەن مۇستافا فرانتسۋز، اعىلشىن، ورىس، تۇرىك تىلدەرىندەگى قۇران كىتابىن سالىستىرا وقىپ، ۇنەمى ىزدەنىس ۇستىندە جۇرگەنى، اسىرەسە يسلامعا كۇيە جاعىلىپ جاتقان تۇستا اراشا بولىپ ماقالا جازعانى ءمالىم. ءدىن مەن ءدىلدىڭ، ءتىل مەن ءداستۇردىڭ، تانىم مەن تاعىلىمنىڭ تەرەڭگە تامىر جايۋىن ماڭگىلىك مۇراتىنا بالاعان تولاعاي تۇلعانىڭ باعا جەتپەس مۇراسى ءالى دە تولىق اشىلعان جوق. ءالى دە زەرتتەۋدى قاجەت ەتەدى»،- دەپ – اتالعان سيمپوزيۋم جاس عالىمداردى وسى ماقساتتا جۇمىلدىراتىنىن جەتكىزدى.  شوقايتانۋشى عالىم ءوز سوزىندە، مۇستافاداي قايراتكەردىڭ تۇركيانىڭ ازاتتىق الۋىنا دا سۇبەلى ۇلەس قوسقانىن تىلگە تيەك ەتتى.

ءۇش كۇنگە جوسپارلانعان سيمپوزيۋم جۇمىسى «مۇستافا شوقاي: ۇلى تۇركىستان يدەياسى جانە اتقارعان ەڭبەكتەرى»، «ءناجىپ فازىل قىساكۇرەك جانە ۇلى شىعىس يدەياسى»، «مۇستافا شوقاي: ولەڭدەرى، شىعارمالارى جانە جاس تۇركىستان گازەتى»، «مۇستافا شوقاي تۋرالى جازىلعاندار جانە عىلىمي جۇمىستار» تاقىرىپتارىنداعى جەكەلەگەن سەكسيالاردا جالعاستى.

 – كەشەگى مۇستافا مەن ءناجىپتىڭ اسىل ارمانى اقيقاتقا اينالعانىن كورىپ وتىرمىز. ارقايسىسى ءوز الدىنا تاۋەلسىز مەملەكەت اتانعان باۋىرلاس ەلدەردىڭ جان-جاقتى ىنتىماقتاستىق قارىم-قاتىناستارى جىل وتكەن سايىن قارىشتاپ دامىپ كەلەدى. سونىڭ ءبىر دالەلى تۇركيا مەن قازاقستاندى تىعىز بايلانىستىراتىن ءبىزدىڭ ۋنيۆەرسيتەتىمىز. ءبىزدى قولداعان حالىقارالىق تۇركى اكادەمياسىنا جانە الىس-جاقىننان كەلگەن زەرتتەۋشىلەرگە العىسىمىزدى بىلدىرەمىز، – دەيدى شەت تىلدەر جانە ىسكەرلىك كارەرا ۋنيۆەرسيتەتىنىڭ رەكتورى، پروفەسسور سابري حيزمەتلي.

بۇدان بولەك قورقىت اتا اتىنداعى قىزىلوردا مەملەكەتتىك ۋنتۆەرسيتەتى، مۇستافا شوقاي عىلىمي-زەرتتەۋ ورتالىعىنىڭ عىلىمي جەتەكشىسى ابدىجالەل باكىر، قىرعىزستانداعى ماحمۇت قاشعاري شىعىس ۋنيۆەرسيتەتىنىڭ رەكتورى الماز يبراەۆ،  سيۆاس جۇمحۋريەت ۋنيۆەرسيتەتىنىڭ رەكتورى ءالىم يىلدىز، شەت تىلدەر جانە ىسكەرلىك كارەرا ۋنيۆەرسيتەتىنىڭ پرەزيدەنتى تۇركيالىق پروفەسسور ءالي وزەك  تاقىرىپقا قاتىستى ءوز ويلارىن ورتاعا سالدى.

سيمپوزيۋمدا وقىلعان باياندامالار نەگىزىندە عىلىمي جيناق ازىرلەنىپ، قاتىسۋشىلارعا ارنايى سەرتيفيكاتتار تابىستالاتىن بولادى.

سوڭعى جاڭالىقتار

ۇيدەن شىقپاي قازاقشا ۇيرەن

قوعام • بۇگىن، 13:08

«...تاۋىڭدا قىران قالدى ما؟»

ايماقتار • بۇگىن، 12:52

ءداستۇردى بۇلداۋ ما بۇل؟!

قوعام • بۇگىن، 12:23

كوروناۆيرۋس شاش ارقىلى جۇعادى

كوروناۆيرۋس • بۇگىن، 12:19

«التىن وردا» كۇيىن شىعاردى

رۋحانيات • بۇگىن، 11:21

كارانتيننەن كەلەتىن زارداپ مول

كوروناۆيرۋس • بۇگىن، 11:09

تاعى ءبىر ناۋقاس قايتىس بولدى

كوروناۆيرۋس • بۇگىن، 08:07

كونكۋرس جاريالانادى

قوعام • بۇگىن، 07:57

كورشىڭىزبەن قالايسىز؟

رۋحانيات • بۇگىن، 07:54

ءسوز سويىل №92

رۋحانيات • بۇگىن، 07:50

قاجىعۇماردى قايتەمىز؟

تانىم • بۇگىن، 07:47

تۇراتىدا تۋعان تارلاندار

رۋحانيات • بۇگىن، 07:45

«شترافباتتىڭ» كومانديرى

رۋحانيات • بۇگىن، 07:43

ۇقساس جاڭالىقتار