20 ماۋسىم، 2019

بالالار قۇقىن قورعاۋ جونىندەگى رەسپۋبليكالىق كەڭەستىڭ كەڭەيتىلگەن وتىرىسى ءوتتى

238 رەتكورسەتىلدى

«Nur Otan» پارتياسىنىڭ ورتالىق اپپاراتىندا پارتيا حاتشىسى تامارا دۇيسەنوۆانىڭ توراعالىق ەتۋىمەن بالالار قۇقىن قورعاۋ جونىندەگى رەسپۋبليكالىق كەڭەستىڭ كەڭەيتىلگەن وتىرىسى ءوتتى. بۇل تۋرالى پارتيانىڭ ءباسپاسوز قىزمەتى حابارلادى.

     كەزدەسۋدى اشقان پارتيا حاتشىسى قاتىسۋشىلاردى «Nur Otan»-نىڭ XVIII سەزىندە ەلباسى جاريالاعان «باقىتتى وتباسى» پارتيالىق جوباسىن جۇزەگە اسىرۋ بويىنشا رەسپۋبليكالىق كەڭەستىڭ جۇمىسىنىڭ نەگىزگى ناتيجەلەرىمەن تانىستىردى.

     ونىڭ ايتۋىنشا، پارتيالىق جوبانى ىسكە اسىرۋ ءۇشىن جول كارتاسى دايىندالىپ، وندا وتباسىلار مەن بالالاردىڭ ءومىر ءسۇرۋ ساپاسىن جاقسارتا ءتۇسۋ ماقساتىندا جاڭا الەۋمەتتىك-ەكونوميكالىق ءىس-شارالار قاراستىرىلعان.  سونداي-اق ول سەنىمدى زاڭدىق قورعاۋدى قامتاماسىز ەتەدى. «Nur Otan» پارتياسىنىڭ حاتشىسى پارتيا جانىنان قۇرىلعان بالالار قۇقىن قورعاۋ جونىندەگى كەڭەستىڭ ەڭ ءىرى كونسۋلتاتيۆتىك-كەڭەستىك الاڭداردىڭ بىرىنە اينالعانىنا باسا نازار اۋداردى. – كۇن سايىن ءبىزدىڭ جۇمىسىمىزعا ات سالىسقىسى كەلەتىن جاقتاستارىمىزدان وتىنىشتەر ءتۇسىپ جاتىر. قازىردىڭ وزىندە كەڭەسكە 50- دەن استام ۇەۇ كىردى. بالالاردىڭ پروبلەماسىنا بايلانىستى بىرگە جۇمىس ىستەگىسى كەلەتىن بەلسەندىلەردىڭ قۇلشىنىسى ازاماتتىق قوعامنىڭ دامىپ جاتقانى جانە جالپىۇلتتىق مىندەتتەردى شەشۋگە قازاقستاندىقتاردىڭ قاتىسقىسى كەلەتىنىن اڭعارتادى.  قوعامدا تەك بىرىگىپ قانا ءبارىمىزدىڭ ورتاق ماقساتىمىز – وسكەلەڭ ۇرپاقتىڭ يگىلىگىنە قول جەتكىزە الامىز دەگەن تۇسىنىك قالىپتاستى، - دەپ اتاپ ءوتتى تامارا دۇيسەنوۆا.

    كەڭەس توراعاسىنىڭ ورىنباسارى دينارا زاكيەۆا جول كارتاسىنىڭ شەڭبەرىندە مەمورگاندار جۇمىسىنىڭ تيىمدىلىگىن ارتتىرۋ بويىنشا ناقتى ءىس-شارالاردىڭ قاراستىرىلعانىن تىلگە تيەك ەتتى. اتاپ ايتقاندا، وتباسىنى قولداۋ جونىندەگى بولىمدەر مەن ورتالىقتار اشۋ، بالالارعا پسيحولوگيالىق قولداۋ كورسەتۋ قىزمەتىن دامىتۋ، ءتۇرلى جاعدايداعى تاۋەلدىلىكتى پسيحولوگيالىق ادىستەرمەن تۇزەۋ بويىنشا جۇمىستى ەنگىزۋ. سونداي-اق سپيكەر «بىرىڭعاي الەۋمەتتىك تەرەزە» جوباسىنىڭ ناتيجەلى جۇمىسىنا توقتالدى.

-ەكى اي  ىشىندە بىرىڭعاي الەۋمەتتىك تەرەزەنىڭ كومەگىنە 7 مىڭنان استام ازامات جۇگىندى، ولاردىڭ كوبىسى كوپ بالالىلار. ءۇش مىڭنان استام ادامنىڭ ماسەلەسى وڭتايلى شەشىلدى.  ولارعا جۇمىسقا تۇرعىزۋدان باستاپ، بالالارىن مەكتەپكە دەيىنگى مەكەمەلەرگە ورنالاستىرۋ، ماتەريالدىق كومەك كورسەتۋ سياقتى كەشەندىك قولداۋ كورسەتىلىپ، 119 وتباسى تۇرعىن ۇيمەن قامتاماسىز ەتىلدى - دەدى دينارا زاكيەۆا.

       كەڭەس شەڭبەرىندە سونداي-اق بىرقاتار جاڭا باستامالار ىسكە قوسىلدى. ماسەلەن، تولىق ەمەس وتباسىلار ءۇشىن ۇيلەرىندە جۇمىس ىستەۋ جاعدايىن ۇيىمداستىرۋ ماقساتىندا قازاقستانداعى ىسكەر ايەلدەر قاۋىمداستىعىمەن بىرگە ايەلدەردى ءتۇرلى كاسىپكە ۇيرەتۋ بويىنشا باستامالار ىسكە اسىرىلۋدا. «Green tal» جشس-مەن  بىرگە قولايسىز وتباسىنداعى بالالاردى اعاش شەبەرلىگى  مەن تەمىر ۇستاسى شەبەرلىگىنە وقىتۋ ءۇشىن الەۋمەتتىك شەبەرحانالار اشىلۋدا. ال، «Qazaqstan» تەلەارناسىمەن ىنتىماقتاستىقتىڭ ارقاسىندا بالالار مەن ولاردى دامىتۋ مۇمكىندىگى تۋرالى حابارلار توپتاماسى ىسكە قوسىلدى.

كەڭەس وتىرىسىندا شىعىس قازاقستان وبلىسىنداعى (از قامتىلعان وتباسىلارداعى مەكتەپ جاسىنا دەيىنگى بالالارىن تەگىن وقىتۋ)، اقمولاداعى (از قامتىلعان وتباسىلاردى ارنايى الەۋمەتتىك قامتاماسىز ەتۋ) جانە پاۆلودارداعى (از قامتىلعان جانە كوپ بالالى وتباسىلاردى باسپانامەن قامتاماسىز ەتۋ) «باقىتتى وتباسى» ۇلتتىق جوباسى اياسىندا اتقارىلعان ىستەردىڭ وڭ ناتيجەلەرى قاراستىرىلدى.

قاتىسۋشىلاردىڭ پىكىرىنشە، «Nur Otan» پارتياسىنىڭ قولداۋىمەن كەڭەستىڭ مۇشەلەرىنىڭ تىكەلەي اتسالىسۋىمەن  ىسكە قوسىلعان بىرقاتار تاۋەلسىز جوبالار ىسكە قوسىلدى. سونىمەن، نۇر-سۇلتاندا قازاقستاننىڭ ىسكەر ايەلدەر قاۋىمداستىعىمەن بىرلەسكەن «ءۇش كۇن ىشىندەگى بيزنەس» جوباسى ىسكە قوسىلدى.

ول ايەلدەردى تىگىن شەبەرلىگىنە وقىتۋدى، ترەنينگ اياقتالعاننان كەيىن ولارعا تىگىن ماشينالارىن ۇسىنۋدى جانە ولاردىڭ ونىمدەرىن وتكىزۋدى قولداۋدى قامتاماسىز ەتەدى. پارتيا مۇشەلەرى «بالا وتباسىندا ءومىر ءسۇرۋى ءتيىس» قوعامدىق قوزعالىسىنىڭ باستاماسىمەن شالعاي ەلدى مەكەندەردە الەۋمەتتىك قىزمەتتەردى اشۋ جوباسىن قولدادى.

وتىرىس اياسىندا بالالار قۇقىعىن قورعاۋعا ارنالعان «Biz bolashaq urpaqpiz» كونكۋرسىنىڭ جەڭىمپازدارىن ماراپاتتاۋ ءراسىمى ءوتتى.

كونكۋرستى «Nur Otan» پارتياسى جانىنداعى بالالار قۇقىن قورعاۋ جونىندەگى كەڭەستىڭ قولداۋىمەن Generation Next جاستار جوباسى ۇيىمداستىردى جانە وتكىزدى. كونكۋرسقا قاتىسۋ ءۇشىن 7 مەن 18 جاس ارالىعىنداعى 14 ءوڭىردىڭ بالالارى ەسسە مەن روليك تۇرىندەگى وزدەرىنىڭ وتىنىشتەرىن جولدادى. بارلىعى 137 جۇمىس ءتۇستى.

ەلوردالىق قاتىسۋشىلارعا سىيلىقتار تابىس ەتىلى. مىسالى، № 83 مەكتەپ-گيمنازياسىنىڭ وقىتۋشىسى نۇرساۋلە قايراتقىزىنىڭ جۇمىسى ۇزدىك بولىپ تانىلىپ، وعان «ەكونوميكا» ماماندىعى بويىنشا تەگىن وقۋ ءۇشىن قازمزۋ رەكتورىنىڭ گرانتى بەرىلدى. قالعان ەلوردالىق قاتىسۋشىلار «مۆا KIDS قازاقستان» حالىقارالىق مەكتەبىنىڭ كاسىپكەرلىك باعدارلاماسىنا ارنالعان سەرتيفيكاتتاردى ەنشىلەدى. باسقا وبلىستاردىڭ كونكۋرسقا قاتىسۋشىلارىنا دا وڭىرلىك دەڭگەيدە قۇرمەت كورسەتىلەتىن بولادى.

رەسپۋبليكالىق كەڭەس 2019 جىلدىڭ اقپانىندا مەملەكەتىمىزدىڭ تۇڭعىشش پرەزيدەنتى – ەلباسىنىڭ تاپسىرماسى بويىنشا قۇرىلدى، تاپ وسىنداي قۇرىلىمدار بارلىق 17 وڭىردە جانە پارتيانىڭ 230 اۋماقتىق وكىلدىگىندە ارەكەت ەتەدى. كونسۋلتاتيۆتىك-كەڭەستىك ورگان ورتالىق مەمورگاندار وكىلدەرىن، قوعام قايراتكەرلەرىن، سونداي-اق قىزمەتتەرى بالالاردىڭ قۇقىن قورعاۋ مەن وتباسىن قولداۋعا باعىتتالعان قورلار مەن ۇەۇ بىرىكتىرەدى.

ءار وتباسىنىڭ اماندىعى، ورتالىق، سونىمەن بىرگە وڭىرلىك دەڭگەيدە دە بالالاردىڭ قۇقىن قورعاۋ مەن وتباسىنى قولداۋدىڭ نەگىزگى ستراتەگيالىق باعىتى ماسەلەلەرى بويىنشا ناقتى ءىس شارالاردى پىسىقتاۋ مەن مەحانيزمدەردى جەتىلدىرە ءتۇسۋ كەڭەستىڭ باستى ماقساتى بولىپ تابىلادى.

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

تەمەكىنىڭ تاۋقىمەتى

مەديتسينا • بۇگىن، 07:05

ۇقساس جاڭالىقتار