قوعام • 20 ماۋسىم، 2019

الماتىدا «جاس تۇلەك-2019» فەستيۆالى ءوتتى

171 رەتكورسەتىلدى

الماتى اكىمى باۋىرجان بايبەك جىل سايىنعى «جاس تۇلەك-2019» فەستيۆالىنە قاتىسىپ، مەكتەپ ءبىتىرۋشى تۇلەكتەردى اتتەستات الۋلارىمەن جانە «التىن بەلگى» يەگەرلەرىن مەرەيلى جەتىستىكتەرىمەن قۇتتىقتادى. مەگوپوليستە بيىلعى جىلى ورتا مەكتەپتى 8250 تۇلەك بىتىرگەن بولسا، ولاردىڭ ىشىندە 478 وقۋشى «التىن بەلگى» يەگەرى اتانعان.

– سەندەردىڭ بىلىمگە دەگەن قۇشتارلىقتارىڭ، تاباندى ءارى ەرەن ەڭبەكتەرىڭ جوعارى ماراپات – «التىن بەلگىمەن» باعالانۋدا. ارالارىڭدا وقۋشىلاردىڭ رەسپۋبليكالىق، حالىقارالىق وليمپيادالارىنىڭ، شىعارماشىلىق جانە زياتكەرلىك كونكۋرستاردىڭ، سپورت جارىستارىنىڭ جەڭىمپازدارى بار. سەندەر تاۋەلسىز قازاقستاندا تۋىلعان ءبىزدىڭ بولاشاعىمىزسىڭدار. بارلىق مۇعالىمدەردى، ارينە اتا-انالارىڭدى قۇتتىقتايمىن ءارى ولارعا العىس ايتامىن. بالالارىنىڭ بيىك مەجەلەردەن كورىنۋلەرى ءۇشىن ولار ايانباي تەر توكتى جانە قانشاما تۇندەردى ۇيقىسىز وتكىزدى. بالالارىنىڭ جەتىستىكتەرى ولاردىڭ ماحابباتىنا، توزىمدىلىگى مەن قامقورلىعىنا بەرىلگەن ماراپات بولسىن»،  – دەدى جينالعاندار الدىندا باۋىرجان بايبەك.

فەستيۆالگە ارنايى كەلگەن كوپتەگەن حالىقارالىق مۋزىكالىق بايقاۋلاردىڭ جەڭىمپازدارى ەرجان ماكسيم، دانەليا تۋلەشوۆا جانە جان ماكين تۇلەكتەردى قۇتتىقتادى.

ايتا كەتەرلىگى، الماتىدا سوڭعى 5 جىل ىشىندە ءبىلىم سالاسىن قارجىلاندىرۋ ەكى ەسەگە وسكەن. قالانىڭ بارلىق مەكتەپتەرى فيزيكا، حيميا، بيولوگيا جانە لينگافوندى-مۋلتمەديا كابينەتتەرىمەن 100 پايىز جابدىقتالعان. 78 مەملەكەتتىك ءبىلىم نىسانىنا سەيسميكالىق كۇشەيتىلۋ جۇمىستارى جۇرگىزىلگەن.

قالادا سوڭعى ءۇش جىل ىشىندە 3 مىڭ ورىندى ءۇش جاڭا مەكتەپ اشىلدى، ونىڭ ەكەۋى جەكە ينۆەستيتسيانى تارتۋ ەسەبىنەن ءمجا اياسىندا بوي كوتەرگەن. التى مەكتەپ جانىنان 4 مىڭ ورىندى قوسالقى نىسان پايدالانۋعا بەرىلدى. بيىل كۇزدە الاتاۋ اۋدانىندا 600 ورىندى تاعى ءبىر جاڭا مەكتەپ اشىلادى. ەكى مەكتەپ جانىنان 1300 ورىندى قوسالقى نىساندار بوي كوتەرەدى. ەلباسىنىڭ تاپسىرماسى بويىنشا شاھاردا 7900 ورىندى تاعى 8 جاڭا مەكتەپ سالىنادى دەپ جوسپارلانعان.


الماتى

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار