قازاقستان • 19 ماۋسىم، 2019

داريعا نازارباەۆا چەحيانىڭ قازاقستانداعى ەلشىسىن قابىلدادى

165 رەتكورسەتىلدى

سەنات توراعاسى چەحيا قازاقستاننىڭ بۇرىنعى دوسى، ەۋروپا وداعىنداعى ماڭىزدى ساياسي جانە ەكونوميكالىق ارىپتەسى ەكەنىن اتاپ ءوتتى. بۇل تۋرالى سەناتتىڭ ءباسپاسوز قىزمەتى حابارلادى.

د.نازارباەۆا قازاقستانداعى ماڭىزدى ىشكى ساياسي وقيعالار، جۇرگىزىلىپ جاتقان رەفورمالار مەن كەزەكتەن تىس پرەزيدەنت سايلاۋىنىڭ ناتيجەلەرى تۋرالى اڭگىمەلەدى. «قازاقستان پرەزيدەنتى قاسىم-جومارت توقاەۆ لايىقتى ءارى نىق جەڭىسكە قول جەتكىزدى. ءبىزدىڭ الدىمىزدا ۇلكەن مىندەتتەر تۇر. ەلباسىنىڭ ستراتەگيالىق باعىتىن ىسكە اسىرۋ – باستى باعىتىمىز»، - دەدى ول.

سەنات توراعاسى ەلىمىزدىڭ ىشىندەگى جانە حالىقارالىق كەڭىستىكتەگى بەيبىتشىلىكتى، پىكىرلەسۋدى، تۇراقتىلىقتى نىعايتۋعا باعىتتالعان قازاقستاننىڭ حالىقارالىق باستامالارىن قولداعانى ءۇشىن چەحياعا ريزاشىلىعىن ءبىلدىردى.

تاراپتار ەكى ەل پارلامەنتشىلەرىنىڭ اراسىنداعى ىنتىماقتاستىقتى تەرەڭدەتۋدى جاقتايتىندارىن ايتتى. «ءبىزدىڭ ەلدەرىمىزدىڭ پارلامەنتتەرىندە قۇرىلعان ىنتىماقتاستىق توپتارىنىڭ ءوزارا ءىس-قيمىلىن دامىتا ءتۇسۋ قاجەت. ادامدار اراسىنداعى بايلانىس – ديپلوماتيانىڭ ەڭ جاقسى ءتۇرى»، - دەپ اتاپ ءوتتى پارلامەنت جوعارعى پالاتاسىنىڭ باسشىسى.

د.نازارباەۆا چەحيالىق كومپانيالاردىڭ قىتاي مەن ەاەو ەلدەرىنە تاۋار تاسىمالىنىڭ مۇمكىندىكتەرى تۋرالى ايتا كەلىپ، چەحيا كاسىپكەرلەرىن قازاقستانعا ينۆەستيتسيا سالۋعا شاقىردى. سەنات باسشىسىنىڭ پىكىرىنشە، اۆتوموبيل جاساۋ، جاسىل تەحنولوگيالار، ءبىلىم بەرۋ، دەنساۋلىق ساقتاۋ جانە تۋريزم ىنتىماقتاستىقتىڭ باسىم سالالارى بولىپ تابىلادى. «قازاقستاندا ارتىقشىلىقتار مەن مۇمكىندىكتەر وتە كوپ. ايماق وتە بەلسەندى دامىپ كەلەدى»، - دەدى سەنات باسشىسى.

ر.گيكل ءبىزدىڭ ەلىمىزدىڭ قاقتىعىستاردى رەتتەۋ جونىندەگى بىتىمگەرشىلىك كۇش-جىگەرى مەن ەكىجاقتى ىنتىماقتاستىقتىڭ زور الەۋەتىن اتاپ وتە كەلىپ قازاقستاندا جۇزەگە اسىپ جاتقان رەفورمالارعا نازار اۋداردى.

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار