بۇل تۋرالى قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسىندا وبلىستىق پوليتسيا دەپارتامەنتىنىڭ باستىعى بەكەت ايماعامبەتوۆ حاباردار ەتتى. بيىلعى جىلدىڭ باسىنان بەرگى 5 ايدا وبلىستاعى قىلمىس وتكەن جىلدىڭ سايكەستى مەرزىمىمەن سالىستىرعاندا 10 پروتسەنتكە قىسقارعان. سونىمەن قاتار ۇرلىقتى اشۋ سوڭعى بەس جىلدا جاقسارا تۇسكەن, ال 2014-2018 جىلدار ارالىعىندا جالپى ۇرلىق وبلىس وڭىرىندە 15942-دەن 9541-گە دەيىن ازايعان.
بىراق ۇرلىقتىڭ اتى – ۇرلىق, ول قانشا ازايعانىمەن ادامدار ءۇشىن زاردابى اۋىر. وعان قارسى كۇرەس جانە پروفيلاكتيكالىق جۇمىستار وبلىستا ءۇزىلىسسىز جۇرگىزىلىپ كەلەدى. پروفيلاكتيكالىق جۇمىستاردى جاقسارتۋ ءۇشىن «قازاقتەلەكوم» اق فيليالىمەن بىرلەسىپ, كوپ قاباتتى ۇيلەرگە 1202 ۆيدەوكامەرا ىلىنگەن. مۇنداي كامەرالار قالاىشىلىك اۆتوبۋستاردا دا ورناتىلعان. كوميسسيا وتىرىسىندا وبلىس اكىمى ارحيمەد مۇحامبەتوۆ ۆيدەوكامەرا ورناتىلماعان اۆتوبۋس يەلەرى مەملەكلەتتىك ساتىپ الۋ كونكۋرستارىنا قاتىستىرىلماۋى كەرەكتىگىن ايتتى. وبلىس وڭىرىندە «دامىپ» تۇرعان ۇرلىق ءتۇرىنىڭ ءبىرى قالتا ۇرلىعى ەكەن.
وتىرىستا كوبىرەك ءسوز بولعان ماسەلە مال ۇرلىعىنىڭ ازايماي وتىرعانىنا بايلانىستى بولدى.
«شارۋاشىلىقتىڭ جانە جەكە سەكتورداعى ۇرلانعان مالداردىڭ تاڭبالانباۋى, ەن سالىنباۋى جانە جايىلىمدا قاراۋسىز قالدىرۋ ونى ىزدەستىرۋدە قيىندىقتار اكەلەدى. وسى ورايدا وتكەن جىلى وبلىستاعى شارۋاشىلىق باسشىلارى جانە تۇرعىندارمەن 517 جيىن وتكىزدىك, وندا 40 مىڭعا جۋىق ادامدى قامتىدىق» دەيدى بەكەت ايماعامبەتوۆ. ول بيىلدىڭ وزىندە 88 مال ۇرلىعى فاكتىسى تىركەلگەندىگىن ايتتى.
تسيفرلاندىرۋ جەتىستىكتەرى مال ۇرلىعىن ازايتۋعا جانە ونىڭ الدىن الۋعا ۇلكەن كومەگىن تيگىزەدى. وبلىس وڭىرىندە وتكەن جىلى 24 «GPS»- ترەكەر ورناتىلسا, بيىل جىل باسىنان بەرى 34 «GPS»- ترەكەر ورناتىلدى. سونىڭ ارقاسىندا مال ۇرلىعى 2017 جىلعى 280-نەن, وتكەن جىلى 243 بولىپ ازايعان. وبلىستا ۇزىن اياقتى مال 1 266 325 بولسا, سونىڭ 1 127 515-ءى, 89 پروتسەنتى تاڭبالانىپتى. بەكەت ايماعامبەتوۆ كوميسسيا وتىرىسىندا مال يەسى, تۇرعىندار جيىنى جانە باقتاشى اراسىندا كەلىسىم شارت جاساۋ كەرەكتىگى تۋرالى ۇسىنىس ايتتى. قالاي دەگەنمەن دە مالدىڭ قولدى بوماۋىنا مال يەسىنىڭ دە جاۋاپكەرشىلىگىن ارتتىرۋ كەرەكتىگى ءسوز بولدى.
قوستاناي
