«قارجىلاندىرىلعان جوبالار بويىنشا كوشباسشىلاردىڭ ۇشتىگىنە ەنىپ وتىرمىز» دەگەن الماتى قالاسى كاسىپكەرلەر پالاتاسى ديرەكتورىنىڭ ورىنباسارى الما تۇرلىباەۆا بۇل باعىتتار بويىنشا اقپاراتتىق جۇمىستار تۇراقتى جۇرگىزىلىپ كەلەدى. بۇگىنگى تاڭدا الماتىدا 6 جوبا ماقۇلدانىپ, 3 جوبا 3,2 ملرد تەڭگە كولەمىندە قارجىلاندىرىلعان. ال ءبىر جوبا دايىندىقتا بولسا, 15 جوبا ەدب قاراۋىندا, 11 جكس باعدارلاماعا قاتىسۋعا نيەت ءبىلدىرىپ وتىر. جوبالىق كەڭسەنىڭ قىزمەتى بارىسىندا بيزنەستى ۇسىنۋ تەتىگىن جەتىلدىرۋ بويىنشا ۇسىنىستار قابىلدانىپ, وتىرىستاردا قاراستىرىلۋدا. جوباعا اعىمداعى جىلدىڭ 4 مامىرىندا ۇكىمەت قاۋلىسىمەن وزگەرىستەر ەنگىزىلىپ, قورعانىس قاراجاتىن تولىقتىرۋدى سۋبسيديالاۋ 30 پايىزدان ەلۋگە دەيىن ارتقان. قازىرگى كەزدە ورتالىق جوبالىق وفيس جاڭا توپتامانى دايىنداۋ جۇمىستارىن جۇرگىزۋدە, ياعني اينالىم قاراجاتىن تولىقتىرۋدى قارجىلاندىرۋ مولشەرىن 50 پايىزدان 70 نەمەسە 100 پايىزعا دەيىن ۇلعايتۋ, سونداي-اق اوك جوبالارى ءۇشىن اينالىم قاراجاتىن تولىقتىرۋعا ارنالعان سۋبسيديالاۋ مولشەرىن 5 پايىزدان 8 پايىزعا دەيىن كوتەرۋ, ال ينۆەستيتسيالىق ماقساتتارعا ارنالعان كرەديت مەرزىمىن 10 جىلعا دەيىن ۇزارتۋ جۇمىستارى جۇرگىزىلۋدە.
اتقارىلعان جۇمىستاردىڭ ناتيجەسى بويىنشا الماتى قالاسى بويىنشا «دامۋ» كاسىپكەرلىكتى دامىتۋ قورى» اق وڭىرلىك فيليالىنىڭ ديرەكتورى سۆەتلانا نازاريۋك جانە «CENTERCREDIT» اق ءىرى بيزنەس باسقارماسىنىڭ باسشىسى بايان مۇحتاروۆا بايانداپ ءوتتى.
«دامۋ» كاسىپكەرلىكتى دامىتۋ قورى» اق الماتى قالاسى فيليالىنىڭ ديرەكتورى سۆەتلانا نازاريۋك حالىق تۇتىناتىن تاۋارلار, سونداي-اق باستاپقى وڭدەۋ ونىمدەرى مەن شيكىزاتتارى ءوندىرىسىن قولداۋ ءۇشىن 600 ملرد تەڭگە بولىنگەندىگىن جەتكىزدى. بۇل قاراجات وڭدەۋشى ونەركاسىپتى, اگروونەركاسىپتىك كەشەندى دامىتۋعا جانە قولداۋعا باعىتتالاتىن بولادى. بولىنگەن قاراجاتتار ەكىنشى دەڭگەيلى 9 بانكتە بەرىلەدى. باعدارلاما اياسىندا جۇمىس جۇرگىزەتىن بانكتەردىڭ قاتارىندا حالىق بانكى, تسەسنا بانك, سبەربانك, بتسك, اتف, ربك, Forte, ەۋرازيا جانە نۇربانك بار.
بولىنگەن قاراجاتتىڭ ماقساتتى ارنالۋى – وڭدەۋ ونەركاسىبى جانە اگروونەركاسىپ كەشەنى سالاسىندا قىزمەت ەتەتىن كاسىپكەرلەردى ينۆەستيتسيالىق ماقساتتارعا (نەگىزگى قاراجات, بيولوگيالىق اكتيۆتەر) نەسيەلەندىرۋ جانە اينالىم قاراجاتتاردى تولتىرۋ. ماسەلەن, تاماق ونەركاسىبىندە ەتتى وڭدەۋ مەن كونسەرۆىلەۋ, قانت ءوندىرىسى, جەمىس جانە كوكونىس شىرىنىن ءوندىرۋ, بالالار تاماعى جانە ديەتالىق تاماق ونىمدەرى ءوندىرىسى نەسيەلەۋگە جاتۋى مۇمكىن, ال جەڭىل ونەركاسىبىندە: سىرتقى كيىم ءوندىرىسى, توقىما ءوندىرىسى جانە تريكوتاج ناسكي-ش ۇلىق ءوندىرىسى, اياق كيىم ءوندىرىسى نەسيەلەۋگە جاتادى. ۇكىمەت قاۋلىسىمەن ەكونوميكالىق قىزمەتتىڭ جالپى جىكتەمەسىنىڭ 65 قىزمەت تۇرلەرى بويىنشا نەسيەلەندىرۋگە ارنالعان 365 تاۋار تىزبەگى بەكىتىلسە, ونىڭ ىشىندە تاماق ونەركاسىبى بويىنشا 69 تاۋار, ازىق-ت ۇلىك ەمەس ءونىم بويىنشا 274 تاۋار, اۋىل شارۋاشىلىعى ءونىمى بويىنشا 49 تاۋار انىقتالعان.
نەسيەلەۋ شارتتارى بويىنشا قارىز بەرۋ مەرزىمى 7 جىلدى قۇرايدى, سوڭعى قارىز الۋشىلار ءۇشىن اتالۋى سىياقى مولشەرى – «بيزنەستىڭ جول كارتاسى-2020» باعدارلاماسى اياسىندا مولشەرلەمەنى سۋبسيديالاۋ ەسەبىنەن 8 پايىز مولشەرىندە. قارجىلاندىرۋعا قول جەتكىزۋ ءۇشىن كاسىپكەر بانككە ءوتىنىم جىبەرىپ, بيزنەس جوبا ماقۇلدانعاننان كەيىن «دامۋ» كاسىپكەرلىكتى دامىتۋ قورىنا جۇگىنۋى قاجەت.
