قوستاناي قالاسىنداعى فيزيكا-ماتەتەماتيكا باعىتىنداعى نازارباەۆ زياتكەرلىك مەكتەبىنىڭ وقۋشىسى دانا قىلىشپاەۆا فينليانديا پرەزيدەنتى ساۋلي نينيستيومەن كەزدەسكەن.
فين پرەزيدەنتىمەن جەكە كەزدەسۋ جانە اڭگىمەلەسۋ كليماتتىڭ وزگەرۋى بويىنشا وقۋشىلاردىڭ الەمدىك ءسامميتىنىڭ ارقاسىندا مۇمكىن بولعان. دانا فورۋمعا قاتىسۋشىلار اراسىنداعى ارنايى بايقاۋدا جەڭىسكە جەتكەننەن كەيىن وعان ءسامميتتىڭ باس حاتشىلىعىندا ازيا ەلدەرىن تانىستىرۋعا سەنىم ارتىلدى. ساۋلي نينيستيومەن كليماتتىڭ وزگەرۋىنە قارسى كۇرەس شارالارى, جاڭارتىلاتىن ەنەرگيا ماسەلەلەرى, پلاستيكتى جيناۋ جانە وڭدەۋ ماسەلەلەرى تالقىلاندى. پرەزيدەنت جاستارعا ولاردىڭ بەلسەندىلىگى ءۇشىن العىس ايتىپ, العا جىلجۋعا شاقىردى.
حالىقارالىق سامميت فينليانديادا بارلىق كونتينەنتتەردىڭ 70 مەملەكەتىنەن 135 وقۋشى مەن 100 وقىتۋشىنىڭ باسىن قوستى. 14-17 جاس ارالىعىنداعى وقۋشىلار ءوز ەلدەرىنىڭ تاجىريبەسىمەن ءبولىسىپ, كليماتتىق ماسەلەلەردى شەشۋدى تالقىلادى. سونداي-اق حەلسينكي مەرياسىندا سامميتكە قاتىسۋشىلار كليمات بويىنشا وقۋشىلاردىڭ حالىقارالىق كەلىسىمىن قابىلدادى.
استانا قالاسىنداعى فيزيكا-ماتەماتيكا باعىتىنداعى مەكتەپتىڭ ەڭ تالاپتى وقۋشىلارىنىڭ ءبىرى جانە «عارىش. عىلىم. ينتەللەكت» ءىح ناۋرىز كەزدەسۋلەرىنىڭ جەڭىمپازى ءالنۇر اكچۋرين دە جاھاندىق كەزدەسۋگە قاتىستى. ول دانا قىلىشپاەۆامەن بىرگە قازاقستانداعى كليماتتىڭ وزگەرۋى جونىندەگى جوبانى ۇسىندى.
ايتا كەتەيىك, ءىس-شارا World Summit of Students for Climate ENO Schoolnet كومپانياسى يوەنسۋ جانە حەلسينكي قالالارى اكىمشىلىكتەرىنىڭ, فينليانديانىڭ قورشاعان ورتا مينيسترلىگىنىڭ, ورمان شارۋاشىلىعى جانە اگرومادەنيەت مينيسترلىگىنىڭ, ءبىلىم جانە سىرتقى ىستەر مينيسترلىگىنىڭ قولداۋىمەن ۇيىمداستىرىلعان.
