كورمەگە قويىلعان حالقىمىزدىڭ باي تاريحىنان سىر شەرتەتىن تۋىندىلاردى تاماشالاۋ ماقساتىندا تارازدىق تۇرعىندار جامبىل وبلىستىق قازاق دراما تەاترىنا قاراي اعىلدى. مۇندا ءمۇسىن, كەسكىندەمە, گرافيكالارمەن قاتار, ينستاللياتسيا, وبەكت, پەرفورمانس, ۆيدەو جانە مەديا-ارت باعىتتارى دا قامتىلعان. « ۇلى دالا حيكايالارى» اتتى سۋرەت كورمەسىنە جامبىل وبلىسى اكىمىنىڭ ورىنباسارى سۇلۋشاش قۇرمانبەكوۆا ارنايى بارىپ, كورمە جۇمىسىمەن تانىستى.
تاراز تورىندە ۇيىمداستىرىلعان كورمە بارىسىندا كورەرمەندەرگە الماگۇل مەڭلىباەۆا, ساۋلە سۇلەيمەنوۆا, راشيد نۇرەكەەۆ جانە اسحات احمەدروۆ سىندى 10-نان استام تانىمال سۋرەتشىلەردىڭ تۋىندىلارى تانىستىرىلدى. ال, اتالعان كورمەنىڭ حالىقارالىق جەتەكشىسى ليزا ءاحماديدىڭ ايتۋىنشا, بۇل تۋىندىلار الەمنىڭ 20-دان استام ەلدەرىنەن جوعارى باعاسىن العان. سۋرەتشىلەردىڭ شىعارمالارىندا كوشپەندىلەردىڭ سالت-ءداستۇرى, جالپى دالا مادەنيەتى قامتىلعان. ال, وسىناۋ ۇلتتىق قۇندىلىقتاردى ونەر تىلىندە سويلەتۋ ءۇشىن وسى سالاداعى بۇكىل الەمنىڭ ەڭ وزىق جانە مەيلىنشە شەبەرلىك ۇلگىلەرىن قولدانۋعا بارلىق مۇمكىندىكتەر جاسالعان. سونىمەن قاتار, كورمە جەتەكشىسى كورەرمەن نازارىنا ۇسىنىلعان تۋىندىلار ۇلتتىق بولمىسىمىزدى ايشىقتاپ, ونەر جانە مادەنيەت, تابيعات تاماشالارى سياقتى قۇندىلىقتاردى سۋرەتتەيتىندىگىن ايتادى. مۇندا ەلباسىنىڭ « ۇلى دالانىڭ جەتى قىرى» ماقالاسىندا ايتىلعان «اتقا ءمىنۋ مادەنيەتى», « ۇلى دالاداعى ەجەلگى مەتاللۋرگيا», «التىن ادام», «تۇركى الەمىنىڭ بەسىگى», « ۇلى جىبەك جولى», «قازاقستان – الما مەن قىزعالداقتىڭ وتانى» تاراۋلارىنداعى ەل تاريحىندا ايرىقشا ورىن الاتىن دۇنيەلەرگە قاتىستى تۋىندىلار دا كورمە تورىنەن ورىن الدى.
تاراز تۇرعىندارى الداعى ءبىر اي بويى جامبىل وبلىستىق قازاق دراما تەاترىنا بارىپ, كورمەنى تەگىن تاماشالاي الادى. بۇدان كەيىن كوشپەلى كورمە كەرۋەنى سىر بويىنا, ياعني قىزىلوردا قالاسىنا قاراي جول تارتاتىن بولادى.
